臻味豬扒酸辣米線

營業中

休息中

有時起觀塘剪完頭髮都會去下附近食埋野先返屋企。起聯安街馬路斜路邊就有間成日都幫襯既酸辣米線！佢有散叫又有餐叫，餐就平D，30幾蚊連飲品！但我通常都散叫唔到，因為我至少要雙併先夠食，佢一雙併就唔得以餐叫！唔緊要，我最欣賞佢既首先係韮菜餃，好大隻同埋塊餃皮好滑！粒粒都脹卜卜！另外我會雙併肥牛，肥牛味道就見人見智，一般般啦，但我都成日點，純粹個人情意結！而佢間店最出名係豬扒酸辣麵，佢塊豬扒就的確非常大塊，絕對低食既！肉質好淋，但我個人認為另上會好些，因為唔太鐘意食濕豬扒！當然味道都係正正常常，可以的！佢個麵係要講一講，米線滑嘟嘟，湯底酸辣適中，外賣佢會湯粉分開，做到基本細心位！酸辣程度你可以睇個人口味改，淨酸又得，淨辣又得，得左！想食既晚上去好D, 無咁多人，夏天又可以去多D,因為佢地冷氣夠哂凍！

個人本身不太喜歡吃湯粉湯米之類的食物, 但經朋友推介, 便抱試試無防的心態與友人在午飯時間去光顧一次臻味豬扒酸辣米線, 我們每人叫了一碗豬扒酸辣米線(小辣), 酸酸辣辣的味道不錯, 只是個人不太喜歡有唐芹菜加在湯中, 每碗足有3件切件豬扒份量, 比起一般茶餐廳的什麼豬扒公仔麵/通粉等豬扒份量明顯多, 豬扒入口鬆軟, 入味但不太咸, 加上那些酸菜及微辣的感覺, 各樣食材味道配搭不錯, 加上價錢經濟實惠, 所以午市時段見到店前有人龍在排隊是正常現象! =]

在觀塘區有很多間食米線的鋪頭,這間臻味是我經常都會去幫襯的其中一間。食左甘多次,今次終於記得寫食評。豬扒酸辣米線 - 豬扒好食,大大塊,醃得唔錯,又重豬扒味蠔仔酸辣米線 - 我的至愛, 蠔仔大大粒又肥美,推介豬手 - 之前見好多人叫,今次終於叫一碟黎試下。唔錯,豬手炆得皮軟肉滑,都幾入味其實個酸辣湯底已經無我第一次食的時候甘好味了,剛開張時個湯底又酸又麻又辣,味道好平衡之後每次去食時,個湯底都有D唔同,但都食唔返第一次去食時的味道,個廚師手藝不太穩定,再加上無之前甘酸甘麻甘辣,可能想迎合多D人既口味吧Anyway,湯底味道都唔差,又無乜味精,食完幾個鍾都唔會因為重味精而要去飲水