小時候 (順欣花園)

營業中

休息中

上星期五無留意佢嘅營業時間，嚟到果陣摸門釘😫，所以今個星期五先嚟呢度食左個雞蛋仔，之後再去食正餐DINNER。😏雞蛋仔同格餅有好多款口味，真係好多款都想食🤤，可惜胃得一個，只可以揀2個一齊Share。原味雞蛋仔$16屋企人平時最常食原味，因為最能食到雞香。不過呢度嘅雞蛋仔雞味唔濃，而且雞蛋仔偏淋，外脆入軟嘅特點完全表現唔到，有點失望。豬柳蛋雞蛋仔$29價錢唔平，比原味貴成$13，但有驚喜!!😯 估唔到除左加入豬柳粒外，仲有一隻完整嘅雞蛋😮，製成品再夾芝士片，變成左一個少少甜嘅豬柳蛋漢堡🙊 不過雞蛋仔都係唔脆，如果外脆添口感嘅話應該會更好。

男友IG見到沙田有鋪頭整豬柳蛋雞蛋仔，超吸引。查一查個名發現由原鋪係上水搬左去沙田。不過唔緊要，因為我知道仲有呢間小時候整雞蛋仔。第二日就落去Check下小時候有無整豬柳蛋雞蛋仔先。哇！有呀超開心即刻買份黎比男友仔食先。入面係有豬柳蛋粒同溶左既芝士係入面，好好味!!! 隔日再試埋佢其他味 - 椒鹽蛋雞蛋仔同咸蛋黃雞蛋仔 (本人鍾意咸味多過甜味) ，但都係覺得豬柳蛋最好味最濃。唯一可以改善是你們用的椒鹽在雞蛋仔上較辣，我和家人同男友食了都覺得椒味太重反而走椒鹽較為好吃。整需時間，大家要耐心等候啊～