新肥泉海鮮大排檔

營業中

休息中

🫖樹熊勁鍾意食大排檔小炒，咁耐以來同佢食勻各式各樣嘅餐廳，都未試過大排檔小炒，今日等佢放工之後就嚟到佐敦《新肥泉海鮮大排檔》炒一炒佢🔥！📌《新肥泉海鮮大排檔》位於官涌熟食中心二樓，上兩轉電梯，再行多級小樓梯就到啦。📌2樓大半個場都係《新肥泉海鮮大排檔》，大排檔梗係大大張大圓枱，一大班人圍爐小炒或者打邊爐啤一啤佢啦🍻！📌即叫即炒，任飲任食小炒及煲仔類， $288一位，仲有火鍋麻辣水煮類， $388一位，想食海鮮就$488一位。豆豉鯪魚炒油麥菜有熊妹的地方就梗係有菜啦！先食個菜疊下肚先！黎到大排檔梗係食鑊仔小炒菜！份量都好大一碟，勁多豆豉鯪魚同油麥菜，油麥菜脆脆綠綠🥬，食落口都仲係好爽，好有草青味，用咗豆豉鯪魚🐟炒埋一齊，味道鹹鹹地，真係要嚟到大排檔先好食到呢種濃味。可愛BB鴿一隻樹熊好鍾意食乳鴿🦆，就叫一隻BB鴿俾佢。一開四等份嘅BB鴿，表皮都烤得幾香口，話明BB鴿，鴿肉唔係好多，但係就係食乳鴿個味道。啄吓啄吓再噀埋骨，啜晒啲椒鹽烤鴿味道出嚟，烤焗功力發揮得唔錯💪🏻！豬潤啫啫鮮雞煲樹熊要食煲仔，豬潤雞就啱晒佢！豬潤大大件有三四件，滑雞雞肉鮮嫩，大概有六七件，同埋啲蔥頭、洋蔥、鮮菇🍄爆埋一

見到有90分鐘放題嘅大排檔，梗係要嚟挑戰一下食得幾多！今次就試吓小炒+煲仔，食物喺即叫即整，但佢地好快手就煮好哂👍🏻仲一碟接一接咁上菜，所以每一碟都夠哂熱辣辣。見到全部食物都勁大碟，最終梗係挑戰失敗😬椒鹽鴨舌鴨舌外層炸得非常酥脆，加埋椒鹽炸蒜兜炒，夠惹味！加埋碟魚露，感覺仲冇咁熱氣。肥泉小炒王誠意十足，用料夠豐富。配菜有黃紅椒、魷魚、叉燒、蝦乾、菜脯外，表面仲有脆口銀魚仔、腰果。而且韮菜花入口爽嫩冇渣，火候控制得啱啱好👍🏻👍🏻豬潤啫啫鮮雞煲一上枱，「嗞嗞」聲不斷，非常吸引。豬潤唔算大塊厚身，但就算鍋內繼續高溫加熱，食落嘅口感絕對唔粗糙。鮮雞件起碼有半隻雞嘅份量。配搭廚房三寶「薑、蔥、蒜」勁香濃，送飯一流！黑椒薯仔牛柳粒焦香味十足，薯仔炸過好香脆，牛柳走過油，唔會乾柴，仲吸收哂黑椒蜜糖嘅味道。

今天突然想起很久沒有和太太吃大排檔，難得今天在佐敦收工，想起在官涌的這家新肥泉海鮮大排檔在附近，於是就來試一試。餐廳屬於典型小炒大排檔格局，雖然夏天會比較熱，但開足風扇亦相當舒服。餐牌選擇多，更有多種生猛海鮮，份量十足，難怪平日夜晚亦相當旺場。黃金鮮魷先來一客大排檔吃飯必叫的炸鮮魷，今次選擇了黃金的做法，所謂「黃金」是裹一層薄薄的鹹蛋黃茸下油鍋一炸，頓然色香味都更上一層樓，鮮魷外皮香脆，炸粉厚薄得宜，鹹蛋黃鹹香惹味，而內裡的鮮魷厚肉，爽口彈牙，一咬透發出蛋黃奇香和非凡惹味。豬潤啫啫鮮雞煲啫雞煲醬汁特別甘香醇厚，味道滲透骨肉，雞皮的脂肪滲入雞肉之中，份外酥軟香滑，吃來有齒頰留香之妙，豬潤用上黃沙潤，爽脆同時又有軟嫩的口感。菠蘿拔絲咕嚕肉芡汁比一般的咕嚕肉薄一點，所以比較不膩口，味道融和，酸、甜、鹹味平衡，而且稀稠寬緊合度，黑豚肉肥瘦適中，入口咬嚼有外層焦香酥脆而內裡嫩滑的滋味。時菜炒珍肝最後也要吃點蔬菜，點了這客邪惡度爆燈的時菜炒珍肝，珍肝清理乾淨，清香脆嫩，鑊氣十足，油而不膩，賣相亮麗，色香味質盡皆佳妙。

上次跟朋友黎過呢間大排檔，雖然一向都知熟食中心有唔少好野食，但礙於環境關係，好多時我都唔係大願意光顧。呢度會再回頭嘅原因係佢都算衛生，渠邊都無積水，膠枱布都係乾淨嘅。同友人喺附近蒸完身，反正都要搵飯食，我記得新肥泉喺網上有做團購，於是買左5張現金券，大概係7折，菜式原價平均百零蚊，唔係特別平，不過折後又幾抵食，人均都係百鬆啲蚊。豬潤啫啫鮮雞煲 $108有三枱都點左啫啫雞煲，明顯係一齊炒起，份量就唔係話好多。雞件有肉地，唔鞋口，幾入味；豬潤唔多，夠腍身黑椒牛仔骨 $118牛仔骨都幾大碟，加左好多洋蔥同黑椒炒，味道對辦，唯獨有部份牛仔骨太多筋，好難咬開，稍韌。肥泉老火湯 - 蓮藕 $98問過店員，是日老火湯係蓮藕，啱飲先點，味道唔錯，好似我同友人本身比較缺湯水，都好喜歡。湯入面仲有好多渣，有肉有藕，調味適中，而且熱辣辣咸菜豬肚浸大蜆 $138又係有湯飲系列，首先一定要讚，大蜆確實係大，而且份量大方，數埋都有接近廿粒，肉質飽滿你知啦平時出街叫炒蜆，殼多過肉。湯底味道唔錯，如果拎黎打邊爐都應該正，胡椒味重，飲到身體暖粒粒，而且唔會好鹹。不過豬肚就比較淡口，唔入味。蒜茸菜心 $88我地用團購券，