新麻蒲 BBQ (波斯富街) (已結業)

銅鑼灣真係美食天堂，今次黎到新麻蒲試下韓國菜。因為朋友唔食牛肉，所以揀咗豬肉套餐，計番渾係抵過單點唔同嘅肉類黎烤。一開始侍應就上咗唔少伴菜，例如沙律、泡菜、芽菜等等，清甜開胃。唔洗幾耐就上咗個套餐。最上一層係雜錦拼盤，中間係五花肉同護心肉，最下係豬排骨，特別推介護心肉，依個部位嘅肉真係會食上癮，又香又甜。仲有一小碟係醃蘿蔔，餐廳教我地係用黎包住燒咗嘅肉加少少秘製嘅醬，好有層次感，又有蘿蔔嘅酸酸甜甜味解膩。至於拼盤入面有年糕，燒咗幾耐下都仲係好硬，唔知係咪算熟呢。部隊鍋係用隔離嘅爐一路煮，一見到拉麵上面嘅芝士已經好吸引，不過拉麵比較少，食咗幾啖就冇哂，配料都係平時部隊鍋必備嘅午餐肉呀牛肉片年糕等等。可以着埋餐廳俾嘅圍裙，唔驚整污糟件衫。又可以試下韓國啤酒，都幾特別。

新麻蒲有好多分店，今日就黎咗銅鑼灣嘅分店。一入到去就見到好多唔同國籍嘅客人，估唔到咁出名，所以餐牌有齊哂中英韓文。因為野食多到眼花撩亂，有選擇困難症嘅我地最後叫咗豬肉套餐($368)。套餐包括護心肉，五花肉，豬排骨，什錦拼盤，部隊鍋。肉類同拼盤用一個3層架黎上枱，拼盤入面有年糕，蘑菇，豬肉香腸，大蝦。護心肉同豬排骨燒完之後肉汁超鮮甜，可能係因為用秘製嘅醫汁黎腌，五花肉嘅腩肉同瘦肉條理分明，好有口感。餐廳會提供前菜，亦有生菜提供，包住d肉一齊食，冇咁油膩，口感亦豐富左。部隊鍋上枱嘅時候好清，煮煮下湯底先會開始變成橙紅色。同其他店鋪一樣，有韓式拉麵，年糕，香腸，金菇，午餐肉等等，冇咩特別，不過比起平時食嘅冇咁辣。總括黎講，環境舒適，服務周到，依個豬肉套餐比教適合咩都想試試嘅人，不過分量就較少。

有食過好多韓燒，但係就未試過爐邊蛋，一直都好想試。和朋友一行二人，排左個半鐘終於試到。叫左二人份量的豬肉套餐(包左爐邊蛋一次，護心肉，五花肉，豬排骨，年糕，蘑菇，豬肉香腸，大蝦，仲有火龍果沙律同幾碟菜），仲叫左秘製豬皮，覆盤子梳打汽水同埋紅豆冰沫。呢度的前菜比起其他的韓式燒烤店都多款，三層式的層架擺出黎精緻之餘又慳位。火龍果沙律用左新鮮的芝麻醬，第一次食這種芝麻醬，很特別。覆盤子梳打汽水好好飲，很解渴。爐邊蛋同護心肉真係超好味。唯獨燒豬皮令我有點失望，甜味的豬皮有點怪。食到飽飽之後，一場黎到排左咁耐，點都要試埋紅豆冰沫。食甜品果然係有第二個胃。呢度的亮點係呢個紅豆冰沫。唔同其他刨冰咁，就算有牙齒敏感都唔驚，因為唔會冰到震，入口即溶，甜味剛剛好。今晚晚餐真係超滿足。