新肥泉海鮮大排檔

營業中

休息中

//新肥泉（任飲任食）//我哋今次食咗佢$288小菜任食嘅套餐，一打開個餐牌見到粥粉麵飯，肉類，菜類都好足夠，仲有砂煲同好多小炒😍😍可以話啱晒唔同口味同需要嘅人士！😋😋我哋今次就試咗⭕️肥泉小炒王⭕️京蔥炒牛柏葉⭕️ 菠蘿拔絲咕嚕肉⭕️ 豬潤啫啫鮮雞煲♡̴ 肥泉小炒王大排檔必食嘅小炒王！好夠鑊氣，堅果亦都炒到卜卜脆，韭菜仍然保持到香甜爽脆，仲有佢哋嘅蝦乾好有鮮味，為道菜增色不少♡̴ 京蔥炒牛柏葉裏邊嘅牛柏葉吸晒啲味汁，好惹味，咬落去爆汁，京蔥亦都好足料，熱辣辣食落去好滿足，送飯食一流♡̴ 菠蘿拔絲咕嚕肉咕嚕肉皮爽肉嫩，配合菠蘿夠晒開胃，個汁啱啱好，唔會太甜，亦都唔會太酸，仲真係可以做到拉絲嘅效果！好食！♡̴ 豬潤啫啫鮮雞煲啲雞肉好嫩滑，啖啖肉，豬潤食落都好綿香，又有咬口，加上個味汁好出色，有少少辣味好香口，加埋一齊真係絕配！💰$200-300/1p⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️ ⭐️ ⭐️

最近廟街有夜繽紛，車仔檔小食都比較貴，行過啲轉個彎就見到熟食中心，決定上去探一探。喱間比較起廟街入面個啲好似性價比高啲，兩個人叫咗3個餸。豬膶啫啫鮮雞雞煲 $128超好味，香味撲鼻，好推薦比大家，真喺正如其名，「鮮雞」，雞肉好彈牙，即使係雞胸都唔會好霉，味道又唔會太搶，豬潤亦都好新鮮。避風塘軟殼蟹$168真係外脆內軟，又鎖到啲鮮甜蟹汁，餸啤酒汽水真喺一流，食完一啖又會再食，同埋都真喺幾大碟，食極都仲有。招牌海蝦球$138無錯就喺酸酸甜甜嘅菠蘿咕嚕蝦球，口味上喺比較甜，所以好好餸飯，同埋啖啖肉無骨最重要。行完廟街搵唔到食咩？真係要過嚟試一試。

今日就同朋友去左新肥泉海鮮大排檔食野餐廳係官涌熟食中心入面, 都唔算太難揾🤣一上到去就見到新肥泉佔左超多座位, 超大間呢到既小炒整體來講超重鑊氣, 份量仲好大, 啱晒一班人飲住啤酒吹水 🍻 食物選擇都好多, 海鮮都有多種煮法除咗有牛雞豬類既小炒, 仲有得打邊爐🤣海鮮類整體嚟講都好新鮮👍我哋叫咗椒鹽九肚魚同邪惡黃金大蝦仁九肚魚炸得酥脆, 炸粉唔會太厚, 魚夠晒滑身蝦仁都大粒, 鹹蛋黃平均分怖係每一粒蝦仁上面, 夠晒邪惡🤣另外我地都叫咗豬膶啫啫鮮雞煲同黑椒野菌牛柳粒豬膶爽口而且好大塊牛柳粒黑椒味濃郁, 夠晒腍身, 而且D 菇非常嫩滑新鮮👍

好耐冇行過廟街， 以前行親廟街都會想食大排檔， 但因為近排天氣太熱了， 所以朋友就帶我到附近的官涌市政大廈2樓熟食中心～新肥泉海鮮大排檔， 因為這裏有冷氣風扇比較冇咁熱。 一坐低梗係叫返支藍妹啤酒$33先， 近排食咁多嘢消消滯再叫多一支淳茶舍消茶$18， 餐牌上嘅食物種類很多，好多我都想食， 無奈得兩個人所以只可以叫到薑蔥生蠔煲$168， 豬膶啫啫鮮雞煲$128， 豉椒炒大蜆$138，餐前小食$10。豉椒炒大蜆～ 每次到大排檔都好鍾意叫炒蜆， 一碟有好多隻，仲要每一隻都好有份量，鑊氣超強， 非常好食。豬膶啫啫鮮雞煲～ 豬潤爽口嫩滑， 雞煲惹味十足， 用嚟送酒一流呀！薑蔥生蠔煲～ 估唔到呢個生蠔煲差不多有成十隻生蠔，真材實料，每一隻蠔都啖啖肉非常肥美。朋友第一次帶我來這裏， 雖然向街市上面但衛生程度都幾好， 光線充足地方寬闊，好欣賞港式風味的大排檔， 除咗夠鑊氣之外，仲係港人集體回憶嘅好地方。