Xi Xup

營業中

休息中

大圍呢個地方好少去，但係估唔到附近都有好多嘢食，今日去咗一間越南菜嘅餐廳，餐廳裝修比較型格少少，又適合休閒坐下，而且食物價錢正常，又幾好食，可以試試😚魚露炸雞翼 $78每隻雞翼都大大隻，仲有啲魚露嘅陣陣香味🥳，亦都唔會過鞋。食落去非常之脆口，但係又唔太油膩火龍法包(豬腩肉醬)$88🥖初初諗點解叫做火龍，原來法包係紅色，用火龍果整成，包外脆內軟，配豬腩肉醬好好食，因為醬汁方面味道濃郁，食落好惹味🤩🤩豬頸肉春卷撈檬$88撈檬嘅份量非常之足夠，而且豬頸肉都十分之多，仲有春卷，豬肉串食落好豐富，豬頸肉整得好好食有少少焦嘅邊邊，咬落去岩岩好，春卷都非常之脆，包住咗蝦肉🦐。醬汁方面唔會太酸，配得啱啱好🤓椰子咖啡 $48☕️咖啡味香濃，椰子味都好出，一開始諗緊點解用兩支飲管，後尾發現一支可以用嚟飲底下咖啡一支可以用嚟飲上邊香滑嘅椰子冰🥥，配合得好好，面頭仲有椰絲作為點綴班蘭撞奶 $38🥛估唔到班蘭汁溝奶可以咁好飲，平時唔太鍾意飲奶類飲品，但今次竟然飲晒，班蘭味有陣陣嘅香，配合埋奶非常值得一試😳Xi Xup (大圍)大圍積存街70-72號景星樓地舖

大圍越南餐廳，話多唔多話少唔少， 大概有三間啦， 呢間係我覺得價錢雖然貴少少，但係質素同埋環境係真係好唔錯，仲可以帶埋寵物去。佢嗰幾時有頭盤係蒜香雞翼，有好香嘅炸蒜頭，配上即炸嘅金黃色雞翼，唔係好多間餐廳做得到。豬頸肉春捲撈檬 豬頸肉炸得外酥內軟，春捲又香脆，成碗麵都好正宗。越南法包我哋揀咗豬腩肉醬，因為平時其他越南餐廳定係可以揀到扎肉，或者豬扒包之類， 呢個包定係粉紅色係因為佢用咗紅色火龍果去整。有少少fusion的感覺。 

日頭係一間越南菜餐廳，夜晚搖身一變成一間小酒吧🍸，餐廳設計充滿異國風情，小小店舖座位不多，但食物同服務都有驚喜，對於一個從來都抗拒越南菜嘅人黎講，竟然會有一種耳目一新嘅體會😳，重點係有抵食二人套餐👯‍♀️⭐️如果想坐藤椅卡位，記得要訂座⭐️二人套餐$238 (1份小食，2份主菜，2杯飲品)-✔️越式炒蜆$78用蠔油同各種香草配製嘅醬汁，加上新鮮蜆肉的咸鮮，愈食愈滋味，建議加配法包一起沾着吃，法包都不是一般常見的，而是用了紅肉火龍果自家製成，鬆軟非常，值得一試-✔️魚露炸雞翼$78即叫即炸的雞翼，不過火，裏面還是嫩嫩多汁的，魚露調了偏甜的味道，香口惹味-✔️豬腩蝦肉米紙卷$88👍🏻👍🏻👍🏻超推的小食，份量多，蝦肉新鮮大大隻，加上香草生菜十分清爽，豬腩肉帶油脂香，豬皮有QQ的咬口，吃完已飽了一半-✔️X河粉$98湯底濃郁鮮味，喝得岀無添加味精，河粉幼身滑溜，不會結成一塊塊，配料有生牛肉片，牛丸及牛腩，附上是拉差+海鮮醬沾醬，湯的熱度剛好把生牛肉燙得半熟，牛腩是軟腍不乾柴，有驚喜🤩-✔️豬頸肉春卷撈檬$98豬頸肉有焦香味，但略為乾身，反而配搭的小食炸蘑菇海鮮卷同烤香腸成為亮點，熱辣辣，雖然配了帶油膩的配菜，