日喜樓 (已結業)

放工要食餐好係我嘅座右銘，突然想食下中餐，就黎左哩度。下次黎哩度真係要叫多啲人，其實哩度好出名百碟宴，又食得又睇得，真係好似做皇帝咁，有好多碟咁樣。哩度環境真係好正，好cozy，乾淨企理，同朋友黎聚會就一流高湯翡翠笛好嫩，配埋面頭嘅茶樹菇好有鮮味，份量適中北京填鴨皮薄，啲肉又夠晒嫩配埋薄撐皮真係絕配魚羹好濃好厚身，有魚嘅鮮味亦有好多配菜食，好豐富黑松露炒蝦仁喺未食前，黎到已經好香！大大碟，食落每一舊都好惹味賽螃蟹真有大大舊嘅蟹肉，蛋白夠晒滑，不過2個人 share 食就真係太多，suggest 多人啲先嗌

Wohoo.我哋孖寶最愛嘅星期五終於嚟到喇！習慣性地星期五晚都想盡量留俾對方，搵間好餐廳慰勞辛勤咗一個禮拜嘅自己😈 今晚就專程過海試新野😻發現呢排多咗餐廳用iPad去show餐牌，響應環保♻️ 抵讚！酸菜斑片，嫩滑的魚片，去骨後切成薄片，酸菜鹹度適中，除左魚塊非常好食，湯底亦十分美味，加入菇菌、寬粉爽韌彈牙，一齊食更加滋味。爆汁生煎包，皮薄底脆，湯汁唔會太油膩，令人越食越上癮。雖然店員已經好窩心咁預先提醒我哋要小心爆汁燙到口，但心急嘅我....到家下都仲有d痛😂😂不過咁好味，我下次都係會食嘅🤣 意外地發現餐廳竟然有香酥鴨食，而且人少少仲可以叫半隻添👻 因為聽人講香酥鴨係一道功夫菜。咁我地孖寶又點可以錯過呢😋 果然冇令我地失望，外層脆口酥香，內裏肉質幼嫩，而且鴨香四溢，正呀👊🏻賽螃蟹又係另一門功夫菜！成日聽人講其實只係蛋白模仿蟹肉，咁你就錯喇🤨日喜樓竟然用上真嘅蟹肉伴以蛋白煮成呢一道賽螃蟹🦀️，蛋白炒得滑溜，啖啖鮮味，真係好有誠意！本來仲心大心細叫唔叫呢道菜好😌孜然同羊肉可謂完美配搭，因為孜然粉可以去除羶味，辣得過癮😹今晚呢一餐簡直就好似味遊中國咁，食暈晒中國最出名嘅幾道名菜！以後放假仲駛乜