小野人

營業中

休息中

呢日出咗沙田買嘢，路過見到呢間串燒，門口睇咗陣menu望落啲選擇好吸引，於是試下～裝修光猛，座位舒服，有大量卡位坐👍每枱仲有個熱爐熱住，可以食到熱辣辣嘅串燒🔥用QR code落單，啲食物相影得好吸引，即刻食欲大增，樣樣都想試🤤辣度可揀：BB辣/小辣/中辣/大辣/走辣我哋揀咗小辣🌶️最後揀咗呢啲：#超濃厚芝士撈一丁 $58/份味道可選原味/蒜蓉/黑松露，濃味人秒揀黑松露，加埋芝士，夠晒香🧀#烤新鮮李姐臭豆腐 $16/串個面夠晒脆，夠「臭」😂加埋泰式醬，好惹味#夏威夷烤菠蘿 $21/串食串燒必點菠蘿，好大塊，園碌碌咁一塊上，燒咗嘅菠蘿好甜👍#日式年糕燒 $23/件年糕跟咗煉奶，同埋粗砂糖外脆內軟，點完煉奶再點砂糖，咬落「chop chop聲」，我排先話食格仔位餅要落砂糖😂 我喜歡這個！瘋狂點糖😌#墨西哥烤粟米 $58/份呢個芝士迷必點，個面勁多芝士，粟米超甜😍😍😍#Q彈墨魚串 $36/2串呢個要點！墨魚燒得唔乾夠Juicy，好彈牙，鹹鹹地，少少甜味，墨魚同個醬汁好夾❤️#Q彈小豬頸肉 $28/串又淋又入味，泰式醬幾好👍#大漠烤羊肉 $48/5串平均一串唔駛$10！味道啱啱好，又唔羶蒜蓉烤新鮮生

喺一田shopping完後，見到有呢間新開既串燒店望一望menu發覺唔只串燒，仲有好多唔同款式食物，有海鮮有芝士撈丁，又有燉飯，大大杯奶茶都有🤣一次過滿足我貪心既願望，就決定黎吃個晚餐-串燒款式琳瑯滿目，雞牛豬魚、台式腸、墨魚丸等等都有，每款串燒亦都可以選擇不同辣度，唔太食得辣嘅我哋揀BB啦，已經覺得好惹味好驚喜既係每枱都會有一個裝蠟燭既小爐，咁就可以一直暖住D串燒保溫👍🏻 咁就唔怕未食就擺到凍，餐廳此舉好細心👍🏻-芝士燒蠔好濃郁既芝士香味，燒蠔相當juicy，又肥又多汁，想食扇貝同埋蟶子通通都有，加上蒜蓉粉絲一齊燒，完全滿足到海鮮控！必點新推出既Q彈墨魚串，味道酸酸甜甜，墨魚超級爽口彈牙！名符其實好Q彈！千祈唔好錯過～芝士撈丁雖然邪惡，但我地食得好開心🤭份量足夠兩個人share食，餐廳嘅元氣森林水果茶仲可以無糖添😍啱晒我！有天然又健康！飲住大大杯水果茶食串燒好爽！

小野人，位於沙田沙田正街2-8號新城市廣場三期3樓326，將軍澳唐俊街亦有分店。 餐廳主打四川燒烤🥢，每張枱都有火爐鐵盤，可把串燒保溫。 串燒種類多， 價錢唔算貴。 晚餐📍 ～ 大漠烤羊串(5串) $48、 烤鮮冬菇$18、 台灣小香腸$54、 金菇牛五花肉卷$28、 麻辣韭菜鴨血$68、 糖燒牛油方包$18、 超濃厚芝士撈一丁$58、 烤脆雞皮$28、 烤雞肉串$28、 夏威夷烤菠蘿$24、 小野人燒茄子$48、 Q彈墨魚串$36、烤厚切牛舌芯$28、 烤鮮韭菜$23、 烤翠玉瓜$24、小野人元氣爆檸梳打$48、元氣森林水果茶$48。 🔸烤鮮冬菇$18 ～ 烤得剛好，囗感唔會好乾。 🔸糖燒牛油方包$18 ～ 酥香甜美， 當作甜品不錯。 🔸烤雞肉串$28 ～ 烤得很嫩滑， 滿滿燒烤的風味。 🔸夏威夷烤菠蘿$24 ～ 烤菠蘿非常甜美。 🔸小野人燒茄子$48 ～ 肉質豐厚的茄子，配上蒜蓉、蔥粒和辣椒， 口感軟綿綿。 🔸烤厚切牛舌芯$28 ～ 牛香味濃厚，有嚼勁。 🔸烤鮮韭菜$23 ～ 爽口鮮香，香氣撲鼻。 🔸小野人元氣爆檸梳打$48 ～ 清爽解渴， 檸檬味好香。 🔸元氣森林水果茶$48 ～