老厝邊

營業中

休息中

🙋🏻‍♂️餓底探員今日去咗大角咀調查呢間台灣菜，最近裝修後重開，座位闊落舒適，店內有好多同台灣有關嘅裝飾，充滿著古早味🍜眷村紅燒牛三寶麵 $86🙋🏻‍♂️表示個牛三寶好大碗，除咗牛筋，牛肚同牛腱肉三寶，仲有酸菜，白蘿蔔等配料，紅燒湯底飲落香濃帶微辣，牛肚爽口，牛筋同牛腱肉都好軟腍，麵質彈牙，成碗麵好正🍜香蔥油嫩雞乾拌麵 $50🙋🏻‍♂️表示個乾拌麵有幾片雞肉配上香蔥油同小棠菜，雞肉嫩滑，麵質爽彈，食落有香濃嘅蔥油味，非常惹味 🫔超濃芋泥蛋餅 $44🙋🏻‍♂️表示個蛋餅入面有芋泥，肉鬆同芝士，蛋餅充滿蛋香，芋泥超濃厚，加上香濃嘅芝士同鬆軟嘅肉鬆，層次感豐富，點埋個醬汁又別有一番風味🧋鐵觀音奶茶 $14 🙋🏻‍♂️表示杯鐵觀音奶茶跟餐加配減$10，飲落茶味甘香，奶味香濃、唔會太甜📈吃貨指數😋好味度 8/10🔙返啅度 8/10

星期六返工，工作時間比較彈性同事提出可以嚟呢一間餐廳食飯！仲講保證有驚喜三人行，叫咗一份滷排骨便當，排骨份量好大，媲美一隻肥大手掌旁邊配菜每日唔同，今次係我最鍾意食嘅炒萵筍排骨先酥炸再裹滷汁咬落口唔會肥膩又夠Juicy! 配埋旁邊有少少微辣嘅豆芽，口感層次都好豐富除咗便當之外，仲有一個紅燒牛筋腩台灣麵不過肚餓得滯唔記得咗影相😂😂😂兩份主食三個女仔，再加埋個蛋餅真係啱啱好！彈餅煎得夠脆口，一咬落去芋泥爆哂出嚟鹹甜比例啱啱好，食完仲想再食多嚿🤣飲品方面，揀咗麥仔茶！最欣賞呢度可以冰同糖嘅比例都有得選擇揀咗微冰同微甜，比例好啱/本身想想試埋花雕醉雞，不過真係食唔落，唯有下次再嚟！/P.S 平時星期一至五會有午市套餐主食加嘢飲會有$10優惠星期六全部散叫，不過價錢都唔貴

同事表示啲間台式菜館非常好食，所以今日lunch都來試吓先！ 餐廳裝潢走老式台灣風格，簡約樸實，牆上面掛著很多老舊台灣的陳設畫冊，非常有味道，彷如進身了80年代的台灣小店一樣！「老厝邊」台語的意思就是老鄰居，大家守望相助，充滿著濃濃的人情味，當中嘅食物就是簡單卻又幸福的味道。改這個名字非常有意思。點了幾樣招牌菜式，包括牛肉麵、蛋餅和鹽酥雞，全部都好好味，價錢又親民，的確出色，同事果然冇介紹錯😎😎🍜眷村紅燒牛三寶麵 $82可以選擇紅燒/麻辣湯，或乾拌，我就㨂咗紅燒湯，個湯係非常之香甜濃郁！而個麵係好彈牙唔會過淋。差點連湯都飲光😆 三寶包括牛展、牛肚和牛筋，份量係勁多！牛展唔係一片片，而係兩大舊！ 如果切番薄片起碼切倒十塊了😆而牛展係非常軟淋和入味，出色👍🏻 牛肚和牛筋亦係非常大舊一樣好入味🤤啲個三寶麵比起好多台灣牛肉麵更出色，平時3寶一定過百，依家只賣$82 真係好抵食！🫔起司肉鬆蛋餅 $38啲度嘅蛋餅亦都係必試推介，超！好！食！蛋餅煙韌帶有蛋香，再配合滿滿的肉鬆和芝士，簡直是一流，加埋個秘制沾醬更是完美。🫔超濃芋泥蛋餅 $40芋泥濃香軟綿，甜度適中，比起「起司肉鬆蛋餅」，味道更為豐富，

蔥油乾拌牛筋麵($45)所有麵食可以選擇紅燒/麻辣湯底、或者蔥油/麻辣乾拌. 我嗌左蔥油乾拌, 拌麵醬非常濃味, 每條麵都充份掛滿汁, 可能我食唔慣咁濃味所以覺得一般🙈餸方面有牛筋蘿白同小棠菜, 整體黎講份量合理, 下次再食我應該會要返紅燒湯底滷肉飯($40)Menu話大滷肉飯份量係細既1.3倍, 上枱都真係好大碗, 當午餐咁食既話一碗啱啱好. 滷肉同飯既比例合理, 唔會食哂滷肉仲有好多白飯淨超濃芋泥蛋餅($40)滿滿即芋泥係蛋餅中間湧出嚟, 視覺上已經好滿足😂芋泥真材實料同埋唔太甜, 配上點蛋餅既咸醬汁都唔會唔夾. 雖然芝士既存在感幾乎比芋泥完全沒殺, 但我覺得比起主食黎講蛋餅做得更加出色👍🏻😋

這間係我比較喜歡食嘅古早味台灣料理，因為價錢經濟又可以食到台灣嘅味道❤️ 超濃芋泥蛋餅 (HK$40)．呢度嘅芋泥餡和芝士餡，係多到一夾起就爆晒出嚟😍．相反蛋餅皮薄，香脆口感，不過就少咗啲蛋香囉經典滷味大拼盤 (HK$65)．朋友想食豬耳，所以點咗這款拼盤．除咗豬耳，也有豬大腸、豆乾、海帶、滷蛋、配有辣辣哋嘅酸菜和芫荽 (最愛芫荽了😍)塔香鹹酥雞 (HK$38)．炸得外表酥脆內裡肉嫩多汁．我覺得味道不錯，但朋友覺得比較淡，如想濃味啲，朋友建議點些蛋餅醬😂旺來烏龍加珍珠 (HK$30/凍，微糖)．#期間限定，加入清爽鳳梨粒，鳳梨味真係好濃味，珍珠QQ噠，好好味😋．可惜只有一個size，如果有得叫大杯啲就好啦～冬瓜檸檬 (HK$23/凍，微糖)．原汁原味嘅冬瓜汁配鮮檸檬汁．叫咗微糖，不會太甜，也不會好酸啦*古早味冬瓜茶 (HK$18)．朋友太口喝了，這杯冬瓜茶一上枱就即飲，所以沒有影到相😂．她覺得好飲，甜得來有真冬瓜味呀*三寶奶茶(紅豆，珍珠，仙草) (HK$27)．朋友叫的，口喝用飲管飲晒啲奶茶，發現原來3/4杯都係配料！朋友要撕開杯蓋塊膠片用匙羹食配料😂😂．紅豆是原粒的、甜蜜味道、珍珠口

據上次去咗大角咀試咗個痴L線咁大嘅排骨便當之後，一直都想再去返嗰間再回味一吓。但喺一切都正常返之後(冇全民檢測)，人龍都恢復返以前一樣多人。當日唔想排隊嘅我，就去到呢間同樣有便當嘅台式小店。老厝邊呢個名係指台語嘅「老鄰居：lāu-tshù-pinn」。餐廳有荃灣/大角咀分店，兩者都係以台式懷舊風為主。荃灣店以淺藍色嘅清新風格為主，而大角咀店嘅格局就偏向灰暗。 一入到去見到天花掛滿懷舊玩具嘅海報，牆上就有D睇唔明嘅油畫同假窗口，盡頭嘅水吧更突顯街外屋子小攤嘅風格。但始終我都係鐘意荃灣店tiffany blue顏色嘅明亮環境。 餐牌就同一般台灣菜咁有好多樣野揀，欣賞餐廳有將食物分類，唔洗睇到頭都爆。食物算好齊全架啦，詳細可以睇相，講唔哂。平日有午市套餐(飲品減$10)同下午茶餐。 香滷排骨便當$65 排唔到隊去食排骨便當都要去第二度食！賣相絕對唔差，排骨嘅size係正常地大，係一般人都可以食得哂嘅份量，性價比都算係唔錯。另外，店舖門口有個黑板會寫住當日嘅便當會有D咩配菜，睇定啱唔啱食先啊。 通常便當上嘅滷排骨都係指炸完再浸入滷汁嗰隻。外皮裹上木薯粉令佢有一粒粒嘅脆皮，炸嘅時間恰當，酥脆誘人

作為一個芋泥fans，我一直都好想試吓依間嘅芋泥蛋餅☺️今日終於捉咗阿爸阿媽同我去食🥰🧡超濃芋泥蛋餅🧡💵$38係我期待咗好耐嘅蛋餅啊～除咗芋泥仲有啲拉絲嘅芝士同肉鬆，好吸引😍芋泥好綿密，都幾香芋頭味😋加埋隻又鹹又甜嘅豉油真係幾有台灣風味😍💛塔香鹹酥雞💛💵$38呢個鹹酥雞真係炸得超！級！香！脆！炸衣係真係用台灣嗰種木薯粉炸漿，再加啲椒鹽，勁惹味😍不過都有少少過鹹嘅～裡面啲雞肉都好juicy～推薦🥰🤎古早味滷排骨便當🤎💵$62依一個便當真係幾抵食，有大大塊滷排骨同飯、半隻滷水蛋、一小碟麻婆豆腐同埋一小碟椰菜😍個滷排骨仲要煎好俾你方便啲食～不過我唔算好鍾意依隻滷水汁味🤭但係CP值係高嘅～💜紅燒牛三寶麵💜💵$78牛三寶即係有齊牛肉、牛肚同牛筋☺️佢一碗嘅份量都好多，牛筋好冧好入味😍，牛肉同牛肚都唔錯～不過我覺得佢個湯底牛味唔濃，雖然顔色好濃咁，但係有種偏向味精嘅感覺🙈💚滷肉飯（小）💚💵$30依個滷肉飯嘅味道比我想像中好🥰滷肉係切碎嘅腩肉，油香感十足😋加上滷水汁嘅味道啱啱好，鹹中帶甜～🤍綿密芋頭鮮奶🤍💵$30依個芋頭鮮奶都係好多人推薦嘅item嚟～雖然佢嘅芋泥都好香好濃，但係真係幾甜下🤭我覺得有其他

裝修氣氛價錢都好親民，早於6:15就到，隨便就找個長卡4人枱坐。首次來，大部分點都是「招牌」、「推薦」之類，例如眷村紅燒三寶麵，目測麵底有二人份，麵條都吸收了湯汁，吃起來也不用湯匙兜着和湯吃，牛筋除了最粗大那條稍稍未夠腍身要費點勁咀嚼良久外，其餘的是無牙力也能輕易應付，連帶牛𦟌、牛肚也是易於嚙開。平時會走雪菜榨菜的我，好奇那湯匙兜着的雪菜沒一般的草腥過鹹味，還整匙吃掉。塔香鹹酥雞將炸脆了的九層塔葉混着炸雞，估計15件左右，大部分都接近乒乓球大，熱的燙嘴，脆的過癮。又顛覆了我對芋頭類食物的偏見，這芋泥蛋餅不止超濃芋香，還超漲滿，微甜的餡都幾乎唧了出來。青蛙撞奶說穿了還是珍奶。自己比較喜歡蜂蜜檸檬愛玉，尤其與炸物相配，甚是解渴，只是如換了粗飲管就更好吮底部的愛玉。名叫「老厝（音錯）邊」其實是去食餐晚飯仔是「冇錯得去邊」！

鍾意食台灣野既我，成日周圍去食香港嘅台灣菜，因為冇得去旅行唯有係香港搵台灣的味道呢間店舖勁多人食，要等位攞飛坐無虛席，係香港多人食既餐廳一定會係品質有保證芒果鳳梨冰沙啖啖都好香新鮮鳳梨同芒果嘅香味，新鮮即叫即打$30超值芋頭鮮奶每一啖都有粒粒芋頭再加上香濃既鮮奶$30又係超值塔香鹹酥雞正宗台灣的味道，外脆內軟咬落去啖啖肉汁超濃芋泥起司肉鬆蛋餅超好食，超司超多做到拉絲既效果再加上滿滿既芋泥同肉鬆好幸福既感覺眷村紅燒牛三寶麵（轉乾拌麵）有齊紅燒牛肉/牛筋/牛肚一次過滿足哂三個願望😍紅燒牛肉又香又濃又滑一啲都唔un牛筋同牛肚鹵得超入味大腸麵線食台灣野緊係要食返碗大腸麵線啦台灣的味道

🍠超濃芋泥蛋餅 $38見到大量嘅肉鬆同埋芝士我哋第一眼都以為侍應俾錯但原來佢係肉鬆芝士芋泥蛋餅xD雖然我本身麻麻地肉鬆但原來鹹甜相配都幾有驚喜😆佢哋嘅芋泥調味恰到好處唔會太甜芋頭味都算出最重要係好爆餡只是多到咇出嚟碟邊附上一兜辣醬單食好惹味但同甜甜嘅蛋餅唔太夾。整體味道唔錯但始終好爆餡所以食3舊會開始膩由於一份有6舊都建議同朋友分～

出開奧運站買嘢，順便search吓附近有咩好野食，搵到呢間台式餐廳，鐘意芋頭既我spot佢有賣芋泥蛋餅，即刻bookmark咗！果日星期六2點幾3點去到，人唔多，即刻有位。叫左個超濃芋泥蛋餅，炸魷魚鬚同埋一杯檸檬紅茶。紅茶同埋炸魷魚鬚好快就到咗，檸檬紅茶喺非常台式嘅味道，係帶有點點青檸味嘅偏酸既檸檬紅茶，我地都幾鍾意。炸魷魚鬚喺新鮮熱辣辣嘅，粉唔算厚，冇甩皮甩骨，味道滿意。最後嚟嘅蛋餅喺已經切件上，見到d餡料已經露咗少少出嚟，原來蛋餅之內係有厚厚嘅芝士！芋泥加芝士簡直係無敵。佢本身附有一個類似蒜蓉味既汁，不過我地試點個都係覺得好唔夾…唔好點汁啊😫小店環境都尚算舒服，唯一既係冷氣有d大。

前排約咗閨蜜撐枱腳、傾計談心😜 我哋當日係星期一晚大約7:30pm左右嚟到，竟然好好彩地門口泊到個錶位，仲要直入餐廳唔洗等位，Lucky!! 👏👏👏 眼闊肚窄嘅兩個女仔，今餐叫咗勁多嘢食！---------------------------👉 古早味滷排骨便當 ($62)份量超多，排骨勁大塊！相信一個好大食嘅男人都會夠飽😂 排骨嘅口感同味道好特別，外層就炸得非常酥脆、內層排骨就鮮嫩多汁而且滷水味香濃，暫時係我食過最好味嘅台式排骨。而白飯係用上珍珠米，不過就唔算好有飯香。.👉 大腸麵線 (小) ($30)超正！蒜香味濃、帶有少許濃稠口感，勁有台灣風味！而且大腸亦唔會過肥，份量都適中，大約有5-6舊。小碗嘅份量，岩晒一般女仔嘅食量。.👉 滷肉飯 (小) ($30)滷肉肥瘦適中，而且滷肉粒大小亦剛剛好。.👉 塔香鹹酥雞 ($38)炸得非常酥脆，炸粉唔會太厚，雞粒大小適中，油炸過後仍然保留到雞肉嫩滑多汁，而且帶有淡淡嘅塔香，唔錯唔錯。.👉 超濃芋泥蛋餅 ($38)本身對芋泥冇太大喜好，不過今次朋友揀嘅蛋餅真心幾好味，味道非常近似喺台灣食到嘅味道，有滿滿嘅芋泥、唔會太甜，而且芝士餡料有拉絲效果

行開去大角咀想食台灣菜，見到出名抵食嘅老厝邊就走左入去，7點鐘去到好彩都重有位，不過遲少少就要等等啦！蛋餅係最驚喜！通常我只會叫芝士肉鬆，今次見到芋泥就真係好興奮～畢竟我係一個見到芋泥就會叫嘅人，呢個芋泥無令人失望，唔會過甜，同芝士嘅味道出奇地夾！蛋餅夠煙韌而且有蛋香，正到爆😋紅燒半筋半肉麵湯底濃稠，食台式牛肉麵最正就係食到呢隻湯底！麵身剛剛好，牛𦟌同埋牛筋都好腍好入味炸花枝丸同埋炸雞排個味都好好食，花枝丸炸得香脆又唔落炸粉，炸雞扒個炸粉無厚過塊雞扒，而且份量有兩隻手掌✋🏻✋🏻咁大嘅雞扒，至少3-4個人先食得哂，真係好抵食！大嘅滷肉飯超級大碗，粒粒滷肉好有油香，‼️值得注意嘅係大嘅飯量係細嘅1.3倍‼️同行飯桶友人無睇清楚就叫，結果食唔哂⋯食飯期間見到好多客人買外賣，畢竟台灣菜外賣還原度超高，放工唔想煮嚟呢度買真係一個好好嘅選擇👍🏻

朋友遲到～自己起大角咀行個圈比呢間餐廳門口裝修吸引住😳又熱又餓 咁我自己食住野等啦～.台灣食物又正好平冇得去旅行就少左好多口福😮‍💨因為自己懶得搵野食😅😅行到邊食到邊.超濃芋泥蛋餅🥞 $38唔係講笑～成個蛋捲真係比芋泥包曬一啖一口芋泥&肉鬆😋😋好幸福啊旺來綠茶🍵 $26鳳梨🍍加綠茶 好fresh😍唔會太甜～味道岩岩好👍🏼👍🏼加左$3 加椰果坐住慢慢食 慢慢飲😆😆好舒服.舖頭仲播緊台灣歌手既歌 首首歌都耳熟能詳琅琅上口 真係好有去左台灣既感覺🤪🤪🤪呃下自己先😁.朋友終於到 order左一份香噴噴炸雞飯 $62佢既評價係覺得太乾身

Bookmark左呢間台灣野好耐☺️比芋泥蛋餅吸引左💜 同朋友兩個芋泥控黎食😆員工服務態度好好 個日我唔小心倒瀉水打爛杯 幾位員工即刻過黎處理仲比過杯水我 真係超唔好意思😭🙏🏻🫔超濃芋泥蛋餅 $38芋泥呀😍好好食 芋香味重 芋泥打得好綿滑☺️餅皮煙韌 仲有芝士同肉鬆既鹹香😙式者再點鹹鹹辣辣既汁都好正! 覺得同燈籠滷味個芋泥蛋餅各有特色🥰🐓花雕醉雞 $38份量好多有7-8舊!😝酒味夠香 味道入晒雞肉☺️見雞肉咁粉嫩就知好滑啦😚🍜眷村紅燒牛筋牛肉麵 $70足料牛筋牛肉👍🏻牛肉煮到好腍入味 牛筋滑lutlut膠質重 麵幼身黏口少少彈牙😁好食但同預期一樣~但係唔知點解碗麵有幾條毛仔!!🤔唔知係唔係痴住牛筋/肉d毛(?)有d核突