老厝邊

營業中

休息中

講真~老厝邊食左咁多次都係叫外賣, 前日係第一次認真堂食🤭花雕醉雞(HK$46)有邊出面, 佢地用雞卷形式上碟🍖,冇骨既~亦都係我近依一兩次外賣必叫😂😆超濃芋泥起司餅(HK$42)重芋泥~唧晒出黎~ 黃色既起司同淺紫色芋泥~少許夢幻~不過太邪惡,所以我一般食起司肉鬆多😂招牌牛三寶(HK$83)牛肉麵款, Menu有紅燒麵,麻辣麵同蔥燒乾拌揀~ 我地就揀左蔥燒乾拌🍝飲品就揀蜂蜜柚子烏龍同珍珠黑糖鮮奶(我個人覺得可以再甜d~)

「老厝邊」原來係台語老鄰居既意思，的確店如其名，裝修，菜式，價錢都好有親切感🥰，仲播埋台灣歌，真係帶你一秒返台灣。推薦指數：🐷🐷🐷半（5分滿分）（原因：性價比高）🥪超濃芋泥起司蛋餅 𝐇𝐊𝐃 42超多芋泥同芝士，餅皮煙韌又香脆，但呢種又咸又甜既味道，仲有一小碟甜酸醬，感覺有點怪怪的😅 揀其他味應該會夾好多🍗香噴噴炸雞排便當 𝐇𝐊𝐃 70炸雞排大舊到霸哂成個便當咁濟！炸得脆卜卜之餘仲保留到肉汁。驚喜既係側邊既節瓜、粉絲同芽菜都好好味，一d都唔頹🤣🍜眷村牛肉麵 𝐇𝐊𝐃 69牛肉煮得好稔，湯底偏清甜掛，重口味既我哋表示唔係我哋杯茶🥜花生撞奶茶 𝐇𝐊𝐃 32第一次飲花生味既奶茶，好得意🤩 花生味香濃，但神奇地唔膩，不錯！環境：行懷舊風味，坐位偏細，有個籃仔俾人放袋～

Do whatever makes you happiest; I eat and am happy 最近天氣好凍呀，要食滷肉飯增加熱能，就過嚟荃灣整返碗先，加埋芋泥蛋餅，能量爆燈滷肉飯 (小)> 要肚肚預啲位食芋泥蛋餅所以叫細碗，其實幾飽㗎味道適中，撈醬汁食油潤中豬肉粒有較多脂肪超濃芋泥起司蛋餅> 爆晒餡都幾正，有肉鬆令味道更鹹鹹香香，蛋餅皮趁熱食時仲有少少脆邊效果愛玉芒果綠茶> Okay啦有芒果肉清清甜甜，綠茶味幾清爽

🕖時段-星期五夜晚7:30左右到見入面坐滿哂人好熱鬧 好彩仲有兩張樓上2人枱好快安排到入座_▫️眷村牛肉麵 紅燒湯 $68有4-5大舊牛肉🥩啱哂食肉獸👻 肉質軟淋唔韌好入味麵就爽口唔會太淋 湯底濃郁 好香牛味 不錯_▫️抄手蔥油拌麵 $58抄手香口唔算好辣 饀料除左肉仲有蝦🦐 蔥油拌麵個醬汁味有啲似印尼撈麵😂幾好食_▫️超濃芋泥起司蛋餅 $40芋泥好香好軟綿 應該無咩點另加糖 唔算好甜食到芋泥本身個味😋每舊芝士都好滿可以拉絲🧀 伴碟有配埋醬汁不過我鐘意食原汁原味多啲無點到😗_🍽環境成日經過見到有人排😂 不過上菜幾快 應該唔洗等好耐餐廳除左地下仲設有樓上閣樓雅座 同埋會播台灣既歌啱feel🎶

嗰日喺南豐紗廠行完市集，我就行咗過嚟大壩街搵嘢食，因為成條街都係食肆。見到呢間台式餐廳才知道原來佢哋嘅荃灣分店喺呢度。店內外設計同大角咀店好相似，都係淺藍色配石屎牆身和木枱木椅，不一樣的是荃灣分店有2層。不過味道方面，是不是同大角咀店一樣好食就真係要食過先知啦。超濃芋泥起司蛋餅 (HK$40)．芋泥和芝士真係多到一夾起就漏晒出嚟，今次仲食到有好多肉鬆添！．同樣是蛋餅皮薄，口感香脆．不過溫度就暖暖地，感覺唔係即叫即整咁熱辣辣🤔旺來烏龍鳳梨加珍珠(HK$30/凍，微糖、微冰)．開心仲有得點鳳梨系列茶飲．烏龍茶加入爽脆清甜嘅鳳梨粒和煙韌嘅黑糖珍珠，好好飲呀😋

老厝邊，我唔識讀😂主打台灣便當、牛肉麵、蛋餅小食。裝修行懷舊風，木枱木凳，有啲似台式cross over港式。我覺得最得意係便當個盤，有啲似台灣飯堂(?)嘅感覺。*香香酥炸雞排便當 $66手掌咁大塊雞排，完全遮住咗個飯，外皮薄又香脆，又唔會甩皮甩骨，雞排厚肉且嫩滑，一咬落去爆汁咁款，調味偏向濃味，鹹香胡椒香。白飯有啲滷肉汁，但整體白飯好濕好腍。仲有三種小菜，炒豆角、炒萵苣、豆芽滷蛋，中規中矩。酥炸排骨便當 $63排骨都好大塊，但質素比唔上雞排，酥炸脆皮有！但肉質乾，未至於嚡口，但感恩嘅係佢冇落鬆肉粉🥺白飯、小菜都有齊~仙草凍鮮奶 $27 (午餐套餐 -$10)叫咗微糖微冰，甜度適中，仙草比較硬，冇動L嘅感覺，質地似涼粉，微微甘苦。超濃芋泥起司蛋餅 $40蛋餅皮薄且煙韌，加層薄蛋漿，入面就係爆漿流晒嘅芋泥芝士。芋泥超芋😂濃厚順滑，芝士份量都唔執輸，爆餡拉絲！但芋頭x芝士唔係咁啱我口味。薯餅起司蛋餅 $32同皮唔同餡，所以我都冇影相🙈個人覺得薯餅夾蛋餅多啲，味道上更加夾芝士同埋蛋餅，薯餅炸到脆卜卜，口感上比芋泥更豐富。