桔梗 (已結業)

放工約了友人到旺角食飯，終於去到台灣人氣過江龍文青店-桔梗！thank 友人book位。 餐廳位於旺角方便就腳，三層獨立舖，係香港地來講實在係罕見的大，堂內樓底高甚有空間感，裝橫以白色為主調，簡約的設計，木系枱椅，擺放了花草及書籍，感覺舒適。 我們坐二樓，搶眼的霓虹及波枱，位子比較少，更relax ，三樓是天台，不過我無上去參觀。 自助斟水及取餐具。 餐牌，人氣之選燉飯及奶昔，一於試下。 落樓下先付款後上食物。 桔梗奶昔，$58，粉紅色的賣相，面層有忌廉、玫瑰花瓣碎及消化餅等作點綴，奶昔以香蕉及士多啤梨而成，香蕉味突出，香甜味道，不俗呢。 干貝奶油翠瓜燉飯，$178，帶子有5粒都幾多，燉飯份量較少，帶子煎得香口，肉質滑嫩鮮甜，翠瓜燉飯味道清甜，配合溫泉蛋口感creamy，幾好味呢。 軟殼蟹小漢堡，$168。 賣相好可愛，小漢堡真係好似有蟹爪咁，份量十足的軟殼蟹，漢堡包好厚身，少甜的味道，口感有點似蛋糕，軟殼蟹酥脆香口夠鮮味，炸魚味道正常水準。環境舒適，食物不俗，支持良心小店。

平日約六點到訪，店外已經排左十幾個人，想食記得要訂位。餐廳嘅樓底好高，即使當晚好旺場都唔會覺得侷促，樓上仲有水煙食添。軟殼蟹小漢堡:小漢堡用左甜麵包幾特別，塗上牛油後烘脆，底層食落有啲似蛋糕仔，軟殼蟹炸到好脆，加上沙律醬同紫椰菜，邪惡又滋味，配菜仲有炸魚柳，食到最尾仲保持到脆身唔乾，魚柳個醬汁似乎係蜜糖芥末醬，可惜食落都係同沙律醬差唔多，可以考慮下配其他汁營造對比。番茄培根松阪豬燉飯:欣賞佢無煮到淋晒，飯粒有咬口，番茄醬味道偏甜，份量夠撈勻成個飯，加埋流心蛋啲飯粒就更濕潤，食食下發現個飯仲加左啲烘過嘅藜麥，脆脆地增加口感，豬頸肉有好多塊，呢個好食！鮮奶抹茶:飲品就普普通通啦，沖出黎個色比較啞，果然奶味凌駕茶味，個拉花本身幾靚，係我地擺耐左變成咁嘅樣。

嚟自台灣嘅黃金店「桔梗」，係我Bookmark好耐嘅店❤️尋晚終於去食了😁​ 餐廳樓高3層，佔地5600呎！！😬我初初仲以為佢係文青小店，估唔到大成咁！而且二樓仲有個休閒角落，比人打桌球，天氣好命仲會開放埋三樓天台，有水煙供客人使用！超誇張！​ 雖然餐廳好大，但人流極高，尋晚我6點準時入去，未夠7點已坐滿人😅而且呢度wall in，待應係會分配你去坐中間逼死人嘅10人枱，唔比揀位，坐得都幾唔舒服，所以建議大家嚟呢度一定要Book枱！​至於食物方面，我覺得桔梗整體水平都中上。今次我就order咗軟殼蟹小漢堡、蕃茄培根豬頸肉燉飯及桔梗奶昔。​軟殼蟹小漢堡🦀​ 睇相細細嚿， 上枱好大嚿🤪桔梗呢個軟殼蟹小漢堡絕對唔「小」嘢！每一個漢堡入面都夾住一隻炸軟殼蟹，入面好多蟹膏，好足料！加埋少少好似酸奶醬嘅醬汁（不確定），酸酸甜甜咁，可以解蟹腥之餘，食上口無好膩嘅感覺，個人都幾鍾意！而小漢堡味道似甜甜地嘅餐包，質感偏實，食完都比想像中飽肚。另外，小漢堡旁仲有炸魚柳，味道就跟一般街食嘅炸魚柳差不多，無太大特別，但咬上口啖啖肉，相實Meat Lover實會好滿足。​ ​ 蕃茄培根豬頸肉燉飯🐽​ 桔梗向來做燉

成條街都係五金舖, 桔梗真係綠洲🏝雖然店面頗大,我地又好晏去到, 但依然好多人等緊位🙉所以要去既朋友book定枱好啲💁🏻‍♀️地方真係好大, 仲有上層, 店內裝修都好有心思♥️<軟殼蟹小漢堡>今餐VIP🎖軟殼蟹炸得脆就冇得輸架啦, 想讚既係個包, 好好食好鬆軟🤤🤤(唔知點形容個包, 但覺得大家要試下👍🏻) 旁邊既炸魚正正常常~<蕃茄培根豬頸肉燉飯>個汁偏酸, 冇咩特別, 食到最後覺得喉嚨會有啲不適😹好彩我地share食~ 飯量特別多! 飯粒偏煙韌有咬口😬上面有啲啡色脆脆應該係藜麥, 成個飯既口感即刻豐富左🙌🏻豬頸肉好味, 係係泰國/越南餐廳食到個種,冇咩肥肉既豬頸肉🐷<桔梗奶昔>好似每日都唔同, 今日呢杯個樣都幾靚🌸飲落好似有士多啤梨&藍莓&香蕉(盡左力, 畢竟唔係食家)香蕉味唔濃, 唔鍾意香蕉既我都飲得落成杯! (會唔會其實冇香蕉......😅)