桔梗 (已結業)

桔梗和牛combo$158擺盤日式，每樣食物分開裝，好精緻豐富，真係相機食先😂 襯熱同脆，建議先食A4和牛三文治，多士外層烘至金黃色，夾上A4和牛，咬落外脆內軟，肉質細嫩，牛味突出🤤。黑毛和牛肉躁飯望落平平無奇，份量充足，食落去估唔到有驚喜，香濃既和牛肉躁味道香濃，油香滲入米飯之中，牛肉既濃郁充斥整個口，真係好滿足☺️溏心蛋形狀完整，甜甜地有少少酒香，蛋味唔算好濃，味道不過不失，前菜沙律蔬菜都算新鮮爽脆。漬物方面，黃蘿蔔絲爽脆，番茄酸酸甜甜，兩樣都好開胃，而且幾解膩，中途覺得太多肉太膩，食兩啖漬物，可以中和返油膩既口感。

桔梗一共有3層，每一層都好適合打卡，而最頂層天台好chill，岩哂想放鬆一下既香港人.日式照燒醬烤雞 $138就甘睇menu上面既字，我地以為真係烤雞，點知係雞腿肉、蘋果片、菠蘿片及太陽蛋加埋一齊既既三文治漢堡烤雞都幾滑幾Juicy，蘋果片及菠蘿片好fresh，加埋一齊幾特別好味指數 : 8/10龍蝦哥哥意粉 $108意粉配番茄不嬲都係最佳組合，意粉軟硬適中，番茄汁都十分夠味但係龍蝦只有一小小一塊，份量不太夠好味指數 : 7/10海鹽焦糖拿鐵 $38如果係過黎飲咖啡既應該會有啲失望，因為佢既咖啡都係一樣味既，海鹽焦糖就只係有啲甜味，同埋有啲鹽係杯邊好味指數 : 6/10.純粹拿鐵 (Nutty) $34純粹拿鐵就係比海鹽焦糖拿鐵無甘甜既咖啡好味指數 : 6/10(不含加一服務費)小提示 : 餐廳係全助形式，自己揀位、落單、拎餐具、加水，但員工會拎野食比你.- 整體評分 -環境 : 8/10味道 : 7/10 抵食 : 7/10.桔梗 Jie Genge旺角砵蘭街160號地下至2樓

晚餐時段同朋友一齊嚟到桔梗食晚餐～入到去店員服務態度都唔錯，環境都好好。我哋叫咗和牛三文治，日本和牛，牛肉香濃，完全有入口即溶嘅感覺，肉質非常鮮嫩！呢個三文治好值得再試～另外仲叫咗百香果梳打，味道好清新，好甜好好飲！

本身冇諗住寫食評，但最近見到呢間餐廳係網上面話吿急，前一兩個月都去過食，既然餐廳話願意接受大家意見，我都不防講下呢間餐廳嘅食物同服務質素。先講服務，本來職員同我哋講要等起碼30分鐘以上，我哋都照等。最後約50分鐘先安排入座，但帶位嘅男職員態度實在唔多好，黑口黑臉。上餐嘅職員問佢拎杯水，等咗10分鐘冇咗回事。再講食物質素，我自己叫咗個all day breakfast，朋友就叫咗意粉，但估唔到咁大間餐廳既然咁少選擇……個all day breakfast $148，預咗唔抵架啦，但係D蛋過熟仲出水，D沙律菜係苦嘅，咁就真係完全唔值$148🙂我不如返屋企煮算啦咁嘅質素結論係如果你有D錢又想幫下呢間吿急餐廳又想試下文青下，你可以去，不過我同朋友都覺得唔會再試，一次就夠🙂

睇左報紙，今午特別嚟試。平日的兩點幾時間，人不多，第一次幫襯，感覺五正常、舒服。帶位的女店員問「幾位？」，嘟完這個那個之後，只係特意問要睇安心出行頁面。這個很理解，驚俾人放蛇。帶位後放低 menu，之後俾個點餐紙低聲說掃 QR code 點餐。態度正常，跟普通餐廳無異。點好餐，不一會男店員送上咖啡，我問佢有冇水？他點頭低聲說有，轉頭就拎嚟。只是點的三文魚意粉等得有點耐，但味道不錯。整體來說一切正常，沒有報道講的2宗罪…. 或者我沒有其他人「幸運」遇見吧😅

很久之前食過 發現現場很嘈, 唔係傾唔到計, 而係完全聽唔到講野。食品質素差, 有碟意粉 成個醬唔知乜味 愈食愈怪味, 最後連職員都叫我地唔好再食 (好彩最後無肚痛)註1: 食唔飽 ; 註2: 埋單有將碟怪味意粉話俾收銀聽註3: 不敢再幫襯

真係唔抵幫，開張無耐諗住同fd 慶祝生日去試下，當日叫左個沙津係黑醋乜乜乜，點知沙津細份到，啲菜值幾錢丫， 食落去無味，跟住我去問返個職員係咪應該有醋，佢一口就話無架，跟住我拎個menu依度寫住黑醋無黑醋？佢先比返我杯咖啡又細杯，味道一般，應該懶得洗用外賣杯，賣相又唔靚啲野食份量少到，食完完全唔飽，味道就一般般啦，但以依個價錢我真係出去食其他好過無記錯間餐廳要收加一 但所有野都係自助根本無服務可言真係好笑

桔梗(砵蘭街)幫襯完無耐，佢哋社交平台就話告急喇，仲引起左網民海量嘅負評圍剿，絕大部份都話佢哋嘅食物同服務質素差，價錢又貴。係咪真有其事呢？奶油羅勒干貝意粉 $148望落好濃，食落剛剛好，厭佢太多汁，干貝煎得唔錯，但意粉煮得唔夠靚。慢燉蕃茄牛肉意粉 $128牛肉一般，醬汁今次就差D味，意粉一樣係煮得唔靚。烤牛肉芝士三文治 $128塊麵包亁身偏硬，牛肉又係亁身無乜味，兩樣野加埋更加亁。黑松露奶油干貝燉飯 $168松露味道剛剛好，配D 炸脆左嘅藜麥同金針菇撈埋佢溫泉蛋一齊食係幾唔錯的。水牛城雞中翼 $88唔係我認知嘅水牛城雞翼，懷疑佢用Blue cheese 醃D雞翼，咸到腎虧。(食過Blue cheese就明點解會腎虧)總結而言，食物質素我又唔會覺得好差，的而且確價錢比起一般cafe 貴DDD，但佢餐廳環境同食物水準，我認為係同類型Cafe一般水平之上。至於職員服務態度就真係好麻麻，一入門口已經用命令式語句，無精神又黑口黑面，但轉個身又會同事傾計嘻嘻哈哈。

為食豬仔尋食記🐖今日嚟到旺角出名食肆桔梗💛呢排壽喜燒癮發作，聽講呢度嘅壽喜燒好出色，尤其是有蘭王蛋，加埋好味嘅和牛 🥰🤣想試環境寬敞，樓底夠高，裝修擺設都好有格調，仲分上下層，都幾舒服👊🏻嚟到當然要食佢最出名嘅壽喜燒啦，佢啲和牛全部都好正，有保證🥳啲牛嘅雪花紋好靚，食落入口即溶，點埋佢哋嘅蘭王蛋，味道更上一層樓，又夠滑🙌🏻😍佢個蔬菜盤都好豐富，有金菇，皇帝菜，南瓜，蘿蔔，京蔥，豆腐同芋絲，全部都係我鍾意食😹😻🫶🏻仲可以配白飯職員都會講解，例如教我地一開始要用牛油煎香個鑊先🙈😎食完啲牛肉就擺埋啲蔬菜入去，加埋壽喜燒汁！超豐富！好吃👏🏻🙌🏻————————🐖豬仔總評🐖（桔梗）食物方面🍌🍌🍌🍌🍌抵食方面🍌🍌🍌🍌環境方面🍌🍌🍌🍌🍌份量方面🍌🍌🍌🍌🍌服務方面🍌🍌🍌🍌🍌🔔Last Words : 整體好好，食物質素高，大讚！下次會再去！🥰🥳

位於旺角人氣打卡 coffee shop ☕️ 樓底好高，環境闊落一班朋友飲下☕️吹吹水就最岩🥰 但可惜有限時慢燉番茄牛肉意粉 $128酸酸甜甜嘅番茄醬汁好開胃，就算夏天食都唔膩奶油羅勒干貝意粉 $1483隻大大粒干貝，配埋羅勒葉，帶點薄荷香味，好新鮮草莓乳酪燕麥奶搖 $58勁好飲，但可惜好細杯，三兩下就飲完🥲+10% 服務費

本身都冇諗住寫食評 餐廳食物質素其實唔差 除咗個海鮮燉飯 啲海鮮唔太新鮮 食落梅梅地 其他食物都還好😗 但係我哋六個人一齊去食 點知去到見到個Menu勁少野食 明明OpenRice 睇相都唔係咁😞 我哋六個人就嚟叫晒全個Menu… 邊上冇得揀 為咗食飽就全部嘢都要叫😅😅 由於屋企人唔鍾意食飯 餐廳竟然連意粉都冇個 話夜晚剩係得飯食😐 真係唔係好明點解咁大間餐廳 得咁少選擇🥱🥱另外連水都要出去自己倒 但係又要收加一😅😅

呢間係熱門嘅黃店之一!!餐廳環境好好☺️樓底好高...仲有唔止一層食物質素仲好高真心好推介大家黎食!!👍🏻👍🏻今日食咗個二人餐...有齊前菜主食同甜品好豐富仲每樣都好好味😋😋松露薯條食到停唔到口...香脆嘅薯條配埋香濃嘅松露醬正!!🤤🤤雞肉沙律睇相都見到豐富...色彩繽紛唔止啱打卡，仲好好味!!🤩🤩帶子飯同西班牙海鮮飯都係超級好食...而且超足料啖啖都有唔同海鮮每一啖都好滿足!!☺️☺️

·估唔到桔梗原來有壽喜燒食😳發現嘅時候已經得返最後一個禮拜lol七月份就會轉返西式菜單～好彩都比我捉到最後的尾巴👋🏻🥹揀咗二人餐Set A 💰728👉🏻日本A4黑毛和牛 250g👉🏻日本蘭王蛋 2隻 👉🏻野菜盤&白飯配飯素呢度嘅壽喜燒係關西風格🇯🇵先用和牛脂肪起鍋🔥細火炒香京蔥洋蔥再加黑糖同壽喜燒醬汁煎黑毛和牛🥩最後重點就係沾蘭王蛋汁食🥚可以令到和牛口感更加嫩滑✨有畫龍點睛之效牛肉油脂分佈均勻 牛味極重😋食落入口即溶但唔會好重油膩感🍚送飯一流！～Oishii desu ne~˚*̥(∗*⁰͈꒨⁰͈)*̥ 另一半肉就留嚟加上湯同蔬菜盤一齊煮嚟食🍲蔬菜種類好多——冬菇 本菇 金菇 娃娃菜 皇帝菜🥬芋絲 豆腐 珍珠筍 紅蘿蔔🥕食返咁多蔬菜即刻覺得成餐好健康～無曬啲罪惡感😈👧🏻👦🏽店員服務好周到 會先示範一次煮法再一邊講有咩要注意嘅地方🥰餐牌後面仲有圖文並茂嘅教學啱曬我地呢啲第一二次食嘅大鄉里 ˃ʍ˂📍桔梗 Jie Genge(旺角)砵蘭街160號地下至2樓

入到去地方大，環境唔錯職員招呼埋位跟住冇人理 之後咪點咗幾樣嘢10分鐘左右到啲嘢食陸續埋位上到黑松露干貝奶油燉飯咁咪食咗幾啖見到有幾隻不明生物喺朵黃花度開party🤮🤮🤮🤮職員見到即刻拎走唔好意思都冇聲心諗衛生程度有幾好 隻眼差少少都睇唔到嗰幾隻野好似螞蟻咁細嘅飛蟲 唔留心觀察一定睇唔到🤮🤮🤮🤮

星期六下午1:30去到，唔使等位。兩個人叫咗：慢燉番茄牛肉意粉 ($128) 呢個好味😋 牛肉好淋，個汁同意粉🍝都好味👍🏼黑松露干貝奶油燉飯 ($168) 呢個味道一般，個cream唔夠香滑😒水牛城雞中翼 ($88) 呢個推介👍🏼少少辣！外皮香脆，但裡面啲雞肉仲好嫩😋Dirty ($38) Berries Oat Mike Shake ($58) 呢兩杯就正正常常⋯⋯呢度環境唔錯，無限loop住播Mirror啲歌，fans就應該會食得好開心😃 服務就普普通通咁啦⋯⋯