Getaway (已結業)

今日同事拍板帶我去勁有泰國風的餐廳，來一個忙裏偷閑的午飯。用餐環境寬敞乾淨， 好有渡假feel. 其實中環返工真係揾食艱難，又多人又貴。難得呢度價錢適中，有lunch set, 仲唔使趕住交枱。我同同事一人一個套餐，有前菜，主食同飲品。唔夠食，可以加配湯同甜品，埋單一人都係百零蚊。真係環境舒適，大大碟，抵食！軟殼蟹沙律 - 好大碟，足足有一整隻軟殼蟹，沙律菜夠新鮮爽口。Getaway 秘製烤雞 - 半隻秘製燒春雞，同事對個秘製醬汁讚不絕口，帶少少甜少少辣，最重要係肉質非常鮮嫩多汁。個伴菜是酸酸地的醃菜，同雞的味道非常夾。西京燒比目魚配喇沙意大利飯 - 我好鐘意呢個西京燒比目魚，大大塊之餘，比目魚非常肥美，肉質好滑。

喺附近返工，當然要發掘下周圍嘅美食同打卡餐廳，今次俾我揾到呢間打卡+野食高質嘅餐廳，真係要推介下🤩 裝修小清新得嚟帶點峇里島風，indoor同outdoor打卡都好正🧡✨軟殼蟹沙律 - 大大隻軟殼蟹勁香脆，佢仲好好咁幫我地cut左一半，方便我同朋友share食🥰沙律菜配左芝麻醬，滋味又爽口👍✨泰式牛肉沙律 - 呢款比較開胃，個汁帶點酸辣，辣得幾過癮😂牛肉肉身幾粉嫩，同埋烤過幾香口😋✨秘製烤雞 - 一望就知好惹味，個雞好嫩滑，個汁係比較重口，但整體好夾，配埋側邊嘅飯焦波波口感一流🤤✨西京燒比目魚配喇沙意大利飯 - 配搭幾fusion, laksa crossover意大利飯好特別；個比目魚幾厚身，調味剛剛好😸✨Latte - 透明杯好精緻，質地幾幼滑，咖啡味香而不澀😛✨Mocha - 朱古力味幾濃郁，同咖啡嘅比例夾得唔錯😚