木船 (已結業)

今日突然好想食泰國嘢，又唔想去九龍城咁遠！記得朋友提過大埔此店，就去試試啦。揸車去，餐廳對面已有街表停車場，非常方便。7:00去到餐廳，無人等位，可立即有枱，但7:30後差不多全店坐滿，好彩早左出門囗。餐廳裝修以木為主，有點像㗎船，枱亦不算太密，坐得幾舒服。打開Menu,頭兩三頁係教人用廣東話講泰文，真有趣又有❤️，。食物亦算多選擇，兩個人食得不太多，只叫了：軟殼蟹米紙卷，珍寶招牌木船湯粉和溶岩椰青海鮮焗飯，再加一人一杯飲品！珍寶招牌木船湯粉先到，份量十足，有牛肉，鴨肉，牛丸，豬肉、魚旦，足夠分6小碗，先試一試湯底，啖啖鴨肉香味，香濃，正，侍應細心服務好，主動詢問要不要2個碗仔，方便客人share食品，掋讚～！湯粉夠味，但店亦提供了泰國粉麵店一般亦會有的調味品：酸辣椒，魚露等，加後更㖭風味！軟殻蟹米紙卷整得好靚，看得出卷內的蔬菜好新鮮，先沾一沾碟上的黃色醬，一囗咬下去，淡淡清新的芒果香，原來是芒果醬，米紙卷卷得好實因為好足料，帶點微酸的芒果醬中和了炸軟殻蟹的油膩感。好好味。溶岩椰青海鮮焗飯一上枱已非常吸睛，賣相靚，海鮮足料，有青口，帶子，大蝦，蛋，炒飯香面加上甜甜嘅椰醬和芝士焗香，好食到

餐廳位置方便，喺太和站B出口行左冇耐就到。我同個朋友嚟到食晏，嗌左好多野，估唔到平日嘅午飯時段都幾多人，幾乎全場爆滿。其中飲品方面，我建議大家試吓個泰式奶茶，好香滑，我鍾意偏甜嘅奶茶，如果唔鍾意甜嘅人記住要嗌少甜啦，同埋會有一Pat好厚嘅忌廉，覺得幾抵！我仲好鍾意個軟殼蟹米紙卷，好大嚿架，包你飽，入面包左好多菜，覺得好Fresh，而我最鍾意係佢個芒果醬汁，酸酸甜甜，好惹味。個招牌河粉好巨型，啱晒大食嘅人，有好多唔同嘅餸，當中嘅牛丸同魚蛋係我至愛，河粉量超多，成碗湯河係食極都食唔完，而我好鍾意佢甜甜地嘅湯底，如果可以吱啲青檸汁落去就更加味道豐富啦！雖然我今次有一半都係散叫，但係見到set lunch嘅價錢係好合宜，都係大概50幾蚊，下次會試下嗌set lunch！