School Food (已結業)

今次係第二次黎School Food~ 上一次已經係五月既事啦同行既朋友係超級fans 幾乎所有款式佢都試過晒所以今次都係由佢發版~ 食呢間店佢覺得最好味既款式烏卒卒 $75 即係充滿墨魚汁既小卷 每粒都包住既好大粒既墨魚 仲有少少唔辣既泡菜~記得第一次食時真係好有驚喜 比佢吸引住!可惜今次第二次食 唔知係咪因為唔同分店 味道感覺上冇上次甘好食 小卷唔係凍又唔係熱... 個人覺得雪凍左可能會好食d~~不過都見到呢碟仍然係每枱必點既招牌菜 未試過既話都值得一試之後點既係 軟芝士泡菜鐵鍋飯 $88呢個對於唔食辣既我黎講真係有少少辣 但係可以接受而且超惹味既香料令我停唔到口係甘食 =D上枱就要記得將芝士撈落飯度 芝士都夠多 不過可以再多d =D個飯仲有好多煙肉碎同洋蔥 成個口感都好豐富最後又食返上次已經試過既 廚師卡邦尼年糕 $68今次再食 其實都係唔錯 但真係少左第一次食既驚喜原來好多食物最好食既時侯都只係第一次試既時侯...不過呢碟都好夠熱辣辣~ 感覺份量比上次食少了, 醬汁有少少太咸黎緊沙田途中已經用新城市拎飛APPS拎定飛 黎到都仲有幾多人等緊位個陣已經係晚上9點 所以要黎食就要預時

門口企滿哂人，其他餐廳以前都有人等位，宜家直情坐唔滿，睇黎school food都有返咁上下吸引力。本來我一去到已經想放棄，但等左成個鐘既媽媽唔理我sunk cost既理論，堅持要等落去，等左個半鐘先有位。之前聽朋友講幾特別，但唔算好好食，都係抱住一試既心態。烏卒卒，都幾特別，而且好好味。帶小小辣，幾開胃，每件入面都有兩小舊墨魚，趙下趙下，幾有咬口 廚司卡邦尼年糕，年糕整得好好，硬度恰到好處，又有粉絲。配白汁幾有新意，帶微辣，更惹味。最重要係好入味，年糕同汁做到融為一體 軟芝士泡菜鐵鍋飯，張相好吸引。雖然用既只係普通芝士(食落有Ｄ似pizza)，但身為芝士fans，加D芝士硬係開心D 　幾好食，可以再多Ｄ泡菜就更好。唯一唔好既係，明明係用鐵pan上都唔熱, 只係微暖。其實已經食飽，不過等左咁耐，又預計短期內唔會再咁好心機去排，好想試埋個脆雞伴大蔥沙律。大蔥沙律好生，食左一啖已經唔夠再食，唔想比人聞到。炸雞個味道好好。粉同平時Ｄ炸雞唔同，又厚又軟，令我聯想同雞蛋仔入面個餡。好似迷你雞肉pancake咁  個人覺得幾特別，但媽媽都係鍾意食開香脆可口既炸雞，我地都覺得雞肉真係太少。每一

前陣子已經留意到這家韓式料理會進駐沙田新城市廣場，每逢星期天總會跟媽媽在這裡午飯，今次特地來到此，一嘗近日熱爆的潮流。來到食店門前約上午十一時半，店內已經坐滿一半，店外則有人等著，店員說第二批客人要待中午十二時才安排入座。半小時間，單是二人座位已經派到幾十籌，韓流襲港之厲害可見一斑。對韓食沒有研究，只懂炒年糕、石頭鍋飯之類。打開餐牌，最「聰明」的做法我覺得就是按著「廚師推介」來點菜，最後選擇了「烏卒卒」（墨魚飯卷）、廚師卡邦尼年糕和軟芝士泡菜鐵鍋飯。墨魚飯卷很好味，咸味適中，飯卷相信是用墨魚汁泡浸過，而碎墨魚夾在飯卷中間，軟身但仍有少許彈牙，微辣的，好開胃；卡邦尼年糕就好像在吃 CARBONARA，不同的是意大利粉換了年糕，尚算不油膩，但始終是年糕，吃多了就覺得有點滯；軟芝士泡菜鐵鍋飯也很好吃，飯微辣，配以太陽蛋和韓式即食碎紫菜，配搭得宜，二人份量也剛好。唯一美中不足是限制用膳時間（七十五分鐘，不知是否假期的原因），心理上有點壓力要盡快吃完，未能有充足時間慢慢品嚐，但不失也是大滿足的一餐。