Our Restaurant

營業中

休息中

話說今日得閑想去果欄行下買水果，我就諗起旺角有間好正嘅土耳其餐廳。上次來都起碼大半年前了，今日又行開呢頭當然又想去食下，話曬都好耐無食了知道好多人對於中東菜都不太喜歡或直情不會嘗試但我就好鐘意，耐不耐食下真係幾正今日2:30pm黎到得兩個客。地方不太，牆上掛左好多有關土耳其的風景文化相片。見到呢幅相就諗起幾年前去土耳其旅行吃過的雪糕幾特別，黏黏的午餐套餐有飯、沙律同卷今日我想食個輕食就點左轉轉燒雞肉卷，加$3有土耳其紅茶，加$10有土耳其湯湯有豆蓉，少少辣少少酸，味道同以前差不多我最期待嘅雞肉卷終於到啦包得好實，但全部都係菜、蕃茄、同洋蔥醬汁都夠嘅但雞肉勁少，少得可憐以前呢杯紅茶係未加糖都甜甜地好有茶味，仲用土耳其特色茶杯的，但今日杯茶就好似普通立頓紅茶咁，唔特別總結: 以前覺得呢間土耳其菜最好味，價錢公道，如今水準差了，有少少失望。好彩佢價錢都算平今日$58就可吃都個午餐，有時間都會再幫襯佢嘅

Our Restaurant 係一間土耳其餐廳, 裡面充滿異國風情。每張枱都有特色既民族風枱布, 又播放住當地既音樂, 牆上掛住多個土耳其水煙壼既擺設 ,服務員全是外籍人士, 感覺這一刻暫時離開左香港般(誇張^^")。野食方面:轉轉雞肉卷菜同肉份量既比例岩岩好, 一口咬落去好多醬汁,食左肉都唔會膩。轉轉羊肉卷起初以為食羊會有羶味, 但配佢地既醬汁, 陣酥味似乎冇咁濃烈, 一樣好好味!轉轉燒雞肉配飯同轉轉卷一樣, 雞肉配上羊乳酪及薄荷醬加生菜, 顯得食濃味既野都唔會太膩。但又搶走唔到烤雞肉本身的美味!總結: 係會返尋味的餐廳!

呢間小餐廳開左好耐,每次見佢既轉轉肉都好想食,今次終於黎試喇!一個午餐大概$50內,其實都幾平,所以叫左一個卷餐同一個飯餐。轉轉雞肉卷好好味呀,入面好多濃味雞肉,再加生菜係入面,好fresh!轉轉羊肉一d都唔穌,配埋帶少少薄荷味既沙律醬,正!餐飲叫左紅茶&咖啡!無咩特別...haha

呢間舖出面係女人街既排檔, 要搵就最好由街尾開始向旺角MTR方向行, 行到中段左右, 就會見到一間細細的,有土耳其風味的餐廳. 透過玻璃, 可以見到裏面有一大串燒雞肉. 我地點左轉轉雞卷同埋烤牛肉卷. 2者都配有生菜, 蓄茄,生蔥等同埋沙律醬汁. 雞肉卷比較惹味, 肉質有一部份是嫩的, 有一部份是較熟的, 形成不同既口感. 蔬菜部份都好新鮮. 沙律醬同雞肉既肉汁都好配合.餅身方面, 之前係外國食既有PIZZA 餅底相似既質感.呢度個餅身比較薄同乾脆, 有D似某炸雞店既雞卷. 咁樣就唔會有飽到上心口既感覺.烤牛肉冇雞肉咁嫩, 係厚身既肉塊, 相比之下, 雞肉既味道會比較特別. 餐茶叫左土耳其茶, 味道有D 似濃味既紅茶.

因為約咗人未夠鐘,所以一個人無無聊行街,咁啱LUNCH果陣又無乜點食嘢,行到咁上下,想搵個地方坐下飲下食下嘢,消磨下D時間唔想去快餐廳,想搵返個環境OK,坐得舒服既地方,平時行開女人街,2邊都有唔少食店,諗住不如行下睇下有無間啱的見到呢間食卡巴的,好似都唔錯,環境都幾舒服咁,一個下午茶先$35一SET,同埋我自己都幾鍾意食卡巴,所以入去試下我點咗個轉轉雞肉卷,跟個土耳其紅茶個雞肉卷唔錯,裡面夾咗生菜,蕃茄,生洋葱,配埋D汁,咬落去好爽好多汁,食得出好新鮮個紅茶,同平時飲果D唔同,佢D紅茶有D似涼茶甜甜哋既味道,我估可能係草茶果類企响度整嘢食既係一個外國人,可能係土耳其人,佢原來係老闆,仲有個阿嬸响度幫手,佢哋都好NICE如果下次再出旺角,我都會再嚟呢間食TEA

行行下通菜街搵野食朋友一見呢間舖就眼前一亮 我地決定去入去試試係門口望以為間舖好細好細不過都唔係 入面都有大約九張二人"臺"唔知點解覺得食土耳其野要試牛肉諗住叫牛肉卷 點知無晒叫左個轉轉雞肉卷同轉轉雞肉薯條轉轉雞肉卷好味!一個烤卷入面有蕃茄洋蔥雞肉同菜 好豐富入面仲有d沙津醬 好match!不過雞肉似乎乾左少少包住錫紙方便拎住 不過我最後都係食到d汁流左出黎轉轉雞肉薯條既雞肉都應該一樣 都係乾乾地咁不過絕對唔油 朋友話如果咩醬都唔落會好健康薯條有d蕃薯味既感覺即叫即炸 熱辣辣!overall都好好味而跟餐會有杯紅茶飲落似涼茶味 不過唔難飲嘆下茶傾下計 唔錯!