The Old Book Store by The So Lonely Club

營業中

休息中

我一直好中意The So Lonely Club一系列嘅餐廳，因為有好多搞笑同得意嘅元素🤣 銅鑼灣呢一間係以舊式書店為主題，擺滿咗古老嘅藝術品同裝飾，成個氛圍好温馨同寧靜😌🔸🐮椰椰麻麻燒牛扒 $228牛扒燒得唔錯，入面既肉好粉嫩，每一啖都有濃郁既肉汁同燒烤嘅香氣🤤 椰椰麻麻呢個醬好獨特，係結合咗椰子同麻辣調味，但又唔會真係好辣，食落好有泰式風味，同牛肉都好夾，令人一試難忘🥹🍕辣肉碎豬頸肉比薩 $168呢個西泰fusion幾有特色👍🏻 個pizza係我中意既薄脆底，啖啖都有芝士，豬頸肉大大塊，鮮嫩多汁，辣肉碎唔會好辣，每一啖都有好豐富嘅口感😚🦀明太子蟹肉野菌意大利麵 $138蟹肉好多，我超級中意個明太子醬，好濃郁，啲意粉好掛味😋🐔香茅雞翼 (鹹蛋黃) $78雞翼炸到金黃酥脆，裏面肉質嫩滑多汁，而且鹹蛋黃鹹香味十足，同雞肉嘅鮮味完美融合🤩🍫焙茶朱古力拿鐵 $48第一次試焙茶同朱古力嘅結合，幾有層次感，而且兩者嘅味都好濃👍🏻

位於銅鑼灣謝斐道嘅So Rich So Lonely，新開幾個月，無論係裝潢定係食物都玩味十足。作為吃貨一名，梗係要去打打卡，試吓佢嘅泰西fusion菜😆 辣肉碎豬頸肉比薩🍕本身都冇諗過泰式嘅辣肉碎同pizza可以夾埋一齊，食落原來都幾特別，幾好味。有泰菜嘅辣味，餅底超脆，面頭嘅紫洋蔥令成個pizza更惹味。 黃金咸蛋黃虎蝦野菌墨汁意大利麵🦐邪惡之選呀😈好好食，每條墨汁意大利麵都裹滿咸蛋黃，勁香口。粒粒墨魚好彈牙，加埋大隻虎蝦，不得了😋 蜜糖芥末醬薯條粗薯條好扎實，雖然點咗蜜糖芥末醬，仍然都有提供茄汁👍🏻 芝麻煉奶奇怪組合沙冰話就話奇怪組合，芝麻同煉奶都幾夾，芝麻味濃得嚟有少少煉奶嘅甜味👍🏻士多啤梨玄米奶昔有驚喜！飲落去玄米有回甘，同士多啤梨味好夾，亦唔會死甜。