Seafood Stand (已結業)

6點鐘喺安達唱完K，仲有成兩個鐘先睇演唱會，食乜好呢？唱完搭扶手電梯去樓上就已經到？！邊得咁方便㗎？唔好諗喇，就呢間啦！環境：舖頭入面得好少位，而且抽風系統麻麻，食完一定成身味，所以決定坐喺商場入面啲高腳凳，舒適度普通，不過坐吓hea吓等睇演唱會又唔錯農場烤菇漢堡($45)：麵包軟熟，配合烤得恰到好處又搽滿芝麻醬嘅大菇、番茄、芝士、菜苗，口感清新得嚟唔會覺得口淡淡。夜晚食呢個漢堡清清腸胃都唔錯！原味及煙燻雞翼($33+33)：我唔係太喜歡煙燻，但呢個雞翼嘅煙燻味唔算重，而且有啲燒烤醬喺面（咁得意嘅煙燻雞翼仲濕過原味雞翼嘅？），甜甜哋又幾好味喎！原味雞翼嘅皮有啲過脆，似乎炸燶咗啲，好在咬開總算肉嫩而且juicy。個人比較prefer煙燻雞翼炸薯條($28）：炸得有少少過龍，雖然薯仔味香濃，但太外脆內軟喇，脆到會刮損個嘴嗰種...服務：好禮貌，我叫 '農場烤菇漢堡' 嘅時候會俾個溫馨提示... '呢個冇肉㗎喎OK嗎？'.... 值得一讚！以為坐出面會冇咁臭，但點知返到屋企啲衫都係好臭......

但經友人推介，尖東Seafood Stand街坊價，食物質素唔錯，放工專程去試試，行近門口，已傳來陣陣懷舊歐西音樂，店內只得六七個座位，入到去已爆滿，只好坐在店外商場位置，餐廳以半自助形式經營，需先自行購票，我點咗牛魔王漢堡、農場烤菇漢堡、一客法國鮮蠔湯同青檸汁香煎野生鱈魚柳，轉他他汁。買完票剛坐番埋位，店員馬上奉上法國鮮蠔湯同煎野生鱈魚柳，效率快到好似整定咁，食落又唔似，唔知係咪時間關係，廚師喺我落order時，已經開始做嘢；但一尐都唔馬虎，鱈魚柳表皮炸到金黃色，皮脆肉嫩，可惜細件咗尐，唔多夠喉，但$38兩件，仲想點呀﹗法國鮮蠔湯好夠熱，好creamy，味鮮但唔搶，感覺好smooth；農場烤菇漢堡，一塊大大嘅蘑菇，一塊火灸芝士，配日式胡麻醬，味道出奇地夾；至於牛魔王漢堡，厚厚漢堡牛肉，冇加麵粉和調味籵，原汁原味，切落去散散地，仍保有肉質纖維，鮮嫩粉紅，好juice，芥末汁味道較搶，芝士嘅火灸味就蓋過喇，漢堡飽同鱈魚柳都有沙律菜伴碟，食落健康好多。