御品·千之味 (深水埗) (已結業)

💛我想食壽司 但想支持黃店所以今次搵左間係深水埗嘅日本菜黃店試試🍱-▪️迷你吞拿魚蓉丼刺身壽司餐 ($128)「刺身有三文魚、北寄貝、帶子、甜蝦5件火炙壽司 同埋1個吞拿魚蓉丼」呢個set最可以滿足到我🤣因為有我最鍾意食嘅吞拿魚蓉同埋火炙壽司🥳真係成個set都好味 刺身新鮮❤️ 而且吞拿魚蓉份量又多 質感又夠蓉 壽司上嘅刺身可以遮住舊飯cp值💯👍🏻最後仲會有粒迷你雪米糍😋▪️吉列炸蠔(2件) (跟餐+$20)正常🤣▪️鵝肝壽司 ($28@1)My all time favourite🧡 $28黎講算ok😚▪️明太子醬燒蠔 (2隻) ($38)幾大隻🦪 個明太子醬連燒蠔食好味 上面亦鋪滿蟹子 脆卜卜🤤利申：我本身好鍾意食明太子嘅嘢😆▪️火炙芝士三文魚壽司 (2件) ($23)▪️芝士炸蝦卷(4件) ($48)個卷物上面有蟹子同燒過嘅芝士 食落口感唔錯 但飯太多太大嚿 隻炸蝦細左少少-總括而言：性價比唔錯🥳💛佢有好多個set, 個set係lunch同dinner時段都有 一定有一個啱你🤣我會再去😋🙌🏻

朋友去完旅行後話好想食刺身，所以我就推介左黎呢間OPENRICE評論唔錯、位於深水埗區既日式小店，晚餐有定食、散點、丼飯，價錢亦唔算貴。每款套餐中包含麻醬蟹子沙律、帶子群邊、味噌湯/飲品(可選汽水式烏龍茶)、甜品係雪米磁。沙律菜新鮮、群邊爽口。我個人比較中意食壽司多過丼飯，所以點左個壽司餐 $108內有三文魚、油甘魚、鯛魚、吞拿魚、蟹子、熟蝦、玉子、鰻魚同大赤蝦壽司共10件，另外仲有一件三文魚吞拿魚蓉手卷，食材豐富，份量足；全部魚生都無解凍唔夠既問題，亦無怪味或腥味，但欠缺魚既鮮味。個人覺得味道唔差，但又唔能夠叫好，只能夠講以$100既價錢食到11件壽司加手卷，非常抵食。朋友為刺身而來，所以點左個迷你吞拿魚蓉丼刺身壽司餐 $128本身朋友對呢個價位既刺身無抱太高期望，殊不知味道唔錯、每款都有鮮味、有驚喜!!水炙壽司同丼飯樣子唔差，雖然我無試到，但朋友表示味道尚可。火龍卷 $65入口首先有脆卜卜既蟹子，之後試到脆口既天婦羅，蝦味慢慢滲出黎，整體味道唔錯，可以一試。估唔到豉油都有份刺身同壽司豉油兩款，後者會甜D。