MR. MAKI (金巴利大廈)

營業中

休息中

同FD去尖沙咀行婚紗街，FD話有間細細嘅日本嘢一直有幫襯，地膽有推薦，咁就食哩間啦。哩間鋪頭唔大，裝修都幾靚，嘢食都幾豐富，有日本卷同飯可以揀。FD話要食進擊的鰻魚，我就揀咗先生牛肉飯，加20HKD左右已經可以包埋一份小食，沙律同飲品。先生牛肉飯好快來咗，小食係炸番薯條同埋搭配咗可樂。牛肉飯好大一份，仲搭配咗洋蔥同沙律，醬汁喺有少少甜味同埋都比得幾多，同牛肉一齊食超match。已經叫咗少飯，但都好大一份，最後都食唔哂。炸番薯條又真係好得意，薯條就食得多，番薯條好少有機會食得到。番薯條送上來仲热笠笠，食落好脆口，同埋啲番薯勁甜LOL，唔洗點茄汁已經超好味。進擊的鰻魚好大一份，有鰻魚，蟹柳，芝士，牛油果同木魚絲。醬汁係普通鰻魚醬味，成件卷食落口感好豐富，估唔到牛油果同鰻魚可以咁夾，真係食到停唔落口。加咗19HKD仲有4件炸雞，以為會細細件，睇到真係O哂嘴，超大一件喎。炸雞係即叫即整，仲加咗芥辣醬，超好味。地膽真係冇推薦錯，真係食得超滿足！

身處節奏急速的香港，速食文化早已成為本地人生活不可或缺的一部分，今次就在尖沙咀找到一間主打外賣的日式卷物專門店MR. MAKI。小店裝修簡潔明亮，因為主打外賣，堂食座位不多。餐牌內的卷物款式繁多，還有Poke bowl供應。所有卷物飯麵只需加 $19-28就可轉餐，附上一款小食、日式沙律和一罐汽水。所有壽司卷物都是即叫即製， 保證新鮮，下單後大約等5-10分鐘就可取貨，卷物飯粒握得緊密，軟硬適中，夾起來不易散開。進擊的鰻魚 $75表面灑上木魚絲，緊緊捲著鰻魚、蟹棒、芝士、牛油果餡料，鰻魚厚肉肥美，一口就有多重層次，吃完整盒已覺十分飽肚。先生巨無霸 $89以金黃脆趣舖面，香口卻不覺油膩，包裹著鰻魚、炸蝦、蟹棒、芝士和青瓜的豐滿餡料，炸蝦粉漿亦不厚，蝦肉入口爽彈。跟餐的日式沙律輕盈清新，令人胃口大開。加 $21轉餐的小食為有皮薯條，厚切薯條連著薯皮炸得外脆內軟，肉心軟綿細密。另一款小食則是加 $25的蕃薯條，質地粉糯密度高，蕃薯味濃，就如蜜糖般溢出來天然香甜。