雲魅 (已結業)

好耐之前黎過買外賣，今日試吓堂食先。呢間雲南菜午市餐牌勁簡單，唔洗傷腦筋。星期一到星期五每日有一款午市優惠特別平，唔洗諗我地每人叫左一個餐再加多一份前菜分黎食。成個餐包一份前菜同野飲，免加一。傣族手撕鬼雞（跟餐）前菜四選一之首選，我同友人都各要一份！份量好多！雞有雞味，質感有少少咬口，調味少少酸辣，好味道又唔過火，推介！追加每款前菜加$10， 如果係絕對要加傣族手撕鬼雞！涼拌黑木耳（跟餐）前菜另外揀左呢款，黑木耳爽脆，涼抹汁少少酸辣，唔過份，試得過。過橋七彩麵 $78呢個過橋七彩麵一定要試吓先，未食賣相已經蠃左。十小碟中一碟肉，十小碟有午餐肉兩小塊，炸豆腐兩小片，響鈴一塊，車厘茄一粒，鵪鶉蛋一隻，粟米粒，肉碎，蔥花，柞菜同炸物。好多配料都已經熟左，加熱就食得。肉類可揀肥牛或豬腩片，我揀左豬腩片。豬腩片有四塊，都有豬味既雖然有d韌，下底墊有幾塊生菜。麵底可揀七彩麵或米線，我揀左七彩麵。七彩麵顏色至少見到三隻色，不過味道冇分別，好滑。湯底可揀雲魅特色湯或番茄湯，我揀左雲魅特色湯。雲魅特色湯其實係小酸既雞湯，有雞味但唔油，酸味亦唔過份。個湯用熱鍋上，出哂煙。有埋instructions教你點

行過旺角見到派傳單，話有間新既餐廳開張，全單8折，又有d餓，所以就上左去睇下。湯、麵同配料都可以揀。我揀左呢款 昆明風味配料 （牛肉）湯就揀左香辣（小辣）見到有蔬菜蕎麥麵就揀左，顏色好睇又健康d個湯都幾堅下自己倒所有材料入去撈黎食我唔客氣啦牛肉煮得唔錯，個蔬菜麵好幼，個湯比我想中像辣。份量都夠既。由於我覺得辣所以就叫左呢杯桂圓紅棗蜜，桂圓好甜，中和返辣湯既濃味。粒桂圓好大粒。杯蜜就ok 清，飲入口唔會怕太甜既。