慈妹大排檔 (已結業)

生日食飯都去大排檔？？可唔可以高級少少呀？😢由於對方工作忙，放工都成8點，雖然生日，但都係簡單在附近食餐飯就算。今日去左慈雲山比較新開嘅大排檔食野，發覺都出乎意料咁好，食得好開心又滿足，就決定寫下openrice 分享下。

因為疫情關係，最多坐4個人，但一家人想食啲炒小菜，咁唯有去叫外賣。最後係呢區聽到有間唔錯的大排檔，就決定去試下。有6個人食飯，就叫左5個餸，6點半叫左，等到差唔多7點先有得拎，都幾耐下，但等候其間，廚房炒爐都未停過，等得耐都唔緊要，最緊要好食嘛,,炒我諗每碟菜都好夠火喉，但叫得外賣，都唔係即食，拎返去都會打個折。果然冇失望，每道菜都好好食👍，特別推介豉汁蒸白鱔，避風塘鮮魷同金沙茄子，真係好好食，我諗堂食嘅味道會仲好食，，希望快啲放寬限聚令，可以一家去食飯😁😁

揸車經過都會俾個招牌吸引，因為有得泊車，都算方便，今次就試下呢間新開大排檔小炒。餐牌都算多選擇，因為另一半想食啲香口野，所以叫了幾個香口炸野食；今次叫左4個餸，1）避開塘鮮魷 2）椒鹽田雞腿 3）豆豉鯪魚唐生菜 4）鴛鴦雞煲，整體都唔錯幾好食，都幾推薦。避風塘鮮魷，賣相靚，份量都幾大，食落有些辣，但蒜頭炸得好香，好推薦椒鹽田雞腿，味道還好，田雞腿好鮮甜，幾好食😋😋豆豉鯪魚唐生菜，味道一般，菜有沙鴛鴦雞煲，一上枱就勁香，煲仔上，出曬煙，田雞同雞都好入味，唔錯