杭州酒家

營業中

休息中

真心推介俾喜歡杭菜的朋友們，比滬江更好味！烤麩味道調得不錯，內伴有花生，雲耳，毛豆和菇，口感一流！凉伴窩筍好爽脆，味道小妹覺得就咸左少少熏魚味道甜甜的，魚肉不會太硬，不過太多骨炸臭豆腐好好味！豆腐質感好，脆漿薄，臭豆腐夠臭，點埋甜醬同辣醬，諗起都流口水！小籠包普普通通咁啦圓蹄好味！炆得剛剛好！肥肉油而不膩，瘦肉實而不柴，味道恰好！唔會太咸或太甜！魚丸湯不錯！魚丸唔係彈牙個隻，有啲似魚蛋豆腐，濃魚味，旁邊的菜，好得意，滑潺潺的豆沙窩餅餅皮有蛋香，豆沙饀多到，一拮就擠出來！饀嘅味道適中，只係覺得有啲油，但豆沙窩餅，一向都油油地，所以都好正常，哈哈！酒釀丸子好大碗！煮得剛好！無糊到，粒粒分明，酒釀的份量同火候剛好，唔會酸左，甜度亦剛剛好！

 由於一早訂左位…所以冇需等位…而且朋友講晚上係冇得walk in架佢肉汁豐富，肥肉多廋肉少…所以配埋個薄餅食落去好好食…我仲食剩少少等佢凍左再食…味道依然好出…正這個麵 我覺得普通，唔岩我口味魚丸湯…菜好滑…丸食落好得意，佢有蛋白味架…而且個姐姐分湯時好好人咁，將剩餘既丸平均分埋比我們咁多位臭豆腐……好食呀…佢細細粒…易上口，連唔食臭豆腐既朋友都比佢外表引誘到食唔停齋鴨…一般…冇咩特別，冷盤一碟囉之後又到甜品時間啦………登登登登好香桂花味…丸子夠多…好多粒…好食好好食呀…佢中間白色部分好軟，好味整體黎講佢野食同服務都好好，其實可能我地叫埋堆平野食，所以請埋人170走得人其實佢仲有好多款既…下次試埋其他先

開完會...老公落灣仔 join 我食飯, 成個星期日日係咁做, 聽日又要開 OT, 今晚要待自己好一點, 選它, 因為喜歡杭州菜, 上次吃了天香樓, 今晚要再試試杭州名菜!入到去...環境明顯比天香樓雅緻, 看完餐牌後...決定在三月底...豪一次! 二人叫了煙燻大黃魚, $550, 腿茸菠菜, $58! 等了約 20 分鐘, 大大條黃魚開邊上桌, 墊底的是荷葉, 蒸, 煎, 炆, 煮, 鹽焗....也吃過, 煙燻味卻第一次, 味道濃郁, 魚皮面帶有黃油, 魚質算滑, 骨唔多, 都幾好味, 但論魚鮮味, 我還是首選鰣魚! 腿茸菠菜也嫩, 不油不鹹, 夠健康, 但不是太特別! 最後還叫了酒釀丸子, $26 及 芝麻湯丸, $32, 上者略甜一點, 但丸子也煙煙韌韌, 後者有六小粒, 芝麻味不但濃, 湯水是湯水...沒有半點甜味, 怪怪地!這裡的侍應服務熱誠, 感覺像家庭式, 最值得讚的是洗手間, 非常乾淨, 不像天香樓....食物一流, 環境(廁所)九流!