康瑞甜品

營業中

休息中

人氣老店，身邊朋友同我提過好多次，一定一定要試康瑞嘅仙草同芋圓，地瓜圓，今晚終於的起心肝嚟食特色仙草百配 ($26)點左熱，不過其實係暖暖地，裏面有三色丸(芋圓，地瓜丸，小丸子)，西米，紅豆，薏米，再加花奶，真係好足料，仙草好滑，比起我平時食嗰滑，而且係微甜，真係好清熱健康酒釀桂花配($26)蛋花整得好靚，裏面有好多三色丸(芋圓，地瓜丸，糯米丸)，呢個糖水真係好清，不過酒釀唔夠多，味道唔夠重（本身我好鍾意好重酒釀)，但就應該係咁，小朋友都會可以食服務好細心，我買多咗一碗仙草外賣，花奶另上，仙草就可以放多一兩日，價錢都係街坊價，牆上面貼左好多小朋友畫嘅畫，成個鋪頭都好有屋企嘅感覺

夜晚同班friend食完飯未想走，所以去左出名芋圓好食既康瑞食甜品😋雖然九點到外面已經有品少人等緊，不過等地五個等左唔洗五分鐘就入到去食～我同另一個friend叫左最出名既特式仙草配，芋圓，地瓜圓同小丸子都好軟滑，同係台灣食既芋圓好似，夾埋清爽既仙草食好正！糖水都唔太甜，我次次黎都食依個有friend腸胃唔好就叫左暖胃姜汁配，姜汁真係好暖胃😂而且都係唔太甜，好夾芋圓！另外有人叫左椰奶紅豆沙配，紅豆沙有起沙，而且都係唔太甜，好食！仲有個叫左酒釀桂花配，中意飲酒應該幾中意，而且桂花好清新，唔會好膩！最後我地share左個糖不甩，無咩特別，不過裡面有花生餡，好夾啲花生！總括而言係一間唔貴，值得一去再去食芋圓既甜品舖！

每次經過康瑞甜品，門口都是滿滿的人龍，依間舖頭我由她在醫局街時已幫襯，雖然甜品種類唔算多，但我一個月仍是會幫襯數次。其中特式仙草百配是該店最受歡迎之作，老公每次都會叫這款甜品，這款甜品可以是凍食或是熱食，今次老公點選了凍食，當然我也有品嚐。仙草味濃但唔似一般涼粉咁帶有腥味，而且好滑，芋圓、地瓜圓、小丸子等煙韌，糖水亦不是死甜，令人回味無窮。而我就叫了一碗熱的酒釀桂花配，帶有豐富的酒釀糯米味及清新的桂花味配上蛋花、芋圓、地瓜圓、小丸子等，甜度適中，食落非常暖胃。康瑞甜品味道好，而且價錢合理，每次食完都有幸福的感覺。