十二鍋 (已結業)

『唔洗刻意遷就大家嘅口味，一人一鍋超方便』位於佐敦嘅十二鍋主打台式鍋物，有十二款湯底任君選擇，今期期間限定仲係壽喜燒添🐮店舖偏細坐得會有點逼夾，如果一次點太多配菜可能會擺得太滿哦🤓115蚊就有鍋物套餐‼️有一份鍋物、主食、飲品，每款鍋物包括唔同嘅食材，十分足料🍧如果唔夠仲可以選擇其他配菜例如牛肉羊肉、丸類等等。值得一提呢度嘅台式飲品都相當出色🥤好多人嗌珍珠奶茶推介 🍲壽喜燒🍲酒香藥膳雞鍋🥢麻辣鴨血🔅份量都幾大配菜可以遲啲再加費事食唔晒啊🔅火種燒得好快十幾分鐘就要換火，涮肉類要快手啲————————————————————♣️𝙃𝙤𝙩 𝙋𝙤𝙩 𝙎𝙚𝙩➰𝐇𝐊𝐃𝟏𝟏𝟓𝘗𝘰𝘵+𝘙𝘪𝘤𝘦/𝘝𝘦𝘳𝘮𝘪𝘤𝘦𝘭𝘭𝘪+𝘉𝘭𝘢𝘤𝘬/𝘎𝘳𝘦𝘦𝘯 𝘛𝘦𝘢1️⃣酒香藥膳雞鍋雞肉片、黃酒、米血糕、蟲草花、花枝丸、貢丸、娃娃菜、豆腐等等，藥材味濃郁四溢，養生必備！2️⃣壽喜燒期間限定鍋，壽喜燒湯底清甜，牛肉份量都唔少♣️𝙎𝙞𝙙𝙚 𝘿𝙞𝙨𝙝➰3️⃣紐西蘭羊肉片◇𝐇𝐊𝐃𝟒𝟖4️⃣牛肩胛◇𝐇𝐊𝐃𝟗𝟖5️⃣爆汁牛筋丸(6粒)◇𝐇𝐊𝐃𝟒𝟐幾多汁又彈牙6️⃣麻辣鴨血(6舊)◇𝐇𝐊𝐃𝟑𝟖 唔會太辣幾正

我一年四季都岩打邊爐, 最近佐敦新開咗一間「十二鍋」, 主打台式一人一鍋, 仲有好多款唔同湯底, 就算自己一個食都唔會厭呀!我就最中意藥膳湯底, 火鍋份量都幾多, 仲有隱藏款既期間限定, 要問店員先知, 我去果時就係牛肉壽喜燒鍋,套餐除咗火鍋, 仲有白飯/粉絲, 或加$7 升級做滷肉飯/烏冬, 連飲品紅/綠茶, 或加$7揀$28或以下飲品, 都算抵食!🔹 酒香藥膳雞鍋套餐 ($115)藥膳味好重, 湯底真係可以係咁飲, 入口仲有陣陣既黃酒香, 有鮮淮山, 蟲草花, 米血糕等配料, 雞肉片都幾嫰滑!🔸 養生藥膳羊肉鍋 套餐 ($115)一樣係藥膳鍋, 羊肉薄片幾嫩滑又唔重臊味,仲有冬瓜, 鴨血, 胡椒豬肚丸等配料, 驅寒一流, 岩晒成日手腳冰冷既我!🔹 現切封門柳 ($98)追加咗封門柳, 封門柳係牛既橫膈膜, 一隻牛都只得一條封門柳, 佢地係薄切, 牛肉味清甜, 紋路幼細, 油花幾靚同腍滑, 不過性價比唔算高

近排係佐敦莊士倫廣場新開咗間叫「十二鍋」嘅台式一人一鍋邊爐，一年四季都打邊爐嘅香港人梗係試試佢啦😎同店名一樣，佢真係有12款湯底你揀，其中一款仲要係期間限定，要問店員先知，可以保持新鮮感😁不過第一次試我地就無試今次期間限定嘅壽喜燒，而係叫左➡️台式沙茶牛肉鍋、養生藥膳羊肉鍋，胡椒豚骨濃湯鍋同酒香藥膳雞鍋😝😝”台式沙茶牛肉鍋”，沙茶味好濃，牛肉都好足料，加埋血米糕同台式麵線，真係好似去咗台灣咁😍無得去旅行頂下癮先啦XDDD 而且跟餐仲有白飯/粉絲或者升級做滷肉飯/烏冬，梗有岩你嘅👍🏻 套餐仲有跟紅/綠茶，升級仲可以$28或以下飲品任配，都好多選擇架😉”養生藥膳羊肉鍋”，藥材味好重，仲有鮮淮山做配料，羊肉薄片又夠哂嫩滑，天氣一涼就好岩食😆而且有冬瓜做配料咁就唔會太燥熱啦👍🏻而”酒香藥膳雞鍋”同羊肉鍋一樣好重藥材味，但係因為有酒同雞，湯味道就更加鮮甜，真係差d連湯底都飲埋😂😂 最愛呢款湯底！”胡椒豚骨濃湯鍋”，個胡椒係重到輕微辛辣，同豬肉真係好夾，又係驅寒一流，而且呢個鍋仲有鴨血做配料，非常香滑，而且同胡椒味原來都幾夾架😎