來佬餐館 (已結業)

家中長老喜歡鋸扒，來佬餐館經常是他們坐上客。今次有新餐推出，又正值蟹粉季節，上次同朋友食過，今次老友記想試，咁我又有口福喇！頭盤-蟹肉蘋果沙律，芝士菠菜焗蠔，露筍，蟹粉一口酥，4款頭盤各有特色，特別係蟹粉酥特別出色，煎香再滙入米通，配搭一流，值得一試再試！湯-酥皮海鮮湯，係真係真材實料，好濃海鮮味，完全有腥味，超水準之作，睇得出大廚得用心製作！主菜-慢煮烤鴨胸、羊架，我覺得鴨胸係有驚喜，因為慢煮到好嫩滑，我冇諗過原來鴨胸可以咁好味。羊架係偏濃蘇味，係我偏好嘅羊味，配牛肝菌汁一流！甜品-芒果西米奶凍，上次食咗心太軟，一於試吓嘢，擺盤好靚好吸引，西米奶凍口感好滑好香奶味，芒果雪糕都好香滑，食完唔覺滯，味道拍得住酒店high tea，勝價比好高！今餐晚餐老友記食得好滿意，食得出大廚好有心設計呢個餐，可以媲美酒店級數，我真心推介可一試再試！

又到星期五，放工緊要去食餐好嘅！頭盤款式好多，樣樣都好吸引！我最鍾意就係蟹肉蘋果沙律同埋蟹粉蟹籽一口酥黑松露野菌湯同酥皮海鮮湯都好好飲呀，同埋好夠熱！到主菜鮮拆蟹粉天使麵,有蟹粉加少少蟹醋調味,正呀! 慢煮香烤鴨胸超腍, 又唔會蘇喎！最後梗係要有甜品，咁先至完美同滿足架嘛！甜品有西米奶凍同朱古力心太軟, 同朋友岩岩一人揀一款Share食，岩曬選擇困難嘅我!!

友人推薦來佬餐館新出嘅晚市套餐，蟹粉cross cover 扒餐，係一個幾新鮮嘅配搭，即刻邀請家人來試吓😋，一個兩位起 7道菜set dinner，每位348，有頭盤、湯、主菜、甜品，價錢相當吸引🤩 頭盤- 蟹粉一口酥，香脆米筒入面裝滿蟹粉，相當可口👍🏻👍🏻蟹肉蘋果沙律，酸酸甜甜，食完好開胃👍🏻芝士菠菜焗蠔，味道好夾，蠔味濃👍🏻👍🏻露筍沙律，配搭蛋黃醬好夾，好好味👍🏻湯- 酥皮海鮮湯，食得出係新鮮海鮮煲出嚟，完全冇腥味，味道香濃，超水準👍🏻👍🏻👍🏻主菜- 慢煮烤鴨胸，因為家人點了羊架，我特別點了鴨胸試吓，出乎意料嘅驚喜，鴨胸好嫰滑，配合鮮莓醬，簡直係神來之筆，味道好夾好fresh😋😋甜品- 芒果西米奶凍，聽聞是chef得意之作，一於試吓，果然好介紹，擺盤好靚😍，西米奶凍好香奶味，口感好滑，再配合芒果雪糕，好夾，雪糕亦好香滑，食完都唔覺好滯，好清新！😋😋😋今餐晚餐食得好滿意，成個set都好完美，呢個價錢食到酒店級美食，真心推薦友人再食過！😛😛