祥興咖啡室

營業中

休息中

4個人都叫鮮茄濃湯系列，1個叫香煎雞扒，其餘叫肥豬餐肉煎雙蛋塊雞扒外脆內嫩，個隻煎雙蛋岩岩好，係流心至於個碗鮮茄濃湯公仔麵就勁大碗，同埋好多料...好飽作為酥皮蛋撻fans，我覺得祥興既真係好好食，買左一打諗住食完lunch返公司食，點知叔叔好好人請我地食多兩件，本身個lunch都大大碗..4個人都食到好飽，再食埋兩件撻就更加飽，咁蛋撻唯有擺到4點當下午茶食，結果擺耐d既蛋撻都好好食，個皮仲係脆架~題外話，之前我都食過一次，個次食佢地既籠仔飯，個侍應哥哥拎飯俾我個時見我唔夠汁，主動拎多碗汁俾我，我覺得好好~

是日路過跑馬地，必試祥興嘅招牌孖寶 — 酥皮蛋撻 + 奶茶！蛋撻全日都會keep住出爐，新鮮熱辣，酥皮鬆化唔油膩，蛋漿香甜軟滑，絕對稱得上係祥興嘅招牌！奶茶茶香十足，飲落有少少回甘，而且夠厚身掛晒杯，讚！只可惜菠蘿包一早賣晒，如果唔係一定會試埋呢個金獎菠蘿油！

見唔多人排隊咪去食呢個咁出名嘅蛋撻，排隊外賣嘅人都好多，接近蛋撻出爐時間嘅話就唔知點解突然之間會好多人，一場嚟到順便試埋個餐蛋菠蘿包，姐姐話焗爐壞咗所以菠蘿包唔熱唔好食架，不如你哋下次先食啦，但我哋好遠嚟嘅，所以都照食啦。講返重點先，蛋撻配奶茶真係好夾，亦係我至愛，蛋撻好好食好香滑，奶茶好香濃，我略嫌蛋撻酥皮唔夠厚身，唔夠火候，未係好酥同鬆，但唔油，而且我覺得個size好似細隻咗啲啲咁，忍唔住仲叫埋西多士，真係好食，如果唔係焗爐壞，我想信個餐蛋菠蘿包會好好食，呢一餐差少少就非常完滿，我食完相信點解會咁多人食佢嘅蛋撻，當日最不幸唔係焗爐壞，而係遇到衰男人外賣蛋撻，唔知係咪買比sammi食。

今日同朋友晏晝去開跑馬地，離遠已經見到條人龍，等緊新鮮出爐既蛋撻😍咁啱有啲餓，我地就入左去食下午茶☕️咖啡室內有好多充滿懷舊既設計 eg 舊式鐵飲品櫃，復古地磚同牆磚等😍😍- 肥豬餐肉煎蛋菠蘿包🥯 💰$39✨招牌菜之一！菠蘿包皮非常酥脆 香口😍內裏軟熟餐肉煎到脆邊☺️成個組合都好match☺️- 瑞士汁雞髀🍗 💰$38雞髀肉質鮮嫩，一拆就散！瑞士汁非常入味😋- 馳名酥皮蛋撻 💰$8啱啱出爐新鮮滾熱辣🤣層酥皮真係好酥 好香口😍內餡口感香滑，蛋奶味香濃！☺️- 凍奶茶 💰+3正☺️- 凍檸茶 💰+3簡簡單單enjoy 平民高質既下午茶☺️

今日係附近放lunch都已經成4點鐘，所以決定搵個tea食下～見到呢間祥興咖啡室本身唔打算入嚟，因為見到好多負評，但係又見到佢有酥皮蛋撻，所以決定入嚟試試佢！門口都好附人等位，不過一位就唔洗等，所以我即刻入得^^黎到即刻叫左蛋撻同凍奶茶，點知！！！！！佢話冇哂蛋撻，真係失望左。。我就改嗌蛋牛菠蘿包個菠蘿包其實幾好食 外脆內軟但係我成個包咬 覺得蛋牛個味唔係好出，於是我就食左個包 再食蛋牛，發現原來係蛋牛出事蛋係十成熟 但又冇蛋香，牛肉都冇咩牛味。我再問左其他侍應仲有冇蛋撻 佢地都係話冇哂點知，突然個姐姐行過黎問 你係咪要蛋撻呀！我即刻雙眼發光 有一件比我呀佢 個蛋撻黎到我即刻試 仲係熱辣辣 好香蛋味 啲蛋又滑 而且酥皮好脆好味呀真係 呢餐即刻開心哂如果真係要話個蛋撻有咩唔好 就係有少少太甜啦我覺得 不過可能係因為我平時食嘢都係要少甜既凍奶茶都係要左少甜 我覺得呢道既少甜就好岩我口味 奶同茶個比例幾好 滿足！