影片
更多
2021-05-20
294 瀏覽
呢間西餐廳已經食過好多次，中午嘅時候想食西餐一定去呢間，又平又抵食，三四十蚊餐，有餐湯，飯同杯野飲，唔係淨係一般奶茶咖啡，係有珍珠系列又有綠茶，真的抵到爛，味道係ok，計埋個價錢真係冇得輸啊。中午就免加一，學生或1點前離座仲減5蚊，老闆良心到懷疑有冇賺到錢🤭？🍴 酥皮鵝肝牛柳配薯菜走薯 $99 (包湯，蒜蓉包，嘢飲同甜品)扒餐係可以跟飯，意粉(茄汁味)同炸薯條，但太飽食唔到咁多，就同店員薯菜走薯啊，佢話係咪淨係要菜啊，係啊醒目！我叫過配意粉，份量都好多，味道係一般茶記意粉，但唔會好淋，都濃茄汁味嘅。湯就建議叫紅湯，足料啲，好多蔬菜，濃茄味，普通港式扒房嘅味道。蒜蓉包就好硬好乾，唔好食。主菜酥皮鵝肝牛柳，三樣嘢係分開嘅，係啊唔好驚訝，99蚊食到曬，但要自己夾三樣嘢嚟食。份量都好多，牛柳好厚好大塊，肉質5成熟，好淋好好食，但冇乜牛味，鵝肝個味好濃，煎到金黃，同出面西餐食到嘅一樣味。酥皮係脆嘅，一般pie&tart酥皮咁啦。甜品係朱古力奶凍🍫 好濃朱古力味，唔會好甜，真係有咁上下質素。蘋果綠茶🧃一般道地蘋果綠茶味，偏甜。推薦指數: 8/10$99加一，有湯，包，主菜，甜品同飲品真係超級抵食，
🍴 酥皮鵝肝牛柳配薯菜走薯 $99
(包湯，蒜蓉包，嘢飲同甜品)
扒餐係可以跟飯，意粉(茄汁味)同炸薯條，但太飽食唔到咁多，就同店員薯菜走薯啊，佢話係咪淨係要菜啊，係啊醒目！我叫過配意粉，份量都好多，味道係一般茶記意粉，但唔會好淋，都濃茄汁味嘅。
湯就建議叫紅湯，足料啲，好多蔬菜，濃茄味，普通港式扒房嘅味道。
蒜蓉包就好硬好乾，唔好食。
主菜酥皮鵝肝牛柳，三樣嘢係分開嘅，係啊唔好驚訝，99蚊食到曬，但要自己夾三樣嘢嚟食。
份量都好多，牛柳好厚好大塊，肉質5成熟，好淋好好食，但冇乜牛味，鵝肝個味好濃，煎到金黃，同出面西餐食到嘅一樣味。酥皮係脆嘅，一般pie&tart酥皮咁啦。
甜品係朱古力奶凍🍫
好濃朱古力味，唔會好甜，真係有咁上下質素。
蘋果綠茶🧃
一般道地蘋果綠茶味，偏甜。
推薦指數: 8/10
$99加一，有湯，包，主菜，甜品同飲品真係超級抵食，香港西式晚餐真係好難平過佢，質素就冇得攞其他高級西餐廳比，計埋個價錢港式味道真做得好好！環境就一般般，但勝在有份人情味，侍應態度好好，聽到話杯野飲太甜，都主動話整過杯俾我。
其他晚餐都係$60-1xx不等，全部都係套餐，想食西餐但又想平平哋食，真心推介呢間！
酥皮鵝肝牛柳
$99
20 瀏覽
0 讚好
0 留言
張貼
