養心殿台式養生鍋 (已搬遷) 新店位置

環境4分：間嘢成層好大，外邊有大紅燈籠，好容易認出。裡面呢就充滿古代風設計，Ｄ位大多都有屏風隔開，坐滿人都完全唔迫，可以畀四分。衛生4分：Ｄ醬汁响出面自己拎，好乾淨吓。枱面有紙巾同公筷，生食物同熟食物唔會用同一對筷子夾，一樣可以畀四分。服務5分：樓面顆記落單上菜快手快腳，加單一樣唔洗等，服務可以畀滿分。味道8分：1)     支啤酒凍到連Ｄ冰都黐住，一定要加分。2)     酸菜白肉鍋入面勁多番茄同粉條，入曬味。當然仲有唔少白肉，Ｄ白肉又薄又爽。單單個鍋入面Ｄ配料都已經食到三分一飽，可以免費追加酸菜同白肉，感覺上超抵，又要加分。3)     炸午餐肉竟然有驚喜，同出邊食開果Ｄ完全唔同，即炸出黎好熱辣，唔洗浸湯空口食，好香好脆，入面又嫩口，真係非常好味，再加佢兩分。4)     黑松露蝦丸真係好鬼死夠彈牙，又夠爽。5)     自家製水蓮餃，呢款餃子個餡第一次食，味道特別鮮甜，衣家先奬多佢一分，下次絕對會encore。6)     新鮮九孔鮑魚，鮑魚已經經過廚房界開，方便快速煮熟，放入去一陣就食得，冇黐殼，容易分開，鮑魚彈牙爽口，非常鮮味。7)     千層凍豆腐好鬆好爽，一滾就吸曬湯底

今日七點左右去到餐廳，已經見到有人幾緊位，好彩朋友醒目有訂定位，去到就即刻安排坐位入去坐👍👍鍋有六個選擇，雙拼都只係跟貴個個收錢，咁一定拼啦，可以試多啲味，我選咗中辣嘅麻辣鍋同酸菜白肉鍋😋😋兩邊鍋都超級足料，酸菜個邊有好多五花肉，仲有蕃茄同QQ粉，麻辣有鴨血同豆腐，個鴨血超級好食，好香好滑，真係同台灣差不多所以我免費追加咗份(每個鍋可以免費加一次)😋😋😋食物唔係叫咗好多，因為食完個鍋都已經有六七成飽😂叫咗個細嘅手切牛肉，份量其實都唔少👍👍牛肉好有質素，肉味重，唔會太肥，又唔會有根😋之後叫咗半份韮菜餃同墨魚丸同打邊爐必點嘅響鈴😊

點了酸菜白肉鍋，鍋比想像中大很多，湯底配料也足，有很多粉條，也很入味，末食已喝了兩碗湯，到最後也沒有加過湯。跟湯也跟一小碟酸菜及白肉，吃畢鍋內原有的湯料後補加👍醬料是自助形式，可惜選舉不多，只有數款😞食物㸃了雪花肥牛，蔬菜拼盤，餃子，肉丸及烏冬。牛肉份量，質素跟價錢相約，屬正常水平。餃子及肉丸也新鮮，不是超市便宜貨式。真的要再讚這個湯底，跟蔬菜，肉類到烏冬也十分匹配。酒類選舉不少，包括日本酒，但屬一般選擇，也不便宜。