十三少 (已結業)

呢間餐廳結合傳統同創新餐藝烹調川菜🌶當中招牌酸菜魚秉承「魚- 每日新鮮送到；湯- 每日新鮮熬製」🍲💗滋味2人套餐 ($338)🥔涼菜 (自選涼拌土豆絲)土豆絲爽脆酸辣，開胃又惹味🐟主菜 (自選酸菜魚)選用活鱸魚，特別加入啤酒提鮮，魚片拌入蛋白，肉質滑溜啖啖肉。湯底用上鱸魚骨、鯽魚熬成奶白色濃湯。加入薑片爆香，再加入辣椒乾、子彈椒、鮮花椒、萵荀，菇片等。用上酸度較強嘅四川老壇酸菜同口感爽脆嘅潮汕酸菜，集鮮、酸、辣、麻、香於一身🐓小菜(自選川式口水雞)白切雞雞皮特別薄身爽彈，雞肉柔軟嫩滑，浸入自家調配嘅辣油同辣醬，辛香帶麻，同時食到雞肉鮮味。表面再鋪滿白芝麻，更加香濃惹味🍚白飯 2碗🍡紅糖糍粑 (+$28)自家製糍粑外層金黃香脆，內裡煙韌軟糯，灑上一層黄豆粉，再蘸上紅糖糖漿，甜蜜滋味

一向都鍾意食辣，呢間川菜係我既不二之選，味道夠哂正宗，同行朋友都讚好食。一坐低每人都有蒜泥青瓜一小碟，先叫一碟前菜椒麻皮蛋，皮蛋同平時食開既唔同，係用雞蛋做既金黃色皮蛋，特別香，配上蒜蓉及辣椒份外好食。另外叫左個酸菜魚 : 份量好大好抵食，先試一口湯底，味道香濃唔會太酸或太辣，淨係用湯撈白飯食都已經一流，魚片好滑好鮮甜，配料又多，值得推介。麻辣鹵豬手: 豬手炆到又焾又滑，配麻辣汁越食越開胃紅糖糍粑 : 糍粑外面脆卜卜，內裡軟棉棉帶點煙韌，點紅糖食亦不會太甜，超讚既甜品!

午市時間有一共有11款套餐，特飲就有酸梅湯同菊花蜜可以揀。無論食唔食得辣都可以酸菜魚（有辣有唔辣任君選擇）。酸菜魚一上枱，就咁望落已經見到有好多花椒、芝麻，飲湯/放入口前要夾返d花椒出嚟。魚肉份量都夠，不過蘆荀嘅份量更加多。至於辣度，就未去到大辣，唔會食到口水鼻涕一齊流。酸梅湯比較甜，不過飲落開胃、消滯又解膩。

如果不是睇了推介，呢個門面未必會入黎。正門不太顯眼，明明入面裝修都幾靚和新淨。今天只叫了一個酸菜魚和紅糖糍粑 。酸菜魚係好食的，辣度我覺得合適，不會愈食愈辣食唔到。紅糖糍粑就一般，或者係無驚喜。不過整體都不錯，下次可能再黎試下其他菜式。