味川酸菜魚 (已結業)

沙田區食酸菜魚嘅地方唔多見到火炭有一間好似幾正宗嘅酸菜魚一於去食下！佢係喺工廠嘅餐廳細細間 得5張枱左右環境一般入去見到張餐牌都印到矇矇地印象麻麻等左唔算好耐就有位D嘢食都上得好快叫左$188酸菜魚 清炒土豆絲 飯 兩杯飲品酸菜魚：魚有好多酸菜唔夠多 就咁睇上面張相都冇乜😂唔夠酸亦唔夠麻 想食得冇咁重口味嘅話會啱食叫左小辣真係唔太辣佢入面有金菇菜 薯粉 芽菜 青瓜 木耳 蓮藕片薯粉嘅份量超少 絕對唔夠食又冇得自己揀餸加落去☺️不過overall嚟講酸菜魚係好食清炒土豆絲：用左牛油嚟炒 再加幾條辣椒好香口👍🏻最後埋單每人$150左右都幾抵食！但呢間係貪佢近先會嚟食如果住得遠真係唔使特登嚟食☺️

係火炭工業區一個不起眼既店舖卻藏著大大既驚喜😆———————————————🔻酸菜魚(加大) $298 (💡8.5/10)我地叫左中辣 辣度岩岩好👍🏻湯底夠酸爽 帶有微微花椒辣味魚片鮮嫩無骨又滑溜😋底下仲有寬粉同好多配菜吸哂啲湯😆**🔻水煮牛肉 $118 (💡7/10)牛肉片稍微細塊食落唔算好有驚喜不過我幾鐘意個麻辣既味道🥶**🔻雞絲粉皮 (💡9/10)必點之選！！粉皮超級滑溜😚再加上微辣既麻醬同超級香口既炸花生大家都食到停唔到口😆**🔻椒鹽雞軟骨 $98 (💡9/10)另一個必叫之選！！雞軟骨炸得十分香脆再灑上少少椒鹽拎黎送酒真係一流🤤**🔻清炒土豆絲 $65 (💡7.5/10)味道酸酸辣辣咁土豆絲食落又夠爽脆👍🏻**🔻農村回鍋肉 $88 (💡7/10)呢道菜就油左少少唔係好岩我地呢班女士🤣不過食得出係好有鑊氣✌🏻———————————————題外話 店舖座位真係少咗啲想食就真係要等一等啦🤣

叫咗酸菜魚 皮蛋同埋辣子雞 冇諗過個皮蛋係用細細粒鵪鶉蛋整 食落唔會有腥味 個汁同皮蛋好夾份量都OK多 值得試下個酸菜魚啲肉都幾嫩滑 最緊要係冇骨酸酸辣辣好開胃 裏面仲有啲薯粉金菇蓮藕木耳等等 最鍾意係啲薯粉 索晒啲湯汁超正 仲有個辣子雞 即刻整所以都等咗一段時間不過好彩都值得等 雖然好多辣椒但佢唔算好辣啲雞肉好香口唔會乾韌 同啲花生好夾 (但我覺得可以再辣啲)三個人嗌左三樣野食都夠飽 埋單每人百幾蚊都OK同朋友一致認同要encore不過間店有d細 得四五張枱人多嘅時候要等比較耐 天氣熱有時都未必有耐性等 下次可能會試吓外賣

得知火炭工業區開咗間酸菜魚，睇相見到賣相唔錯，所以特登同朋友由觀塘過嚟試下。平日夜晚嚟到，小店只有五張枱，好在早一步到，我哋坐低幾分鐘就滿晒客喇。餐牌雖然只有兩版，但款式都幾多下。除咗酸菜魚，仲有其他四川菜同小炒。我哋三個人點咗酸菜魚、黃金軟殼蟹同埋椒鹽脆鮮魷。酸菜魚一上枱就聞到好香花椒油麻辣味，金黃色湯底配埋雪白魚片，賣相好靚魚片係我最愛嘅鱸魚魚片塊塊都大塊厚肉，食落滑到不得了，份量都好多，而且完全無骨，啱晒我呢啲食魚唔識𦧲骨嘅人金黃色湯底酸酸辣辣好好味，原來用咗雞湯煮，比平時嘅魚湯，湯底味道更加豐富。紅薯粉口感煙韌而且索晒啲酸辣湯，好好味。除咗紅薯粉，配料仲有大豆芽、蓮藕片、金菇、雲耳同萵筍，雖然份量唔多，但勝在款式多，可見小店誠意。超邪惡嘅黃金軟殼蟹軟殼蟹炸得好脆，食落咸蛋黃味香濃但唔會過份咸。雖然係炸嘢，但唔會太油膩食完一啖會好味到停唔到口椒鹽脆鮮魷炸到金黃色，表面乾身唔油膩。食落非常脆，特別係魷魚鬚嘅部份，好似食薯片咁脆。鮮魷口感軟嫩彈牙，椒鹽炸蒜惹味又有鑊氣好耐無食過咁出色嘅椒鹽鮮魷食食下老闆送一碟雞絲粉皮畀我哋試下。用上平日好少見嘅新鮮粉皮，厚身粉皮食落滑溜，唔會過腍。配

呢間舖位於火炭火車站附近，裝修簡單但企理，枱唔多唔會逼，可以傾吓計，仲有張梳化，幾有家的感覺。點了主打既酸菜魚，魚肉份量都幾多吓，海鱸魚甜而且滑！我哋叫小辣，但唔算辣，大部分人都食到，鍾意辣嘅可以揀大辣！原來魚肉下面有一啲薯粉，連埋啲酸菜、雲耳，金菇等配料，標準煲已非常大份，足夠三、四個人食。另外仲叫左個小炒，西蘭花炒牛肉，牛肉夠冧仲有濃濃嘅汁，啲汁沾在西蘭花上，令西蘭花清新之中帶點惹味，好好食😋仲叫咗個黃金軟殼蟹，見到都已經想食！外面層咸蛋黃好夠味，軟殼蟹炸到不油不乾，而且好香口，食多幾件都唔會膩！