桃花源小廚 (已結業)

老公生日指明要食中菜（佢係真漢子），上年食左跑馬地既壹玖捌叄，今年又要做功課睇下有咩中菜好食啦。因為結完婚之後第一個過既生日，所以想揀啲唔係周圍都有得食，特別啲既中菜。見到桃花園小廚既menu幾特別下，再加上之前去上環其實經過過哩間餐廳好多次，次次我地都會話「點解間野開係哩度仲要係地舖既？」，咁有緣所以我就決定左食哩間！Book枱時留左2個玻璃蝦球同埋2隻蟹鉗。之後send埋個openrice link比老公，佢一睇就話「咦！哩間啊！ok！」頭盤送左個皮蛋酸薑比我地。因為老公唔食所以我食哂。皮蛋係靚既溏心皮蛋，但係酸薑係日本餐廳偏淋既酸薑，我以為係爽脆既子薑👉🏼👈🏼... 自己叫左冰鎮鵝肉卷。出乎我老公意料之外地好好味，因為冇食過亦覺得好特別。之後就上左玻璃蝦球。蝦球好大隻！爽甜有蝦味，非常新鮮。豆苗都好香甜。佢另外上左蠔油同蝦醬，我地覺得個蝦醬好味，同隻蝦都好夾。 時間掌握得好好，冇耐就上冬瓜&蛋白蒸蟹鉗。老公話哩個餸好唔抵，但我話生日食好啲同埋唔係周圍有得食（又要好食又特別既中菜真係唔易搵😭我都搵左成日），佢都認同。佢就覺得冬瓜蒸冇咁滯但我覺得2個各有各好。

剛發薪水,四人拿定主意去桃花園享用「佛跳牆」,訂位時,店員曾多次提示需至少六人才較適合;但咱們自恃非等閒之輩,一於少理!「佛跳牆」- 由少至大不知聽了多少遍,但是晚才正式領略它的「威力」!依時到達,服務員領我們進入四人廂房,六人圓枱配上英式椅子,牆身以半透明雙面繡作屏風間隔,頗骨子! 甫坐下,先點了茶,及後送上餐前小吃: 酸薑皮蛋、手拍黃瓜、冰鎮鵝肉卷,醒了胃口之後,一行三人的侍應生,優雅而小心地,把一寶藍色繪有圖案的「大湯盤」送來 -「佛跳牆」是也!侍應生為我們把「佛跳牆」分別分成五層次的品嚐,我們笑稱此乃古時的「水盤菜」……首先(第一層)盛上鮑魚(三十頭)伴白鴿蛋: 嘩! 首啖已嚐到足料的上好金華火腿、烏雞那種鮮味,不得了! 就算已是個多星期前的記憶,也瀝瀝在目! 它是那種很老式、紥實、無花巧的高湯味道,就算在別的食府,也不是這回事! 半通透的鴿蛋,很嫩滑! 那隻鮑魚,一口咬下去,很有彈性,加上溏心,再配合上湯的味道,既清又鮮,完全可以在口內分辨各食材的原味! 比起什麼紅燒鮑汁,傳神得好幾倍! 但高湯在多喝幾碗以後,便覺有點醎!第二層為遼參伴花膠: 咱們吃至此,已有七成飽了! 單只

桃花源小廚平日客人繹絡不絕，及後更由小店遷往大店，可見米芝蓮名譽的利害。店舖大了，座位舒適了，代價當然是要付出更貴的價錢。因不少名菜是以「每位」為單位，每款百餘元起，都幾貴。另外，不少菜式更需早一天預訂，否則有錢都吃不到。前菜一客酸薑皮蛋，味道不俗。接着來的是名菜玻璃蝦，雪白的蝦身有半隻手掌那麼大，味道鮮甜爽口，yummy！鮮蝦美味，但亦難免單調了一點，薄薄一片的金華火腿，正好為味蕾多添一份甘香感覺。另一名菜蝦籽柚皮，蝦籽香味濃淡適中，柚皮炆得夠腍入味，挺好。燒味叉燒出品熱騰騰，肉質鬆軟有口感，富肉香，good！炸子雞皮脆肉滑，但味道不夠濃，還欠一點點。再來的是炆斑翅，魚扒厚厚的，賣相味道皆不錯。椒鹽排骨，肉質鬆化，但味道一般。白灼菜心OK。最後以生炒牛肉飯作結，感覺略為油膩，飯粒有嚼勁，有點似糯米飯，整體一般。