又一川

營業中

休息中

觀塘區最好食同最抵食既川菜非呢間莫也隱世好食川菜💕呢度環境簡陋坐位有啲迫但勝在味道搭夠酸辣土豆絲出邊食既土豆絲成日都唔夠酸但呢度就唔同酸酸辣辣咁好開胃酸辣粉呢度既薯粉勁有驚喜係圓身薯粉勁彈牙勁爽酸酸辣辣好易入口辣子雞呢度既辣子雞切到好細粒同埋炸到好香口份量超級大份食極都重有干偏四季豆豆豆炒得好乾身無出水好入味配上肉碎味道係麻麻辣辣既食到嘴唇都會有啲痹水煮牛肉牛肉非常淋唔會好韌叫大辣真係會食到出哂汗

這間川菜一直被朋友介紹，抵食又好味，今晚一行四人終於食到喇！的確十分滿意！.酸辣土豆絲 5/5鍋氣十足，好似係大陸食咁，稍為可以咸多小小，偏油，但係香港比較小地方食到，值得一食.酸辣紅薯粉加豬紅 5/5重慶酸辣粉的味道，係幾好味又大碗，冬天食完暖粒粒.水煮芝麻雞 3/5本身對依個期望都幾高，一黎既時候都幾香，但係食落唔似水煮，唔辣，同埋雞斬得太醉太細粒，冇乜肉.四季豆 5/5好香口，送飯一流，份量都好多，抵食.我地仲有叫左雞軟骨同啤酒，雞軟骨又平又好味。依度冇限時，小店又冇乜人排隊，所以都坐左幾耐傾計，服務又不錯，會再黎食！

其實之前已經聽過朋友推介，不過因為我唔係住呢一區，所以其實都好少經過觀塘。不過今日難得經過就特登來試一試。其實佢食嘅嘢同譚仔三哥非常相似，都係酸辣薯粉、米線嗰啲。不過朋友就專程推介，呢度嘅酸辣土豆絲，同埋蒜泥白肉，所以今次就另外叫埋呢兩樣野來試一試。雖然蒜泥白肉入邊嘅蒜蓉唔係好夠多，不過勝在調味調得非常之好，鹹香之中帶點酸，醬油味亦都好出，而且肉的部份亦都烹調得好好，唔會過分油膩，配合青瓜，食落去好清爽好開胃。而今日嘅主角，酸辣土豆絲，亦都令我刮目相看。其實土豆並唔係啲值錢野，講真我本身無好期待，不過呢度嘅廚師，好用心咁樣將土豆切成一絲絲，配合埋辣椒同埋醋，將一樣平凡嘅食材，變得非常可口非常好味，果然唔簡單。聽朋友講，呢度嘅水煮同樣出色，希望下次有機會可以再來試一試。不過大家留意番，呢度嘅餸菜，辣味偏重，唔係好食得辣嘅朋友，就要自己衡量一下啦。