影片
更多
2024-01-28
382 瀏覽
源記齋係响黃大仙銀鳳街新開嘅齋鋪，只做外賣。多謝素友報料介紹呢間齋鋪比我，等我可以同大家分享。😊店舖冇多餘嘅裝修同擺設，餐牌都係手寫出嚟，食物嘅價錢非常之平，如果住附近絕對係好過自己煮，事實上目測食飯時間真係好多街坊幫襯。👫👬👭真漢子今次試咗：🍠 酸辣椰菜絲五香卷飯 $45五香卷原來係芋頭同啲蔬菜絲撈埋，切成一片片嚟煎，諗到都知好香口啦，愛食芋頭嘅朋友一定要試。酸辣椰菜絲冇想像中咁重口味，辣度都只係 BB 辣，用嚟送飯都幾開胃。😋🐟 素魚香茄子炆米 $48呢個魚香茄子嘅特色係，佢真係有幾塊素魚個喎，幾特別。素魚都係齋鋪素魚嘅味道啦。個炆米本身冇咩期望，但食落好驚喜喎，炆得好入味，食到停唔到口。不過食到底果度就油咗少少，但食炒粉麵好難避免咯。😅🥬 素蠔油菜心 $18菜心大大條放滿一盒，呢個價錢好抵食。煮得好淋老人家都食到，而且好新鮮味道又清甜。不過美中不足係落嘅係豉油唔係素蠔油。🥲本來想試吓 $8 嘅冬菇素鍋貼，不過老闆話冇，但老闆娘話佢哋嘅蘿蔔糕好好食，好受客人歡迎，下次試下先。😉攞嘢食時老闆娘問我住得遠唔遠，佢咁問我以為係驚個袋唔夠力，原來佢話驚太遠啲嘢食凍咗（知道我長沙灣過嚟，老闆
店舖冇多餘嘅裝修同擺設，餐牌都係手寫出嚟，食物嘅價錢非常之平，如果住附近絕對係好過自己煮，事實上目測食飯時間真係好多街坊幫襯。👫👬👭
真漢子今次試咗：
🍠 酸辣椰菜絲五香卷飯 $45
酸辣椰菜絲五香卷飯
$45
46 瀏覽
2 讚好
0 留言
酸辣椰菜絲五香卷飯
$45
55 瀏覽
1 讚好
0 留言
五香卷原來係芋頭同啲蔬菜絲撈埋，切成一片片嚟煎，諗到都知好香口啦，愛食芋頭嘅朋友一定要試。酸辣椰菜絲冇想像中咁重口味，辣度都只係 BB 辣，用嚟送飯都幾開胃。😋
🐟 素魚香茄子炆米 $48
素魚香茄子炆米
$48
136 瀏覽
0 讚好
0 留言
呢個魚香茄子嘅特色係，佢真係有幾塊素魚個喎，幾特別。素魚都係齋鋪素魚嘅味道啦。個炆米本身冇咩期望，但食落好驚喜喎，炆得好入味，食到停唔到口。不過食到底果度就油咗少少，但食炒粉麵好難避免咯。😅
🥬 素蠔油菜心 $18
素蠔油菜心
$18
71 瀏覽
0 讚好
0 留言
菜心大大條放滿一盒，呢個價錢好抵食。煮得好淋老人家都食到，而且好新鮮味道又清甜。不過美中不足係落嘅係豉油唔係素蠔油。🥲
本來想試吓 $8 嘅冬菇素鍋貼，不過老闆話冇，但老闆娘話佢哋嘅蘿蔔糕好好食，好受客人歡迎，下次試下先。😉
攞嘢食時老闆娘問我住得遠唔遠，佢咁問我以為係驚個袋唔夠力，原來佢話驚太遠啲嘢食凍咗（知道我長沙灣過嚟，老闆娘個表情 -> 🥹）。聽到覺得幾感動，以為做生意賣完嘢收咗錢就算，會咁為食客著想嘅好少。可能做素食同食素嘅朋友都係比較有同理心嘅係咪？比啲掌聲自己先。👏🏻👏🏻
張貼
