永華麵家 (已結業)

每次經過灣仔永華都好多人，今日咁好彩唔駛排隊？即刻入去坐低，其實一早已決定食甚麼麵，但硬係要諗一陣先去叫水餃麵加腩汁，$42，呢度等碗麵都要唔少時間，不過慢功出細貨，唯有食住醃蘿蔔先，夠酸夠爽口，可能會更開胃！麵來了，先飲一口加有腩汁的大地魚湯，本應湯是好清的，但加了腩汁後，好香又好油，不過我鍾意，竹昇麵夠爽夠彈牙，不過仍有好少好少鹼水味，水餃夠大隻，包得實實又好咬口，皮算薄，內有蝦、豬肉、筍、木耳，又是我喜歡的水餃。

很喜歡食粉麵，試過一日六餐都食粉麵，食雲呑麵最緊要麵好食，雲吞都其次，永華之竹昇麵是我在灣仔肚餓首選，幼麵麵質夠彈牙又夠爽，雲吞算足料，另有醃蘿蔔食，一食停唔到口，雖然水準已經差咗，但香港只有幾間雲吞麵店能做出此水準的雲吞麵，不過以此價錢可以食碟頭飯了。

有事到灣仔，好幾次想光顧，可惜趕時間及唔係好認得路而冇食，今次專登冇食飯留肚過來，平日下午2點，8成滿，舖子細細，4人檯居多，對上一次食是十多年前，當年都$30碗麵。樣樣想食最後叫了云吞麵，蝦子芥蘭，牛筋腩檯面有盅醃蘿蔔任夾任食，可能因過午市，已比人夾剩小小，我不敢吃太多醃物，否則不夠喉，因為真是好爽脆醒胃，酸甜適中，好好味!云吞麵(7.5/10)~細細一碗，云吞不散尾，內有豬肉及蝦，是傳統味道但說不上好味，而豬肉太咸，食淨麵好了，麵底就真是值得來吃，竹昇麵好有咬口，冇鹼水味，湯底一般。蝦子芥蘭(7/10)~蝦子下在芥蘭上，芥蘭質素幾好，個人覺得加了蝦子作用是賣貴D，食蝦子撈麵好了，$39的菜，食肉獸不舍得吃!淨牛筋腩(小)$65~貪心試埋呢樣，份量不少，燜得好淋好入味，牛筋真係好淋好膠口，入味非常，牛腩亦好淋不死硬，唯個人覺得味道甜了小小，故不大合個人口味!最後飽到不得了，見好多人飲桑寄生，本人冇本事再試，埋單$144往金鐘方向半條街，有另一家出名的云吞麵，下次試試。

來永華，有四樣必試。就是雲吞麵、蛋茶、紅豆沙、侯柱牛腩。永華在灣仔，早亨盛名，我們在灣仔長大，細細個已食開，今日特別約朋友來一嘗。1, 雲吞麵 .... 最正這裡的雲吞麵，首屈一指，銀絲細麵，一根根拉出，一絲絲細嚼。永華聲稱他們仍堅持竹昇打麵，其口感一流，麥奀的太彈牙，似橡筋。澳門漢記的竹昇麵太軟，中山石岐的八百碗還未遑一試，唯永華的最適度，實而不華，真功夫。麵如絲，雲吞飽滿，咬下流汁；湯味濃而香撲鼻，不愧為老字號。個人覺得他的雲吞麵，比起中環麥奀、忠記、灣仔楊記、何洪記、機場的黃枝記，還是這裡最好。廣東人獨好雲吞麵，記得馮師康侯嘗謂：當年在西關家中，有挑擔過街叫賣雲吞麵，即叫入內不放走，一家人大喫一頓，他一個人就連喫三大碗細蓉，意尤未足。2. 桑寄生蛋茶桑寄生蛋茶是當年獨有，客來皆嚐。我的打拳老師下課都來這裡吃碗，謂這種草藥可去瘀生新。他這種茶很香，入口甘。褐色發亮的蛋，一叉下去，蛋白、蛋黃散滿了一碗，如瓶花落研，煞是好看。喝完好像全身都溫暖，充滿活力。3. 紅豆沙忍不住再叫了碗紅豆沙，這一向是他出名的甜品。嘩！來了，一種沉實感覺；吃下，有糊狀感，一口一口都是沙，不見豆，這才是真正的