台站 (已結業)

黃店 💛 #台站 #長沙灣 #荔枝角🟡 店入面勁多文宣🟡 有yellcard賣今日去咗長沙灣接家姐收工，一齊去咗新開嘅創食薈度買台灣嘢外賣返屋企食😋 呢度啲嘢超平... 完全唔知點賺錢... 最貴嘅魯肉飯或者肉燥飯都只係$29，香港地，完全意想不到！🍚 懷舊肉燥飯 配豬軟骨 （$29）我本身想揀雞排肉燥飯，老闆提我要等10分鐘嘅，於是我就改另一款。老闆話啲豬軟骨係佢哋自己燘嘅，好好食，建議我揀，所以我就揀咗豬軟骨。盒飯超級大盒！味道都ok，完全係窮人恩物！🌮 台式肉鬆蛋捲餅 （$25）肉鬆味好出，好耐冇食過台灣蛋餅啦，好掛住台灣呀🥺 蛋捲入面仲有芝士同蛋，芝士份量適中，好食又唔會太肥😋😋🌯 醬汁肥牛捲餅 （$25）甜嘅醬汁同肥牛超級夾，肥牛份量超多，非常推薦食呢個，$25真係抵到爛🤪我仲將一半飯同餸留咗做第二日lunchbox添😝

全香港都有很多台灣食店，今次我便選擇位於長沙灣這一間食店， 我分別叫了五樣外賣食物，先逐一細講，第一是酥炸魷魚鬚 ，未開外賣盒之前，酥炸嘅香味已經好強烈傳出嚟， 食落去十分之香脆， 而且分量亦都適中， 其次是黑白花枝丸，不過不失 ，因為花枝丸比較容易自己都可以在家做到， 第三是台灣食物中比較普遍看見的鹽酥雞， 香脆而肉汁都比較鮮甜， 第四再講的是櫻花蝦燒茄子 ，這個食物比較特別，較小在其他地方看見這個食品，而食物本身偏鹹 ，如果可以的話，用黎送飯會比較平衡番食物的感覺 ，最後想講的是肥牛倦餅， 食很多捲餅都很怕捲餅的質地比較厚身，唯獨是今次包皮比較偏向適中，呢樣十分抵讚，牛肉和其他配料都比較香口，這個可以作為一個主食都十分足夠