韓宮 (已結業)

自從去完濟洲之後，一直對韓國菜都滿眼心心🤩今次黎到黃埔食返由韓國人主理的韓式料理先🤩 一出黃埔站就係，超方便易搵😆除左韓國菜式，仲有韓式BBQ你揀！好多菜式飲品選擇❤️最抵食係，加$68就有一隻醬油蟹食🥲唔係唔加呀嘛？首先奉上泡菜，醃蘿蔔同菠菜，酸酸辣辣幾開胃醬油蟹大大隻仲好多膏，生蛋黃攪拌蟹膏，再戴上手套唧啲蟹肉出黎食😆 配埋紫菜飯一齊食好吃好邪惡呢！開頭唔知點食，請教完店員先知原來醬油蟹是咁食的！醬鹹肉鮮甜❤️加$68就有得食，好抵😸BBQ Set C韓燒🔥上桌的燒肉烤盤擺得超華麗豐富！同圖片一樣架！無花無假！相機📷食先！然後就開始慢慢燒🔥肉類有調味牛肋骨，牛五花，烤五花腩，同埋烤豬頸肉配菜有雪耳，矮瓜，泡菜，荳芽，香腸同芝士牛五花超薄的，很快燒熟！牛味濃濃，肉質鮮嫩薄身五花腩，肉質厚實豬頸肉烤起來超香！油脂滿滿🤣最後先燒調味牛肋骨，看上去醬汁醃得超濃！燒完深色的一塊，吃起來很鮮嫩，醬汁濃濃甜甜的好入味！燒雪耳都幾特別，第一次見！食落脆脆地又幾香！唔錯唔錯😹人蔘雞湯🍲食到口乾乾，飲返個人蔘雞湯肉厚鮮雞～清澈的湯帶微微蔘味，糯米偏少無咁索水，咁就可以飲多啲湯汁喇😸整體環境都好舒服，唔會好

朋友好鍾意食蟹，所以約朋友嚟食韓國醬油蟹。 呢間餐廳係傳統韓國餐廳格局，不少韓國菜式，有烤肉，湯，小食，炸雞等，總有一款適合。前菜有波菜、泡菜、醃蘿蔔。主打菜，醬油蟹好好味心無腥味，好入味。我哋一隻用嚟撈飯，一隻就咁食，蟹膏好多，蟹肉鮮甜，用嚟撈飯一流。平時唔食飯我都想撈食多幾碗飯。另外，我地有叫「韓燒豬肉」set A 包括有
烤五花腩Pork Belly，烤豬頸肉Sliced Pork Neck 同 辣醬烤五花腩Pork Belly with Chili Sauce。燒到脆卜卜，好味道，燒肉配菜都好好味；五花肉充滿驚喜，肉香十足，啲肥膏燒過之後會比較爽口，咬落去爆汁但唔會覺得肥膩，燒到四面金黃點少少辣醬包入生菜度真係人間極品韓式炒粉絲，份量不少，2-3個人吃絕對足夠，調味剛好，入味又不鹹，粉絲口感Q彈，也不會黏在一起。

 黃埔有港鐵之後，方便咗好多。今次呢間餐廳係正地鐵站A出口旁邊，超級方便。餐廳環境舒服，台與台之間不會太迫。一入門口係一位韓國大叔作招呼，而貌似老闆嘅係一位韓國女仕，全程用英文溝通，感覺到好地道叫咗個燒肉Set C，$499，有牛有豬 (調味牛肋骨、牛五花、豬五花、豬頸肉)，仲有一堆大豆芽、泡菜、茄子、芝士、腸仔。豬五花，燒到焦香，入口香脆，包埋泡菜、生菜食係一流。豬頸肉肉質爽口，味道適中。牛五花可以燒到咁上下攤出嚟燒，會快d熟。調味牛肋骨醃得好入味，味道較濃，建議最尾先食～醬油蟹加白飯，$198蟹肉蟹膏十分香滑，蟹蓋有隻生蛋，白飯上面鋪滿紫菜，3樣撈埋嚟食係一種享受～餐廳器皿都是金屬製，不是膠質野，較有質感，對我來說十分加分。

好耐無食過韓燒啦，呢間韓國菜正宗，因為由韓國人主理。食物種類都好多，除咗燒肉，仲有醬油蟹等等，唔想燒肉都大把選擇。店員火速送上三小碟韓式伴碟同埋燒肉沾醬，上菜都非常迅速。韓燒豬肉：烤五花腩，烤豬頸肉同辣醬烤五花腩，肉油脂分佈適中，全塊口感都係偏軟身嘅，一咬落口係好香嘅油同肉味，唔韌，簡單點上汁已好味。辣五花腩醃得非常好，唔會過鹹而旦微辣會想一舊接一舊咁食，肉質好，食落口完全唔會成口油生。最矚目嘅醬油蟹，我們點了兩隻，少有嘅韓國餐廳有得食呀！！蟹夠新鮮同多膏，非常鮮甜，將隻蟹唧落d飯度撈埋d醬油，一啖啖超滿足，好幸福呀～韓式炒粉絲，彈牙爽滑，配料又多，有蛋絲，蘿蔔絲，菠菜同雲耳。價錢抵食，選擇多，服務好。

身為黃埔人，當年韓宮結業左真係好傷心，得番轉角間外賣店，但最近出地鐵站見到佢重開，就約番啲朋友去重拾舊時嘅味道。韓宮係一間韓國人主理嘅韓國餐廳，出品十分有保證，一路都食左好多年，可惜敵不過疫情，只可以轉做外賣店賣便當同炸雞。依家新開番，佢地應該主打韓式燒肉。張張枱都有韓燒爐，大部分都有抽氣扇，我地全晚差唔多9成枱食韓燒都唔會好大油煙。我地3個人去叫左個2人韓燒（豬+牛）餐，$499有4款肉，豬頸肉、五花肉、牛五花同埋調味牛肋骨，仲有芽菜、泡菜、雪耳、香腸、茄子同埋芝士。4款肉只有牛肋骨係有調味，其他都係新鮮切出，加埋佢地自家嘅sauce就岩岩好。個調味牛肋骨都好入味，老闆娘話佢地所以醬料都係佢自己做，泡菜芽菜都係佢每日新鮮整，真係好好食，番添左幾次😂不過呢個set就冇包生菜蒜頭嘅，要另外加錢叫，$60一份。一開始以為2人燒肉餐唔夠3個人食，所以再單點多幾樣野。點知上菜先個樣樣都好大份，最後都食唔晒。我地最鍾意個海鮮煎餅，佢地會等到你食完韓燒再上其菜式保持熱度。個海鮮煎餅好香脆，份量亦都好大個，一人可以有2-3塊。新鮮熱辣食當然好食，但過多陣就算凍左但都係好脆口，加埋佢地個醬汁真係食到飽