影片
更多
2020-09-13
318 瀏覽
今次係我第三次食呢間壽司郎啦！所以我覺得今次都要寫食評！哈哈！🥶今次同前兩次唔同，係透過app預約嘅，但其實都要等勁耐，我地大概七月尾八月頭預約嘅，耐到我都其實唔記得了，都要去到宜家九月中先有位。講下今日情況啦，我地三點到，已經冇曬walk in位，好恐怖啊，竟然疫情期間依然超高人氣！🥺雖然都等咗陣，但其實係我地早到，都跟翻預約時間內可以入座嘅！就唔多講其他啦，直接介紹食物啦！壽喜燒牛排 $12呢個紅碟嘅牛肉係我第一次見嘅，冇估錯應該應該係期間限定？但我覺得呢款好有驚喜！啱曬重口味嘅人，唔洗落wasabi同其他醬，有壽喜燒醬嘅甜味之餘，薄薄一片牛肉好嫩滑，完全唔洗咬咁，加上蔥，本身已經就係perfect match。☺️炙燒芝士三文魚 $12呢碟係我稱之為壽司郎必食之一。今次我一共食咗兩碟，真係好好食，上兩次食評都講過，芝士甜甜地，炙燒啱啱好！🥺特選中吞拿魚腩 $17呢款都係必食，但好可惜今日嘅呢件有少少失準，同食材本身其實冇乜關係，係有少少解凍唔夠，變到有少少冰凍，如果我可以放多陣，應該會同平時一樣咁好食嘅！如果大家叫嘅，太凍嘅話要擺一陣。醬烤特選中吞拿魚腩 $17呢間都係我必食嘅，同
今次同前兩次唔同，係透過app預約嘅，但其實都要等勁耐，我地大概七月尾八月頭預約嘅，耐到我都其實唔記得了，都要去到宜家九月中先有位。
講下今日情況啦，我地三點到，已經冇曬walk in位，好恐怖啊，竟然疫情期間依然超高人氣！🥺雖然都等咗陣，但其實係我地早到，都跟翻預約時間內可以入座嘅！
就唔多講其他啦，直接介紹食物啦！
壽喜燒牛排
$12
8 瀏覽
0 讚好
0 留言
壽喜燒牛排 $12
呢個紅碟嘅牛肉係我第一次見嘅，冇估錯應該應該係期間限定？但我覺得呢款好有驚喜！啱曬重口味嘅人，唔洗落wasabi同其他醬，有壽喜燒醬嘅甜味之餘，薄薄一片牛肉好嫩滑，完全唔洗咬咁，加上蔥，本身已經就係perfect match。☺️
炙燒芝士三文魚
$12
31 瀏覽
0 讚好
0 留言
炙燒芝士三文魚 $12
呢碟係我稱之為壽司郎必食之一。今次我一共食咗兩碟，真係好好食，上兩次食評都講過，芝士甜甜地，炙燒啱啱好！🥺
特選中吞拿魚腩
$17
36 瀏覽
0 讚好
0 留言
特選中吞拿魚腩 $17
呢款都係必食，但好可惜今日嘅呢件有少少失準，同食材本身其實冇乜關係，係有少少解凍唔夠，變到有少少冰凍，如果我可以放多陣，應該會同平時一樣咁好食嘅！如果大家叫嘅，太凍嘅話要擺一陣。
醬烤特選中吞拿魚腩
$17
33 瀏覽
0 讚好
0 留言
醬烤特選中吞拿魚腩 $17
呢間都係我必食嘅，同上面嘅一樣，都係太凍了，呢件好少少，因為燒過，所以個味道都好食，只係睇得出比起上兩次食嗰陣，整得明顯求其咗，可能太多人叫呢啲款？😢
北海道產稻烤三文魚
$12
3 瀏覽
0 讚好
0 留言
北海道產稻烤三文魚 $12
好似係限定款？都ok嘅，不過就冇乜特別。鍾意三文魚同三文魚子可以叫，因為佢價錢相對另一款都係呢兩樣材料嘅$17款式平啲，但三文魚仲係炙燒過！
天然生蝦雙味（生·醬油漬）
$17
14 瀏覽
0 讚好
0 留言
天然生蝦雙味（生·醬油漬） $17
呢款係抵食嘅限定款。兩款唔同做法嘅蝦。下面嗰款好食啲，因為就係新鮮嘅生蝦，檸檬切片清新嘅配搭，可以想像得出嘅味道，唔會有驚喜，但確實係好味嘅，但另一款就相對較為罕見啦，醬油漬有少少偏鹹。
炙燒油甘魚
$17
5 瀏覽
0 讚好
0 留言
炙燒油甘魚 $17
呢件嘅感想只有三個字：太鹹了。上面嘅醬料好鹹，本身油甘魚應該係食鮮味，但咁嘅配搭好似喧賓奪主，甚至有少少欲蓋彌彰之嫌，令人不禁懷疑係咪魚唔夠新鮮，所以先要用較重味嘅醬料配搭。
醬烤日本產帆立貝
$22
5 瀏覽
0 讚好
0 留言
醬烤日本產帆立貝 $22
呢款係我嘅全日最佳！好似冇喺餐牌上見到，我係隨手喺迴轉帶上攞嘅，意外係勁好食！😍雖然唔係叫嘅，但依然係暖嘅，加上帆立貝真係勁鮮甜，話就話係醬烤，但其實冇乜醬嘅，輕輕炙燒過，微微焦香，更突顯出食材本身嘅鮮。☺️強烈推薦呢件，睇到相都想再食多件。
三文魚腩配三文魚子
$17
15 瀏覽
0 讚好
0 留言
三文魚腩配三文魚子 $17
呢款就普普通通，三文魚腩唔夠肥美，唔太推薦叫。
炙燒特上海鰻
$17
11 瀏覽
0 讚好
0 留言
炙燒特上海鰻 $17
呢款就好食嘅！雖然係幾款鰻魚裡面最平嘅一款，但依然好食，而且唔會食完好膩，啱啱好。
炸雞軟骨
$27
8 瀏覽
0 讚好
0 留言
炸雞軟骨 $27
副餐小食就叫咗炸雞軟骨，上次都試過，覺得以壽司店嘅小食而言幾好食，夠熱，唔算炸粉好厚食唔到雞肉嘅，配上少少檸檬汁，我覺得真係幾唔錯，略嫌份量太少，性價比唔太高，但如果真係好想食小食，我依然比較推呢款。
奶茶味卡達拉娜
$22
14 瀏覽
0 讚好
0 留言
奶茶味卡達拉娜 $22
我覺得奶茶味幾特別嘅，但佢冇原味咁好食，似坊間標榜奶茶味嘅product，有少少重人工奶茶味，同卡達拉娜有啲唔夾，但焦糖面依然係好食嘅，而且唔太甜，雖然奶茶味係嗰種標準人工奶茶味，但整體都ok嘅。
今次都係一個好嘅體驗，希望壽司郎可以增加app預約嘅位置，因為啱啱check咗兩個月內已經full booking，人生好難。☹️
張貼
