小桃咖啡室 (已結業)

星期四放工同朋友去左銅鑼灣樓上cafe食好西傾下計玩下board games減下壓😁一出lift就見到little tomato既招牌我地揀左個套餐，前菜係沙律 冇諗過係呢款平時對沙律麻麻既我都俾佢賣相吸引了小食-椒鹽腸仔同酥皮田螺主菜-卡邦尼意粉份量好足味道都唔錯好creamy😋推介！主菜-豬仔骨聽員工講呢個係得獎菜式所以我地決定一試由於即叫即製所以等既時間耐少少個豬仔骨好香食落好有肉地🤤🤤環境都唔錯仲包甜品同飲品

之前食過薯仔屋，應該係同小桃屋同一個老細。小桃屋就腳好多，喺利舞臺隔離，好易揾。地方比薯仔屋細啲，窗口位對正銅鑼灣鬧市兩部大螢幕，有啲殘眼。叫左個二人套餐，有前菜，一個意粉，豬仔骨，小食同甜品。份量預得岩岩好，唔洗浪費。前菜係蒜蓉包配吞拿魚長通粉，蒜蓉包香脆入味，唔會乾爭爭，長通粉中規中矩啦。小食叫左蜜糖汁雞翼，上次喺薯仔屋食過一次覺得好好食，可惜小桃屋呢個雞翼無咁入味，個面唔夠多蜜糖，食落無乜味，少少失望卡邦尼意粉，呢個好出色，好多地方個卡邦尼汁一係整到水汪汪，水浸咁，一係杰過頭。呢度個汁濃度岩岩好，食完隻碟都幾乾淨醬燒豬仔過配薯條，保持到水準，入味之餘骨肉好易分離，唔會食到勁痴牙，薯條配嗰個醬超惹味。仲叫左杯熱榛子朱古力飲，呢度飲品比我想像中大杯，感覺幾抵飲，偏甜左少少。

講到hea下時間、同朋友吹水，自然都會諗起去cafe，平時喺旺角、尖沙咀都有唔少，估唔到銅鑼灣都有間唔錯嘅樓上cafe~週日喺銅鑼灣要搵個地方坐下食下野，去到波斯富大廈嘅小桃咖啡室~cafe嘅環境唔錯，雖然位置唔多，但空間感足，梳化位都坐得舒服。另外有幾個窗邊位，對住times，咁啱有兩位外藉客人飲緊酒，感覺幾chill窗邊用左唔少胡桃夾子裝飾，相當可愛裡面有間房，幾闊落，人多可以考慮。餐牌選擇多樣，有全日早餐、沙律、吐司、意式薄餅、湯、意粉、薯蓉、飯、豬仔骨、小食、海鮮拼盤、甜品、酒精/非酒精飲品，消費時間兩小時，每人最低消費一款食物/飲品。考慮到係旺區，都係合理。當中有唔少2人套餐，套餐兩點後供應，用餐時間係3小時，定價$158-$278。咁我地揀黎揀去，決定當食埋晚餐，又可以坐多陣，就點2人餐。因為只有一個廚，全部都係即時制作，所以唔係快餐式cafe黎，可以慢慢坐下，甚至玩下board game都得。2人特級套餐 $188/位 (餐包、沙律/餐湯、主菜兩份、甜品、飲品)芝士蒜蓉包+是日沙律蒜蓉包好香脆，是日沙律配上長通粉、粟米、吞拿魚，都幾飽肚架。芝士蒜蓉包+是日餐湯我點嘅係餐湯