彩興來來火鍋 (已結業)

九宮格調味料，好靚，有XO醬任加鮮鯇魚湯($168)，用成條鯇魚做個湯底，店員話可以先品嚐左個湯先，的確好鮮味，因為之後加湯都只會加返豬湯。極上肥牛(大)$248，雪花紋路均勻，厚薄適中，食落好軟腍，熟左後脂肪位置都有少少通透。醬爆手打丸($128)，柚子墨魚丸、芥末芝心鮮蝦丸、黑松露蘑菇牛丸、花膠粒北菇肉丸，每種味都好吸引，我最鐘意柚子，墨魚丸夠彈牙，配埋柚子又幾特別。即炸響玲($58)，好大件又新鮮即炸，淥3秒，半脆半腍就最正。招牌三拼餃($108)，黃金餃、韮菜餃、黑松露鮮蝦餃，韮菜餃有非常重既韮菜味，我好鐘意，而且每種餃都脹卜卜好足料。鮮打蝦滑($88)，新鮮，好彈牙。

朋友搬入將軍澳帝景灣，我們HOUSE WARMING後諗緊晚後食乜好，屋主話帝景灣商場內有間火煱店唔錯可以試下，咁我就跟大隊去打邊爐喇!門口的招牌寫住即叫即煮，初時我還以為係講緊小菜添，朋友話原來湯底係即叫即煮。餐廳裝修簡單，光潔明亮，餐俱有特式，碗係心形。點餐紙共二頁，食物種類多，今次我地特意嚟試該店自家製的食物，聽朋友說水準很高呢!職員先把醬料盤拎來比我地調配，有好多選擇，包羅萬有~接著職員打開鍋蓋為我地準備湯底，一打開蓋先知下面係一個鑊，有別於平日火煱店所用的鍋，好大個呀!黃金雞湯黃金雞湯的材料有雞~蟲草花~花膠~鮮淮山。職員會先將火鍋湯料以薑蒜起鑊，爆炒之後加上雞湯去煲。煲好後香濃的雞湯味撲鼻而來，我們每人一碗立刻品嚐雞湯滋味，湯好甜~不鹹也不油膩，花膠好淋好滑，雞肉彈牙而鮮淮山爽口。由於我們不停地飲，湯已經不夠用來打邊爐，職員為我們添加了上湯。頂級安格斯牛頸脊(大)冰鎮登場的頂級安格斯牛頸脊份量很多，看得出油脂雪花分佈平均，肥瘦比例岩岩好，每塊灼十秒入口，牛味很濃而不羶，肉質嫩滑軟腍。西班牙黑毛豬肉質較有彈性，豬肉味濃。醬爆手打丸醬爆手打丸有: 柚子墨魚丸 / 芥末芝心鮮蝦丸

星期三下午休息，上左老友帝景灣新居打機，屋苑裝修設計好豪華好靚。我地兩個由天光打機一直打到老婆們收工過到黎先開餐，老友提議去佢樓下商場打邊爐，雖然我覺得好奇怪(因為由佢屋企望落去係完全見唔到有商店的)。我地7點半出發經帝景灣後門穿出去，原來真係有一個商場係度，老友提議食呢間彩興來來火鍋係商場1樓，外觀普普通通，望入去亦只得一枱客，感覺唔太靠得住，不過既然係地膽老友推介，我同老婆都冇建議食其他。我地坐左係一張四人枱，餐廳裝修簡約燈光明亮，座位寬闊，環境唔錯。由於只得兩枱客人，店員可以慢慢介紹餐廳菜色。菜單好簡單，只有兩頁，我地揀左$188的黃金雞湯底，因為呢個湯底有兩個女士都好鍾意嘅花膠。彩興的火鍋方式好特別，店員會先將火鍋湯料以薑蒜起鑊，之後炒香火鍋湯料再加入煲好的雞湯去熬。我地揀呢款黃金雞湯材料非常豐富，除左有半隻鮮雞之外，仲有花膠、蟲草花同鮮淮山。湯底超香濃，雞肉好嫩滑，花膠我地就上繳哂俾老婆們享用。 花膠雞湯我地每人飲左兩、三碗差唔多飲清先加湯打邊爐。我同老友都係牛肉控，打邊爐必點大量肥牛，難得小店都有提供頂級安格斯牛頸脊提供，我地當然唔會錯過啦。 大份同例牌相差$60，我地揀左

黃金雞湯底(半隻)現場即叫即係係面前煮，仲有花膠同蟲草花，都幾足料，唔同其他地方係廚房倒啲湯出黎就算，都幾特別。蒜香凍螺比想像中入味。即炸響玲係自家製既，炸到好脆又唔厚，所以我覺得好好食👍🏻個皇帝菜好新鮮鮮牛肉新鮮，好滑，值得一試肥牛不過不失牛脷爽口彈牙，個人覺得如果切薄啲會好啲牛栢葉都幾爽口黑栢葉相對黎講就比較韌醬爆手打丸(四色丸)，推介，其他地方既手打丸都好似冇醬爆，所以幾有特色，值得一試👍🏻個人覺得~平時打邊爐都會好口乾飲好多野但今次食完都唔覺好口渴。仲有其他野食睇落都唔錯，下次可以約多幾個朋友再去試😁