4號烤吧 (已結業)

我有酒，你有故事嗎？今晚約了朋友聚下舊，朋友住港島西區，佢話突然好想食烤魚，一於就下佢，最後比我搵到呢間位於卑路乍街，聞說是堅尼地城唯一一間烤魚餐廳。餐廳設於聯康新樓一樓，入商場搭扶手電梯上一樓，再行入少少轉左就搵到。餐廳地方十分大，周邊有不少卡座。另設有大電視，可供客人點選歌曲播放。環境光潔衛生。除烤魚外，亦有雞煲及四季火鍋。朋友收工去到大概八點半左右，餐廳大概五成滿座，之後九點零就越夜越多精彩，十分熱鬧好氣氛。朋友想食烤魚，所以點《魚豐盛套餐》（$468），可以選一款烤魚，小食兩款、串燒六串，另包飲品，可選百威大啤2樽、竹蔗水/密桃茶1渣。《重慶豆花烤魚》，店員介绍魚採用了凌波魚，魚超大條，魚先煎香，魚肉滑有魚味，而且最正係無細骨。豆花原來係豆腐，都有煎香了面，豆腐裡面十分滑，好香豆味。至於湯底選了BB辣、有超多芹蒜、洋蔥、青紅椒及炸豆等配菜，好食惹味。前菜小食《蓮藕撈海帶》，濃郁醋同海帶味，蓮藕爽口。《雞軟骨》有炸蒜，更加香口，食到吾停得口。串燒選了韮菜、台灣腸、豬腩肉，雞肉串。最特別係個串燒醬，鹹鹹香香，有點似沙爹醬。朋友同我都超鍾意食蠔，所以加$98追加《蒜蓉燒生蠔》，蠔鮮甜

呢間既烤魚真係冇得頂👍平時自問對烤魚🐟都唔係特別鍾情⋯⋯但係呢間令我想再約班friend一齊食😍😍佢成個環境好大，裝修亦好花心思，成個空間令人坐得好舒服!👍佢哋仲有vip room,可以比客人唱埋K!而且消費滿$300仲可以玩大抽獎！有得食又有得玩，好啱一大班friend gathering👏👏重慶豆花烤魚$258佢哋嘅烤魚好多選擇，令我呢啲選擇恐懼症嘅人特別頭痕，於是我就嗌左佢哋推介嘅招牌烤魚😻魚肉食落好爽口彈牙，而且好香辣😍加埋佢啲配料係超級入味👍👍仲有重點係超少魚骨！接近啖啖肉，令我食落好放心，因為唔使怕比魚骨哽親😚😚同埋條烤魚係超級大條！多人食仲正🤣因為可以嗌多幾款share，同埋呢度都係自助下單，超方便👍串燒燒金菇 $18燒菠蘿$20燒扇貝$58(2隻）燒肥腸$22燒雞軟骨$18全部串燒都好入味，而且扇貝係超大粒，食到好滋味‼️‼️😋😋😛如果多啲人仲可以嗌佢哋個套餐，會更加抵食🤣除咗串燒烤魚佢哋仲可以打邊爐，滿足唔同人嘅需要！而且仲有個自助吧白飯任裝👍