叁薯 (已結業)

呢間焗薯小店已經拎左兩年既米芝蓮推介街頭小吃獎項，真厲害！ 新開業既尖沙咀分店有座位坐，咁就可以坐住等食喇～ 先講佢地既焗薯^____^ 重量級芝士焗薯($36) 好足料既薯仔，係原隻薯仔黎架 從來芝士配薯仔係一件好合襯既事， 酸忌廉酸酸甜甜， 煙肉粒既咸香， 再加上滿瀉既芝士， 成件事邪惡得黎又難而抗拒～ 兩個人分享就最好 薯仔切開了一半的， 薯味濃，口感香滑 很快被我們肢體了 薯仔夠淋，很易挖出 薯仔充滿芝士香，兩者融為一體，將芳香既味道提升左一個層次 凱撒惹味雞($28) 這個是雞塊來的，炸粉很薄，雞肉嫩滑，仲食到D雞肉好juicy 加上凱撒沙律醬，很惹味！ 流心芝士薯波($22/3粒) 同樣地薯味十足! 薯蓉粒包住芝士 不過呢～芝士一D都唔流心 ，幾失望的 我以為會好磅礡咁流出黎架T_T 點醬薯條 千島蛋黃醬($30) 薯條粗身十足，香脆可口，而內軟熟 可能食到太多芝士同薯仔 我覺得眼前既千島蛋黃醬同芝士醬冇分別>< 醬怪既我希望可以多D醬 芝士蝦餅($28) 雖然叫做芝士蝦餅，但我唔太食出芝士味 蝦餅薄薄的，口感厚實，蝦味就亦都唔太重喇～

夜晚做facial未夠鐘，ｏ係附近搵D 小食頂下肚餓。咁岩就見到呢間小食店，google 下發現原來大有來頭。一於試下la, 叫左香煎煙肉洋蔥薯餅同重量級芝士焗薯黎試下小食黎講，價錢唔算平，不過幾有誠意，幾公道！即叫即整，所以都等左5分鐘~~ 到手個時熱辣辣~~~香煎煙肉洋蔥薯餅($30)呢個薯餅1D都唔油膩，薯味好重，唔係得D 炸粉咁，有D驚喜。洋蔥係切到一絲絲咁，令到個薯餅幾香口~上面加埋D sour cream ，蔥花，紅椒粉，幾夾幾好味！重量級芝士焗薯 ($36)芝士焗薯都唔錯，薯仔焗得幾香，薯肉唔算好淋，口感幾好～芝士味都有，係未去到拉到絲，同薯餅既味道有D 相似!都係有sour cream, 蔥花同紅椒粉~~個人比較鍾意薯餅多d! 因為加左洋蔥，感覺清新d~~總括黎講，當係下午茶份量係岩岩好，可以一試

之前聽朋友介紹過呢間係太子嘅焗薯係專賣焗薯嘅一間小食店今日經過試咗招牌 重量級芝士焗書同埋店員推介嘅秘製炸雞重量級芝士焗薯焗薯屬比較普通 味道並唔係太特出但份量都算大 同埋落得好足料落咗好多芝士醬  但係咁多芝士配埋焗薯一齊食會好濟所以建議兩個人一齊share開心食秘製凱撒惹味雞反而呢個炸雞就做得幾好尤其係落咗秘製醬汁 有啲酸酸地又帶點香味炸雞份量都好大 熱辣辣新鮮炸起可以話係皮脆肉軟 幾好味

今日去太子經過叁薯! 作為薯仔控既我冇咩理由試下!哩度門面唔太大! 但都幾多食物既選擇!除左薯仔之外! 仲有其他既小食!我order左2樣! 重量級芝士焗薯!大大既薯仔即叫即焗！大約等左5-10分鐘!  佢焗得好適中！唔會焗得太硬！ 已切開既薯仔仲好熱辣辣！ 配上大量半溶化芝士、芝士醬！ 仲有加上酸忌廉! 蔥花、洋蔥令到薯仔好香好香！又可以連皮食！ 面層仲有啲辣粉！有好輕微既辣味！美味呀！👍🏻-另外order左煙肉洋蔥薯餅!同樣好正呀! 有酸忌廉、小小辣粉、洋蔥同埋蔥花! 仲有落左黑椒粒粒! 佢係將薯仔切絲同煙肉碎煎香, 煎得好脆呀! !而份量仲好多! 薯仔控必試！美中不足既係底部太多油了! 可能煎完冇「鯨」乾油就落調味料喇！鐘意食薯仔既你要試下喇!

街頭小食檔, 除了一貫的魚蛋燒賣外, 近年更加入不同種類的掃街小食, 更有取得2016米芝蓮街頭小食的叁薯。 掃街飲食都可以摘下米芝蓮, 真不容忽視!主打焗薯的叁薯位於旺角金魚街街尾, 小食店臨立的街道上, 門面不算是突出, 小小的一間究竟有何能耐脫穎而出? 真要試試才知!除了供應焗薯, 還有薯蓉, 薯餅, 薯條和薯角。不過獨沽一味較難站穩, 所以亦有燒茄子和惹味雞選擇。小店有賣美白健康之選, 自家製檸檬薏米水。重量級芝士焗薯 $36餐單內其中一款推介焗薯。 用紙盒盛載的原隻焗薯, 表面佈滿Sour cream, 和份量多到蓋住整個焗薯的車打芝士, 因熱力而溶化了的芝士緩緩流出, 灑上蔥花和紫洋蔥粒, 色彩豐富的賣相已經好吸引。焗薯即叫即做, 很熱騰騰, 薯仔質地較濕潤, 焗得未夠乾身, 頗為稔口。 味淡的薯仔加上鹹香的車打芝士味道不錯, 微酸的sour cream更可中和膩口感, 蔥花跟紫洋蔥令整體味道香口。香煎煙肉洋蔥薯餅 $30小店另一推介。將薯仔切絲後再煎香, 不過薯絲烚得少許過火, 薯餅中間口感變得軟糯, 不過煎過後外皮帶點脆口。灑上薯仔的好朋友 - 黑椒, 惹味香口, 不過