德美壽司 (新都城中心1期) (已結業)

都幾多人話呢間壽司 好味所以黎試吓見佢二人set幾多嘢食 就直接揀呢個三文魚切得幾厚 好味不過其中一舊有骨油甘魚壽司都幾好食 油脂幾豐富三文魚既骨煙三文魚沙律 有幾塊煙三文魚蕃茄同啲菜都幾新鮮 加埋胡麻醬 味道唔錯野菜牛肉鍋入面都有幾多牛肉一隻糖心蛋同埋菜 個湯底都幾甜中華沙律普通味增湯入面有一隻蜆有啲海大 個味有少少甘甘地同平時飲嘅味增湯唔同炒飯唔知係咪我哋放得太耐都未食個底變咗飯焦 咬落去有幾粒飯會好硬整體味道都係偏淡天婦羅有蝦、甜薯、茄子、南瓜全部都炸得幾好食 唔會好厚粉 又唔會好油條鯖魚好大條 好多肉 好味最後甜品係奶凍上面有啲芒果醬本身個奶凍都幾好味 奶味好重但係啲芒果醬好酸 加左反而冇咁好味另外嗌咗兩款壽司帶子幾厚身 不過感覺上唔夠凍咬落有啲黏海膽軍艦好味 食到鮮甜味

呢日收工去左將軍澳搵朋友食飯，黎左德美食日本菜第一次試呢間，好期待！餐廳都幾多位，環境舒適坐低左就好快叫野食喇！因為太肚餓喇我地叫左兩個定食加一個鍋物＃前菜：味噌湯、沙律味噌湯冇平時飲個Ｄ咁鹹，好岩我呀個沙律入面仲有帶子添！我地話咁快就食哂＃三色魚生丼我對魚生真係百吃不厭，食親日本野都要食魚生飯刺身非常新鮮，好正！！撈埋一齊食真係超級juicy！＃活鰻魚樸葉飯定食鰻魚有好濃既炭燒香，鰻魚入口軟腍又有肉感Ｄ飯仲粒粒分明添，好想再食多次＃野菜牛肉鍋呢個鍋既食材十足，牛肉夠腍，易入口仲有好多菜，岩哂我地！＃蕨餅仲有甜品添！係煙煙韌韌既蕨餅呀食完真係好滿足！Overall食物非常高質，食得貴少少都抵呀！店員服務態度亦都唔錯

已經晚上八點，德美壽司門外仍然有不少等位的人，幸好之前訂了位，很快就有檯了。餐廳裝修幾靚，但有一點擠迫。餐牌選擇超多，有點選擇困難，最後點了$308精選二人餐，連加一服務費，人均消費大約$170，價錢不算太貴，套餐包括前菜、沙律、飯、湯、刺身、炸物、天婦羅、燒物、湯鍋，十分豐富。精選二人餐$308 日式前菜三文魚刺身鯖魚鹽燒枝豆 野菜牛肉鍋 日式炒飯 和風沙律 什錦天婦羅 大蜆味噌湯 甜品整體感覺滿意，環境、食物和服務質素都不過不失，可以一試。

今晚終於食到，有一晚想食，來得不及時，店員話全部剛剛入，即係提我哋，要等都可能好耐⋯⋯所以個次都無食。今晚，不太餓，等等都無所謂，一按刺，等9張，好啦，諗住周圍行吓等都得😛 點知行開一陣都叫咗3張，所以都快快腳行返去😅 再企多10分鐘左右就入得，個位都唔錯添😃👍🏼係店外望，都好似坐得有啲迫，但坐落都ok喎，裝修不錯，都算幾舒服，店員嘅服務都幾好，讚😊👍🏼一到，兩個一齊到，鐘意😃👍🏼 唔洗用爐👍🏼咪睇佢個樣好似一啲都唔熱咁，其實都不知幾熱！因我倆唔食生蛋，到咗即刻推咗隻生蛋落底，之後佢就熟咗喇😁今晚叫兩個都係鍋，因我倆停咗食生嘢好一段日子⋯⋯今晚兩個鍋都唔錯，所以都俾咗好評。下次再試第二啲食物，會再寫😁先睇我個鍋燒烏冬又一次証明，睇餐牌要睇埋英文！  中文無寫有蝦天婦羅，英文是有寫的☝🏼😌  不過，隻蝦就一般，烏冬都一般⋯⋯好彩個湯都幾好味，其他配菜都得，基於只收67蚊，我都俾咗3粒星佢😅再睇牛肉野菜鍋，好味😋👍🏼足料😃👍🏼  對我倆來講，牛肉是瘦的，好喜歡😁 叫埋單時，先知有免費小甜品，開心😁好味😋👍🏼

每星期日午餐都係同屋企人飲茶，今日換換口味去食日本嘢，就去咗家人屋企附近嗰間日本壽司餐廳食，未夠12點已到達，排頭位等入坐。餐廳開鋪後，侍應安排我哋一行6人入坐卡位，感覺座位有點狹窄，睇完menu後，立即落單order食物，食物亦好快送上。極上壽司定食嘅壽司款式不少，新鮮度還可以，但真係冇嗰隻剛從壽司冰櫃攞出嚟，嗰啲冰凍嘅新鮮感覺，實在有點可惜。什錦魚生飯跟之前啲壽司味道差不多，魚生亦係冇嗰啲冰凍新鮮感覺，而係暖暖的，感覺唔太好！鰻魚飯定食嘅鰻魚，肉質質感不錯，但鰻魚汁不夠，而且味道似豉油雞汁多過鰻魚汁。滑蛋豬扒飯表面睇外觀確實不錯，但原來洋蔥和蛋汁都只係上面一遍，食咗一半唔夠已經好似食白飯咁，真係有點強差人意。野菜牛肉鍋係今次呢餐飯最好食嘅，牛肉嫩滑，味道鹹甜剛好到位，不錯！沙律菜配上一片厚切帶子，新鮮可口，日式蒸蛋夠嫩滑，味噌湯味道也算不錯，呢啲全都係定食套餐附送嘅。最後送上定食甜品，原來係芒果奶凍，只可以講句味道還可以啦！不過整體嚟講，呢間餐廳出品真係好一般囉！