葉香留

營業中

休息中

每次路過電車路都聞到好香既菜湯味，經朋友介紹先知係野葛菜水，喉嚨唔舒服一飲就見效。 曾經試飲左幾啖覺得好好味，於是作感冒就黎睇下有冇其他涼茶飲。睇左一陣發現全店只有兩款涼茶，就係野葛菜水同羅漢果茶，見羅漢果茶潤肺、化痰、止咳好似幾岩我。 俾錢前多口問阿姐作感冒飲邊隻好d，阿姐推薦野葛菜水，於是買左一枝 ($29)。拎上手仲暖暖地，飲落喉嚨的確好滋潤，味道似菜乾煲既老火湯，完全唔苦，岩哂想清熱解毒又怕苦既我。 阿姐都好好招呼，仲提醒我開封後放雪櫃，最多可放2、3日。好窩心。