金滿堂甜品

營業中

休息中

還記得以前喺調景嶺IVE上堂，同第一個追求我既男仔黎過黎九龍灣行街，行經金滿堂門口時，見到好多花牌，個招牌寫住:少甜低糖，正合我心就同佢入黎食左個甜品，嗰時出面既甜品店冇太多花款，呢間相對好多款式，味道亦好好，唔甜，用料亦唔吝嗇，真係好欣賞呢間甜品店。此後都經常帶朋友，男朋友黎食……所以可以話金滿堂充滿住我既回憶……只可惜由上年開始，發現佢味道同質素已大不如前……直到今日，我既回憶已經完全崩壞……一黎到，發現佢餐牌上好多食物都唔同左款式，都啱嘅，因應潮流嘛。叫左個經典金枝玉葉食~order完，一反常態，竟然唔駛5分鐘就上左菜，已經覺得有啲問題，食落口，嘩，好多冰，仲要唔係碎冰粒，係大冰塊，係好多既大冰塊，已經影左其中兩塊冰塊俾大家睇睇，食落就係好多冰塊，搞到冇咩芒果味，成個甜品就係撈都唔撈，直接喺雪櫃倒啲芒果汁（未溶曬雪嗰隻），再喺面放珍珠，蘆薈，龍眼肉。冇錯，佢冇變到，一樣係低糖，只係味道，質素已經差左好多……呢間甜品店充滿住我既回憶，真係好想佢繼續開業，唔好關門，但以佢質素繼續咁樣下降落去，真係有執笠既可能，真心希望佢可以好好改善。原本好想俾劣評，我既“一般”只係俾我對佢既情意結

 好的晚上一定要有甜品作結平時經常都會光顧大型連鎖甜品店因此特別喜歡到這些小品店作支持這次又到了一間有趣港式甜品店之所以喜歡港式甜品 就因為他們的創意只看甜品名字就覺得店方很有諗頭而且甜品配搭都比較少見我們分別點了黑樹皮, 龍珠二世 和金枝玉葉黑樹皮其實是朱古力綿綿冰價錢只需三十多元 比坊間的便宜雖然份量也好像沒太豐富但朱古力味十分濃郁 濃度也較高 不會過甜適合我這類偏愛黑朱古力的食客份量少一點反而感覺不會過膩龍珠二世是一款以芒果汁作底 再加上小丸子 珍珠 和雪糕的甜品簡單的配搭 卻細心的選了普遍香港人喜歡的材料大路卻又惹人喜愛惟一我不太喜歡的地方就是芒果汁太稠了說是芒果漿還更貼切 結果吃起來的口感就有點太假太造作最後還有金枝玉葉其實就是店方自家改良的楊枝金露因為是友人點的甜品 所以我沒有嘗到不過還是看到店方的小聰明把楊枝金露裡的柚子肉改為龍眼肉避免了柚子肉不新鮮而帶來的苦澀味更以龍眼肉為甜品加上自然清甜的味道 別有用心呢

其實我就冇食宵夜習慣,久唔久一次糖水都應該唔會加磅既...今日就由我介紹好朋友到金滿堂試棉花冰.身體唔好我都好少食冰,但金滿堂做得咁出色,都要試一試既~好朋友話而加周街都係棉花冰,人人都話係本店,咁邊間先知係始祖呀??我就話佢做得好咪得囉,始祖都係咁話!我們4個人點了:-朱古力味棉花冰>> 前幾次已經試過綠茶,石榴味,今次朋友中意係朱古力味,我又食多次囉!感覺唔好有冰,好濃厚朱古力味.加埋幾款伴碟既小丸子,西瓜. 一絕!香蕉船>> 真係估都估唔到叫香蕉船.仲叫得好複雜(笑死)半條蕉+3個雪糕球,有云呢嗱,朱古力,曲奇同芒果口味.揀左3個味之後個侍應竟然問"咁你就唔要芒果味啦?"喂,你俾得3個球就緊係要放棄一個味啦........真係~之後仲要揀用未古力醬定芒果醬★叫到人都呆晒.金枝玉葉>> 好明顯就係楊枝金露.我就冇試,不過朋友就唔洗三分中食完,應該好味卦.

飯後兩口子喺附近行左一陣, 臨別秋波之際, 當然要食番個甜品作為送行, 記得喺晚飯時隔離有間甜品店, 於是就行過黎試一試喇!去到門口, 伙計話問坐出面定坐裡面, 當然師傅梗係唔坐裡面啦, 皆因又熱又落雨, 加上師傅又唔煲煙, 所以冇必要坐露天, 於是乎喺門口等一陣, 最後有位就可以入去坐喇!坐底後, 兩口子即刻商量下食好, 最後決定要個金枝玉葉同埋紅粉佳人!等左一陣兩個甜品就擺左喺面前, 金枝玉葉其實係楊枝金露改良版, 有芒果, 龍眼同埋西米露, 味道幾濃, d芒果漿就幾杰, 而芒果就甜酸參半, 龍眼就好清好甜, 而西米就幾特別, 皆因 脆卜卜, 幾好咬口, 唔會腍到爛咁, 幾好; 紅粉佳人就以士多啤梨為主打, 不過士多啤梨都幾酸, 但係個心形啫喱就好甜同幾煙韌, 加上西米露底夠清夠冰凍, 而西米又係脆卜卜, 好正呀!總括黎講甜品質素都唔錯, 環境一般, 服務尚可, 價錢可以接受! 食埋個送行甜品, 師傅就帶住一夥好滿足嘅心情離開, 應該會有一段時間唔會再黎呢區, 希望下次再黎印象同感覺依然會令人滿意啦, 今次笑臉絕對值得一比!