光榮米線 (已結業)

駱駝漆大廈三期真是觀塘打工仔至愛，又多良心食店，價錢又平。今日去到2樓的光榮米線食晚餐，鋪面乾淨企理裝修又有港式風味，店員亦都有禮貌！【金牌米線】選了三仔麻辣湯底小小辣，味道比譚仔更濃郁，而且清甜味道和爽口的米線很夾，好出色的湯底！配料有辣腩肉、雞絲、雞翼和火腿，雞絲最出色，本身就有調味，而且一條條撕開後融入米線；辣腩肉味道有點鹹，調味十足。【蔥油雞髀煲仔印尼撈麵】一端出來已聞到10分惹味的香蔥味道！雞髀很大隻，外皮炸得香脆，中間質地比較乾身，配搭着印尼撈麵好惹味。【麻辣三拼】有豬肚、豬耳和鴨腎，絕對是份量取勝，調味就比較鹹，不過真是很大份很抵食！

🍜🥣🥢大大碗好足料光榮米線☑️金牌米線 - $58金牌米線個湯底都係小窩米線湯底，係酸辣黎的，可以選吾辣、少少辣，及小中大超辣，金牌米線包左指定配料，除左有小窩都有嘅芽菜、酸菜、韮菜、肉碎（小小辣）外，仲有加錢餸嘅辣腩肉、雞絲、雞翼、火腿。如果本身都想叫呢幾個餸，可以直接叫金牌米線，吾係嘅話可以叫小窩逐樣餸加錢。我叫左少少辣，酸辣味都出，好惹味，吾會太辣，雞翼大大隻有2隻，好重滷水味，應該醃咗好耐，好味道。雞絲較鞋但量多，辣腩肉比左好多塊，吾算好辣，肥瘦均衡，好味，火腿有2大片，正常味。米線、酸菜、韭菜、肉碎份量都唔少，好夠飽，好味又抵食😋☑️凍菜蜜 -$8熱飲凍飲一律加$8，凍飲嘅冰係碎冰，大大杯，菜蜜本身較甜，等啲冰融左啱啱好。