銓滿記餐廳小廚 (已結業)

尋日煲仔飯癮發作，四周搵餐廳，及找朋友查詢。IG，網上及朋友都得出同一答案，九龍區想坐得好就去「銓滿記餐廳小廚」，其實呢間餐廳我經過N咁多次，次次都話下次先，未係時候，點知尋晚就去了。我哋3個人，每人叫了一煲煲仔飯，有人喜歡要加臘腸，因為煲仔飯畀你嘅感覺一定要有臘腸或者臘味先會夠香， 仲要有飯焦及秘製豉油。第一煲「 臘腸肉餅煲仔飯」， 臘腸都夠味，如果切片會比較容易食，肉餅都ok la。第二煲「 金銀蒜粉絲開邊蝦煲仔飯」，金銀蒜即係有生蒜及炸蒜，蒜味夠亦香口。粉絲份量好多，不過很濕令飯嘅水份多了，難造成飯焦，開邊蝦都ok，整體上中規中矩，只是差一點惹味，而且飯超多，我一個人根本食唔晒。第三煲「 陳皮鴛鴦鮑魚煲仔飯」，呢個煲仔飯比較淡味，朋友加了超多豉油都覺淡，鮑魚新鮮，味也ok，都一樣粉絲多而濕，有輕微飯焦。套餐送靚菜及老火湯，我想講老火湯真係好好味，好有火喉，沒味精及湯好清甜，我比較掛住個老火湯多一點。

今天想去食煲仔飯，就去了「銓滿記餐廳小廚」。以為六時才有煲仔飯的供應，但六時去到時已經滿了一大半的鋪，卡位才坐滿了人，被選了一張的大枱，看看到選了金銀蒜粉絲開邊蝦煲仔飯和豉汁帶子煲仔飯，每個飯都有一碟油菜和一個例湯。油菜和例湯兩個人去它們將兩碟油菜放在一碟，但一碟一個人食也不足夠，例湯也沒有什麼特別。豉汁帶子煲仔飯($80) 有四仔的帶子在上面，份量雖少但味道鮮甜，和豉汁、粉絲和蒜蓉一同拌著來食十分之香口，下面的飯中間軟但四邊都有少少的飯焦，加一些豉油來食感覺可以，在寒冷的天氣進食十分適合。金銀蒜粉絲開邊蝦煲仔飯($80) 整體上和之前的煲仔飯差不多，但最大的敗筆就是隻蝦，蝦的質地不是太新鮮，所以有一些「霉」而不太結實的感覺，令本來熱辣辣香噴噴的煲仔飯大量的失色。進食期間人流極多，卡位都要每邊坐兩個人，這些對於美食來說不是太大的問題，但在人多手腳亂時老闆對伙計的態度就有少少的不感恭維，有些這些細節令人進餐時的感覺不太好，一食完就立即離開了。一好一差的感覺，希望有所改善的「銓滿記餐廳小廚」。