喜惶點心專門店

營業中

休息中

男朋友話好耐無飲茶，所以特登搵左幾間九龍區出名點心舖，當中亦有米之連平民茶樓，可惜胃得一個，食唔到咁多間，最後綜合Openrice同Youtube嘅意見，最後揀左呢間評分唔差嘅點心店😏。本身想飲下午茶，但餐廳下午茶要3點先開始，Lunch都未食嘅我地無可能等到3點，最後我地只點全日同價嘅點心，感覺無咁蝕底😂。我地兩個都係大食鬼😅，點左8樣野!! 其中有3樣係牛類，全因餐廳聲稱自己係牛肉世家，對牛魔王嘅男朋友黎講，當然滿心期待啦!!牛類點心分別係燒汁牛肉蝴蝶餅、粟米煎牛餅、香煎沙嗲牛肉包。燒汁牛肉蝴蝶餅$32點佢嘅第一個原因係之前睇片見拍片者話好有牛味、必食，二黎係第一次見呢款點心，咁特別當然要試下啦。咬左第一啖😯，我就叫男朋友唔好試，因為塊牛肉餅係無左馬蹄嘅牛肉球，男朋友聽完勁失望，因為佢唔中意食牛肉球陣芫茜味。我一個人食左三舊，評價就係牛肉球同芫茜味囉，點解有人會話佢有牛味嘅?! 🙄粟米煎牛餅$25呢款係食客推介之選，外皮好薄，可以隱約睇到入面d餡，加上我地都中意食煎炸野，一上枱就即刻試。一入口，「D…🤐」個餡咪係馬蹄換左粟米嘅牛肉球😑….又係有芫茜，唔食芫茜嘅男朋友表示崩潰。香煎沙

同男朋友去完staycation後搵lunch食，大家想食點心，就搵下附近有咩點心餐廳好食😋 誤打誤撞搵到呢間hay wong 囍皇，見到網上評價都幾好，就過黎試試。主打之一既竹炭溶岩奶皇包，真係好好味，奶皇十分juicy👍👍👍醬皇金錢肚，好入味，價錢都唔貴，27蚊三文魚沙律春卷，一樣好味，春卷皮好脆，沙律醬加埋喼汁意外地夾，入面有青瓜，比較少見既春卷，29蚊另一個主打既點心，炸蜜瓜奶！27蚊，蜜瓜味好重，應該係直接用蜜瓜奶去炸想食粥既我，點都要嗌返個皮蛋瘦肉粥🤣 冇咩味精，亦都幾足料仲有大大粒燒賣👍👍總括黎講環境 ⭐️⭐️⭐️⭐️味道 ⭐️⭐️⭐️⭐️⭐️舒適 ⭐️⭐️⭐️⭐️優閒 ⭐️⭐️⭐️⭐️回頭 ⭐️⭐️⭐️⭐️⭐️呢到有下午茶優惠，我地早左dd到 差dd先嗌到d優惠點心，不過太肚餓就唔等夠鐘。本身價錢亦唔貴，十分抵食，性價比高👍👍推介👍👍

因為搵唔到💛店，所以好一段時間無飲茶。今次俾我搵到係旺角既呢間！舖位唔大，所以位置唔係太闊落，不過飲茶係要咁先有感覺😆叫咗佢嘅招牌奶黃流心包（$24），熱辣辣好好食同埋真係好流心！呢度嘅牛肉（$25）係好出名嘅，所以我哋叫咗個炸粟米牛肉。呢度嘅炸物好新鮮，牛肉配粟米嘅配搭都係第一次食，值得一試！金錢肚($27)都係冇得彈，係靚仔嘅金錢肚，下面嘅蘿蔔都好夠味🥰佢嘅雞扎有兩款，一款係普通雞扎($29)，另一款係有蟲草花！叫左個普通款，好足料，係戀愛既感覺❤️另外仲叫咗炸蜜瓜鮮奶($27)，識落好似細細個嘅蜜瓜鮮奶味道，查出嚟好脆身，如果鍾意飲哈密瓜鮮奶嘅就唔好錯過。😋價錢好實惠，所以一定會再黎食！

主打食牛肉類嘅點心牛肉蝴蝶餅幾特別，平時少啲食到金錢肚口感唔錯 爽口，有啲其他鋪整到好淋🥴個汁恰到好處，唔會太鹹太傑身蜜瓜炸鮮奶都幾特別😂不過我本身唔太鍾意蜜瓜如果有埋原味炸鮮奶可能會好啲🤪第一次食有上湯浸住嘅鮮竹卷無咁油膩😌😌牛肉荷葉飯有少少偏鹹🙈

喜惶點心專門店老板係牛肉世家，三代攞牛肉，所以此鋪所有牛肉全部靚貨，但凡有牛肉嘅點心都係好食，有牛肉味。蔥花炸兩腸粉正正常常食開嘅味道，未見有乜野特別突出。無味精老火湯夠料老火湯，十蚊大大碗，是晚係木瓜雪耳煲肉排，唔鹹足料，有湯味，抵飲好飲，係衰在唔夠熱啫。紙包骨實在係太耐無食過，排骨與軟骨位，因為包住間油紙去炸，所以可以食到油炸嘅香脆但又唔係太油膩，但其實食味一般，食其回憶。金錢肚正常酒樓食味，無乜特別。陳皮山竹牛肉球依個好食，陳皮味同牛肉味好立體互相匹配，牛肉好明顯係靚貨，肉質嫩滑彈牙，有牛肉味，非常多汁，牛肉打得彈牙又結實，好食。乾蒸牛肉依個都好食嘅，但明顯與山竹肉球有嘅對比，有啲乾身，牛肉汁與山竹牛肉對比就明顯唔夠，但其實都係好食嘅。粟米煎牛餅食完蒸嘅就食煎，粟米嘅甜與牛肉嘅鮮都好匹配，雖然係煎，但係師傅控制得幾好，皮煎得幾乾身，但咬落還有肉汁，好食。密瓜炸鮮奶依個就好似食緊固體嘅陽光密瓜豆奶咁，係完全一樣味嘅，我原本就好鐘意密瓜豆奶嘅，所以覺得幾好食。整體而言，抵食又好食，好值得幫襯。