欣圖軒 (已結業)

上星期五同朋友慶生 去左米芝蓮2星既欣圖軒食午餐 點既主要係點心：香芋火鴨雪山包-外皮夠脆 幾口味鮑魚海鮮芋酥（原名唔記得）-上面係鮑魚 下面係芋頭酥，餡料好足 有好多蟹肉，亦有芋頭既香味，值得一試！極品三式海鮮餃-分別係黑松露帶子餃（左）、鮮斑餃（中）、長腳蟹菜苗餃（右），個人最鍾意帶子餃，非常鮮味！金魚餃-可能因為食左三式餃，覺得呢個無咩特別，個人認為叫左三式餃可以唔駛叫呢個XO醬炒蘿蔔糕-蘿蔔糕本來係好普通既點心，但呢度整得好好味，蘿蔔糕本身好綿，味道亦好好，非常推薦！最後既甜品揀左比較特別既薑汁雪糕， 上面係薑汁雪糕，旁邊配上龍眼肉，下面就係奶凍，口感好豐富！

餐廳環境清靜，風景優美（雖然附近有工程，但如若想欣賞傳統香港維港景，算是值得一試的餐廳）。由於餐廳位於酒店地下一樓，需要步行樓梯才可到達，如行動不便，請先向酒店查詢安排。食物選擇豐富，點心精美足料，質量不錯，製作精美用心，味道清淡但提供六款調味料以配合各人所需。菜類，肉類，海鮮，素食，飯麵各式其式，並不一定需要選擇套餐。服務態度一流，值得嘉許！可向酒店職員查詢，有機會享受某些信用咭優惠。酒店有免費泊車服務。