肇順名匯河鮮專門店 (已結業)

今日嚟到肇順名匯，裝修得好有廣東嘅味道，仲喻為河鮮專門店！河鮮係生活喺河嘅生物，物價當然比唔上海鮮！但如果烹調得好，味道上絕對唔會輸俾海鮮。由帶位員工接待我們入店內，沿路已經覺得冇嚟錯，因為食物嘅香味已經直撲鼻蕾！未食已經覺得好好味～餐牌好吸引，好多都想食！最後揀左以下幾款，順便就直接分享試後感啦～雜菜煲：用傳統瓦煲呈上，有幾款菜，味道唔錯，粉絲好多，索晒精華。煎釀豆腐：豆腐釀上魚肉，豆腐好滑，加上魚肉食好夾，醬汁味道濃，再配上香蔥粒，好香。簡單嘅一道餸食出唔簡單嘅滋味～西芹珊瑚蚌：西芹爽口，珊瑚蚌鮮甜，小小辣味作調配，更為惹味。豉椒炒蜆：蜆肉不算大粒，但味道不錯哦～嚮螺雞花膠湯：好足料，湯好濃，所以感覺好補～下次要試埋個天麻魚頭湯，應該仲正！因為是日已售完。銅盤焗走地雞：用錫紙包住銅盤，再即場剪開，雞肉味即時撲鼻，再混雜陣陣蔥同姜香味，仲有沙姜嘅香味，雞肉入口嫩滑，而且雞汁保存得好好～正！啫啫通菜煲：色香味俱全，熟度剛好，唔會過熟過透，所以口感好正！招牌骨香野生桂花魚（兩食）：桂花魚原條起肉，魚肉新鮮嫩滑，肉質結實，味道絕不輸俾海魚！魚骨炸香，脆辣，不禁一食再食！兩食明顯各有特色，雙

睇完戲，約埋媽咪一齊食晚餐，Megabox食店多！呢間細佬食過幾好味，所以去呢度試下，無訂位都有位！店員帶到櫃檯前一張中枱，四週嘅枱非常迫，只有半條路行！要側身行！場內好嘈吵！店員超繁忙！落單都要舉一輪手先有回應！不過回應時都有禮！店員話今晚有宴席，所以會較忙！睇住廚師推介叫了兩個食品，之後細佬來到再加單，個女部長燥燥地，叫我哋盡量今晚一次過叫晒（我都想）但又唔係無禮貌，佢又會盡力介紹食品，好矛盾！本來想試順德名菜，炒牛奶、陳村粉⋯點知陳村粉賣晒，炒牛奶又話今晚有酒席唔做！好失望！點都叫到菜色，但就係普通酒樓菜色！天麻海雀燉魚頭（小）：呢個湯好足料，帶甘味（天麻味？）所以肥髀唔喜歡，燉湯好清，味道濃郁！正！銅盤焗走地雞（半隻）：錫箔紙包住銅盆，焗雞肉好滑！不過都幾油！家鄉咸肉炒蓮藕片：蓮藕片爽脆，份量唔多，咸肉咸香！脆皮炸大腸：份量少，炸得香脆無壓味！點酸汁好味！原籠糯米蒸羔蟹：好少糯米（好薄）索晒蟹油香，煙韌好好味，蟹仔好迷你，基本上係蟹BB!好高超嘅技巧先可以食到啲肉！講真味道唔錯，但份量偏少，今晚我們幾個都食咗嘢打底，唔係真係唔夠飽！而且無糖水送！比較少家！